Vindkule skapte trøbbel i friidretts-NM: – Fullstendig kaos

Gjenstandar flaug over og mellom utøvarane då Jakob Ingebrigtsen vart norgesmeister på 1500-meter.

VINDTRØBBEL: Vinden skapte store utfordringar for utøvarane. Fleire gjenstandar flaug over bana.

– No er det fullstendig kaos her. Der er det ei lengdematte som glir ut, sa NRK-kommentator Jann Post undervegs i løpet.

– Det enormt med vind her. Han må vere oppe i 10–15 sekundmeter, supplerte sidekommentator Vebjørn Rodal.

– Ekstra gøy

Fleire gjenstandar, som flagg, presenningar og ein paraply, flaug mellom og over deltakarane – men heldigvis ikkje dei som stilte til start på 1500-meteren.

Deltakarane kom heldigvis velberga i mål. 17 år gamle Jakob Ingebrigtsen vart norgesmeister på tida 4.03.54.

– Dette var spesielt. Men det var kanskje litt ekstra gøy med desse forholda. Det kom inn uventa faktorar. Det gjeld å bruke forholda til sin fordel, seier den doble europameisteren til NRK.

Friidrett, NM i Byrkjelo 2018.

NM-GULL: Jakob Ingebrigtsen tok eit lett NM-gull på Byrkjelo, men verforholda skapte vanskar undervegs.

Foto: Vidar Ruud / NTB scanpix

Gull i langbuksene

Før 1500-meteren var ein annan nybakt europameister i aksjon – under litt betre verforhold.

Karsten Warholm tok nemleg sitt andre NM-gull på to dagar då han vann 400-meter flatt på tida 47.32 på Byrkjelo.

– Karsten sprang 46.44 i NM i fjor. Men dette var eit kontrollert løp der han neppe gjekk heilt i kjellaren, sa NRK-kommentar Jann Post.

– Det var eit «safe» løp. Det var kaldt, så eg tok ingen sjansar og sprang med langbukser, seier Warholm sjølv.

Bekymra Alnes

22-åringen frå Ulstein la ikkje skjul på at han var mest nøgd med gullet sitt på 400-meter hekk fredag.

– I dag hadde eg lyst på eit gull til. Men eg hadde ikkje like gode bein, så tempoet vart ikkje det aller beste. Men eg er nøgd eg, både med meg sjølv, arrangementet og omgjevnadane, seier Karsten Warholm.

Som ikkje nølte med å gi NM-arrangørane terningkast 6 – trass i at vêret ikkje var det aller beste.

Friidrett, NM i Byrkjelo 2018.

NORGESMEISTER: Karsten Warholm tok som venta NM-gull på 400-meter.

Foto: Vidar Ruud / NTB scanpix

Trenar Leif Olav Alnes var bekymra over verforholda, men ville ikkje kalla dei uforsvarlege.

– Det gjekk bra. Alle kom uskadde gjennom løpa sine, seier Alnes.

Det vart også suksess for fleire i Team Alnes i NM. Amalie Iuel vann også 400-meteren. Ho fekk tida 54.71 og slo Sara Dorthea Jensen på målstreken. Hedda Hynne vart nummer tre.

Bronsevinnar stod over

Karoline Bjerkeli Grøvdal, som tok bronse på 3000-meter hinder i EM sist helg, måtte trekke seg frå same distansen i NM.

– Eg slit med ei forkjøling, slik eg gjorde i EM. Forkjølinga har blussa opp igjen. Eg trur det er smartare at eg står over no og heller får eit par gode løp på slutten av sesongen, seier Grøvdal til NRK.

Friidrett, NM i Byrkjelo 2018.

STOD OVER: Karoline Bjerkeli Grøvdal tok ingen sjansar.

Foto: Vidar Ruud / NTB scanpix

Siste nytt

  • Dermendzjev tar over Bulgaria

    Georgij Dermendzjev er utpekt til å overta som sjef for Bulgarias fotballherrer etter at Krasimir Balakov trakk seg som følge av rasismeskandalen sist uke.

    64-åringen er en av Bulgarias mest suksessfulle klubbtrenere.

    Euro 2020 Qualifier - Group A - Bulgaria v England
    Foto: Carl Recine / Reuters
  • Vil forlenge Lagerbäcks kontrakt

    Norges Fotballforbund (NFF) vil ha Lars Lagerbäck med videre som landslagssjef etter neste sommer, dersom svensken ønsker det selv.

    Det bekrefter fotballpresident Terje Svendsen overfor Nettavisen.

    – Det er ingen hemmelighet fra vår side at vi ønsker at han skal fortsette, sier Svendsen.

    I forbindelse med EM-kvalifiseringskampene mot Spania og Romania fikk Lagerbäck gjentatte ganger spørsmål om sin framtid som sjef for fotballherrene. Hans nåværende kontrakt går ut til sommeren, men Lagerbäck har ikke vært avvisende til å forlenge avtalen.

    – Den ballen ligger hos NFF. Jeg vil jo råde dem til å få dette avklart så raskt som mulig, sa Lagerbäck.

    Det betyr at Lagerbäcks framtid trolig avgjøres før Norge skal spille omspill i nasjonsligaen i mars. Det er siste mulighet til å sikre seg plass i fotball-EM til sommeren. (NTB)

    Lagerbäck
    Foto: Lise Åserud / NTB Scanpix
  • Falk mister hele sesongen

    Den svenske langrennsløperen Hanna Falk mister den kommende sesongen på grunn av en ryggskade, skriver Aftonbladet. Landslagslege Magnus Oscarsson opplyser at Falk har slitt med ryggproblemer, og nå er plagene såpass store at hun skal opereres.

    Falk
    Foto: ANDREAS HILLERGREN/TT / ANDREAS HILLERGREN/TT

Sendeplan

Kl. Program Kanal