Espen (28) har passert Tiger Woods på verdsrankinga

Espen Kofstad har klatra 964 plassar på verdsrankinga sidan januar. Nå er han forbi tidenes største golfspelar Tiger Woods og kan bli klar for OL.

Espen Kofstad

TILBAKE: Espen Kofstad har lite med ein ryggskade i to år, men nå er han verkeleg i gang igjen på golfbanen.

Foto: Andrew Redington / Getty Images

– Det er moro det. Han er jo det store idolet. Når han har vore så mange år som nummer ein, så er det ganske kult.

Espen Kofstad har klart det ingen nordmenn har klart før han.

– OL var heilt fjernt

Da den offisielle verdsrankinga i golf blei oppdatert måndag morgon var Kofstads namn 81 plassar høgare enn Tiger Woods på 478. plass.

– Det er jo mest morosamt, han har jo ikkje spelt så mange turneringar i det siste. Men eg må jo prøve å halde meg over han når han kjem tilbake frå skade også, seier Kofstad til NRK.

Woods

PASSERT: Tiger Woods ligg no 81 plassar bak norske Espen Kofstad.

Foto: GARY CAMERON / REUTERS

Det var Norsk Golf som omtalte saka fyrst.

Sjølv om Woods er langt ifrå den han ein gong var, har også Kofstad slite tungt dei siste sesongane. Akkurat som amerikanaren har skader sett ein stoppar for mange turneringar dei to siste åra.

Før korsrygg-skaden var Kofstad ranka heilt oppe på ein 180 plass.

I januar i år var han heilt nede på ein 1442. plass og OL-tur til Rio var heilt i det fjerne.

– Det har vore så langt frå realistisk. Eg har stort sett ligge på sofaen i to år og nesten ikkje spelt turneringssgolf på to år, fortel Kofstad.

Trenger ein topplassering til

Nå er Kofstad ikkje berre betre ranka enn Tiger Woods, men også svært nær ein OL-plass.

– Akkurat nå synest eg sjansane mine er kjempegode. Eg må ha ein topp-3 plassering til på dei fire neste vekene, til så er eg i OL. Det hadde vore heilt enormt, seier Kofstad.

Hovudtrenar for Team Norway, Jon Karlsen, trur sjansane er til stades for ein norsk herregolfar i OL.

– Han har absolutt ein reell sjanse for OL-billett. Espen har spelt bra den siste tida og er den som har størst sjanse. Det hadde vore veldig bra for eksponeringa av norsk golf om me fekk ein herregolfar til OL, i tillegg til Suzann Pettersen og Marianne Skarpnord som alt er klare, seier Karlsen.

Uttaket blir gjort i midten av juli og er basert på verdsrankinga. Berre 60 utøvarar får spele OL-turneringa, og kvart land kan berre stille med to spelarar.

Siste nytt

  • Caspersen Falla syk

    Maiken Caspersen Falla står over helgens prøve-VM i Oberstdorf grunnet en forkjølelse. Lotta Udnes Weng erstatter Falla på søndagens sprint.
    – Det er viktig at Maiken blir helt frisk for å unngå et lengre avbrekk fra konkurranser. Vi regner med at hun er på start allerede til NM Konnerud om en uke, sier medieansvarlig Gro Eide i en uttalelse.

    Tour de ski 2019/20
    Foto: Terje Pedersen / NTB scanpix
  • Johanne Killi mister X-games

    Fristil-kjøreren falt under en trening i Aspen og skadet ryggen. Det er ikke snakk om brudd. I fjor tok hun sølv i big air og ble nummer fire i slopestyle.
    – Det er veldig kjipt å miste X Games siden jeg har sett veldig fram mot det, sier Killi til NTB.

    Vinter-OL. Olympiske leker i Pyeongchang 2018. Slopestyle kvinner.
    Foto: Erik Johansen / NTB scanpix
  • Overraskende Serena Williams-exit

    Serena Williams røk overraskende ut mot kinesiske Qiang Wang i Australia Opens tredje runde. Williams som har vunnet turneringen syv ganger tidligere, tapte i tre sett: 6-4, 6-5, 7-5. Novak Djokovic gikk enkelt videre i sin tredje runde-kamp mot japanske Yoshihito Nishioka.

    Serena Williams i tredje runde i Australia Open.
    Foto: David Gray / AFP

Sendeplan

Kl. Program Kanal