Ekspert om stjerneskotet: – Han gjer det surt for dei vaksne løparane

Sjølv om han enno er juniorløpar, tok stjerneskotet Allan Dahl Johansson (19) to medaljar under NM på skøyter. NRKs ekspert meiner noko stort er på gang.

Allan Dahl Johansson

UNG OG LOVANDE: Allan Dahl Johansson tok bronse både på 1000 meter og 1500 meter i NM. No spås han ei stor framtid.

Foto: Reidar Langkjaer

– Allan er fersk i gamet, eit ekstremt spennande namn og eit kjempetalent. Han har teke enormt store steg sidan førre sesong, seier landslagssjef Sondre Skarli.

Allan Dahl Johansson

Allan Dahl Johansson (t.h.) tok NM-bronse på 1000 meter. Håvard Holmefjord Lorentzen vant føre Sverre Lunde Pedersen (t.v.).

Foto: Reidar Langkjaer

Skarli tok ut sesongens første verdscup-tropp i går, rett etter avslutninga av distanse-NM i Stavanger. Der tok Johansson bronse både på 1000 og 1500 meter, og har ein sjølvskriven plass på laget.

– Det er eg godt nøgd med, spesielt løpet på 1500. Og tidene var jo veldig gode, seier han til NRK.

På 1500-meteren klokka han inn på 1.47,3, med ein sisterunde på imponerande 28,25. Det heldt til å slå blant anna Håvard Bøkko.

19-åringen har sjølv eit langsiktig mål om å bli best på 5000 meter.

– Men akkurat no er det 1500 meter eg er best på, seier han til NRK.

Trur på stor framtid

NRKs skøyteekspert, Even Wetten, meiner ungguten er på veg mot noko stort.

– Han har vist seg fram over tid, men det er når du er så god at du gjer det surt for dei vaksne løparane vi pratar om det. Og det gjer han no. Allan er ein løpar som kan bli blant dei beste på seniornivå, seier Wetten.

– Eg trur han kan vinne noko stort. VM, OL og verdscup, legg han til.

Johanssons tider no er faktisk betre enn Sverre Lunde Pedersens tider då han var junior.

– Det seier litt om nivået, for Sverre var juniorverdsmeister to år på rad, fortel Skarli.

Stor forbetring av tida

Johansson debuterte i verdscupen i Heerenveen i desember i fjor. Då blei han diska på 10.000 meter. No er han teke ut til både løpa i Heerenveen 10–12. november, og i Stavanger helga etter.

– Dette blir den «skikkelege» debuten, seier Oslo-guten.

Men sesongens store mål er likevel junior-VM i mars – kor han tok sølv i fjor.

Skarli

OPTIMIST: – NM i Stavanger er det beste eg har sett, seier landslagssjef Sondre Skarli to veker før verdscupopninga

Foto: Grøtt, Vegard Wivestad / NTB scanpix

– Allan har forbetra seg tre og eit halvt sekund på 1500 meter i Norge sidan førre sesong. Eg trur han er ein løpar som kan etablere seg i A-gruppa i verdscupen. Om han greier det, vil det vere ekstraordinært for ein junior, seier landslagssjef Sondre Skarli.

Landslagssjefen er godt nøgd med det han såg i Stavanger i helga.

– Dette er kanskje det beste NM vi har hatt nokosinne. Vi har aldri før hatt fire løparar under 6.30 på 5000 m, og aldri hatt så mange på 1.47-talet på 1500. Så eg trur dette lovar godt før verdscupen, seier Skarli.

Sverre Lunde Pedersen med gull i NM

JAMT: Allan Dahl Johansson blei slått med skarve 11 hundredelar av gullvinnar Sverre Lunde Pedersen på 1500 meter i NM, men måtte likevel nøye seg med bronse.

Siste nytt

  • Neymars søte hemn

    Fleire gonger i andre omgang kasta Lyon-publikummet flasker og andre gjenstandar mot PSGs superstjerne Neymar ved hjørneflagget. Vaktene prøvde å verne brasilianaren, og speakeren måtte be publikum om å slutte.

    Men det var Neymar og PSG som lo sist og best. Tre minutter før full tid sette han inn sigersmålet, og PSG vann 1-0 og trygga tabelleiinga.

    Neymar
    Foto: Emmanuel Foudrot / Reuters
  • Benzema redda Real

    Karim Benzema scora kampens einaste mål etter 64 minutt og berga sigeren for Real Madrid i bortekampen mot Sevilla.

    Real er dermed på andreplass etter seks serierunder, berre på målskilnaden bak Athletic Bilbao. Berre eitt poeng skil dei seks beste på tabellen.

    Karim Benzema
    Foto: Miguel Morenatti / AP
  • Rosenborg vann på sjølvmål

    Rosenborg slo Mjøndalen 2-1 og held følgje i medaljekampen i eliteserien. Olivier Occean gav Mjøndalen tidleg leing, men Alexander Søderlund utlikna på straffe. Joackim Olsen Solberg gav Rosenborg sigeren på sjølvmål.

    Rosenborg er på fjerdeplass, sju poeng bak serieleiar Molde, som møter Stabæk i morgon. Mjøndalen er på kvalifiseringsplass.

    Alexander Søderlund scorer på straffe
    Foto: Terje Bendiksby / NTB scanpix

Sendeplan

Kl. Program Kanal