EM-plassen glapp for Island
Det såg lenge ut til at Island skulle ta seg til EM-sluttspelet neste sommar, etter ein stor keepertabbe frå Ungarns Peter Gulasci tidleg i kampen. Men to seine mål frå Ungarn gjorde at EM-billetten glapp for Island.
Det var Gylfi Sigurdsson som sende islendingane i føringa med eit frispark som Gulasci rota i målet. Dette var kampens einaste mål heilt til det stod igjen to minutt på kampuret. Då utlikna først Loïc Nego, før Dominik Szoboszlai snudde kampen to minutt på overtid, og sende Ungarn til EM.
I Serbia blei David Marshall den store helten då han stoppa Aleksandar Mitrovic sitt straffespark i straffesparkkonkurransen, og sende Skottland til sitt første sluttspel sidan 1998.
Det måtte også ekstraomgangar til då Slovakia slo Nord-Irland og 2–1 og sikra seg den siste EM-billetten.