NRK Meny
Normal

– Slik det ser ut no, kjem eg f** ikkje til å sjå meir på EM

Sveriges landslagssjef Erik Hamrén var landslagssjef for siste gong i går. No vil han heim og få den kjærleiken han treng.

Erik Hamren

ENGASERT: Erik Hamrén jagar på sine spelarar mot Belgia, men utan suksess. I dag er han skuffa

Foto: JONATHAN NACKSTRAND / Afp

– Akkurat no kjem eg til å sørgje, det er heilt klart, seier Hamrén til Sveriges Radio.

Han er skuffa og langt nede etter at Sverige tapte 1–0 for Belgia og er slått ut av EM.

– Kor lenge det varer, veit eg ikkje. Men slik det ser ut no, kjem eg f** ikkje til å sjå meir på EM i alle fall, sa han seint i går kveld.

Den tidlegare Rosenborg-trenaren vil ta ein pause utover hausten. Så får han sjå kva som sidan hender.

Heim til kjærleiken

– No vil eg heim og treffe mine to døtrer og kone og få litt energi og kjærleik. For det har eg behov for akkurat no, seier Erik Hamrén.

– Eg har allereie takka nei til fleire førespurnader. Det kjennest som det blir veldig bra med ein «break».

– Men om det dukkar opp noko veldig interessant, så endrar eg kanskje på det, legg Hamrén til.

Han er ikkje den einaste som sluttar etter EM-exiten i går. Tre av landslagets støttespelarar i mange år gjer det same – Zlatan Ibrahimovic, Andreas Isaksson og Kim Källström.

– Eg er skuffa på deira vegne, dei som har vore med så lenge, at dei må slutte på denne måten, seier den avtroppande landslagssjefen. Han har hatt jobben i seks år, sidan han forlèt Rosenborg i 2010.

– Stort hol å fylle

– Det blir nok eit hol etter desse tre, og spesielt etter Zlatan. Han har ikkje berre vore ein scoringsmaskin, men også ein gallionsfigur for svensk fotball. Det kjem til å bli eit stort hol å fylle, seier Hamren.

Hamrén vil enno ikkje summere opp sine seks år som landslagssjef. Til det er han altfor skuffa etter tapet i går.

Men han oppsummerer gjerne Sveriges EM-innsats.

– Vi opna med ein dårleg omgang mot Irland. Sidan har vi spela to og ein halv bra kamp. Vi gjorde eit bra forsøk, men fekk ikkje betalt, seier Hamrén.

Siste nytt

  • Norske Mathias (18) til NHL-lag

    NHL-laget Calgary Flames har draftet den norske 18-åringen Mathias Emilio Pettersen fra Manglerud, opplyser klubben på Twitter. Det siste året har han spilt på Muskegon Lumberjacks i United States Hockey League.

    Mathias Emilio Pettersen
    Foto: Carina Johansen / NTB scanpix
  • Molde slo tilbake

    Molde vann 3–0 heime mot Stabæk i kveld. Dermed slo dei tilbake på første forsøk etter 1-0-tapet mot Kristiansund. Fredrik Aursnes og Eirik Hestad scora begge før kvarteret var spelt, medan innbytar Mattias Moström slo til med eit lekkert mål i det 90. minutt.

    Fredrik Aursnes og Eirik Hestad
    Foto: Arne Flatin / NRK
  • Vil sende dommaren til Haag

    Serbia-trenar Mladen Krstajic er svært skuffa over at Aleksandar Mitrovic ikkje fekk straffe i 2-1-tapet mot Sveits. – Dommaren (tyske Felix Brych) burde ha blitt sendt til Haag, rasar Krstajic – og siktar til byen der den internasjonale straffedomstolen ligg.

    FBL-WC-2018-SRB-PRESSER
    Foto: OZAN KOSE / AFP

Sendeplan

Kl. Program Kanal
FIFA Fotball-VM 2018: England - Panama
Veien til VM: Uruguay og Senegal
FIFA Fotball-VM 2018: Japan - Senegal
VM fotball: Japan - Senegal
FIFA Fotball-VM 2018: VM-studio
FIFA Fotball-VM 2018: Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal