Ekspert om Kristoffersen-søksmålet: – Han har ei god sak

Henrik Kristoffersen kan vinne fram med søksmålet mot skiforbundet. Det meiner ekspert på konkurranserett, Per Kristian Bryng.

Per Kristian Bryng

STØTTAR KRISTOFFERSEN: Advokat Per Kristian Bryng seier det er viktig at ein utøvar tek denne saka til den norske domstolen.

Foto: http://svw.no/mennesker/per-kristian-bryng/ / Skjerdump

NRK kunne tidlegare i dag avsløre at Henrik Kristoffersen saksøker Norges Skiforbund fordi han ikkje får inngå same type avtale som Aksel Lund Svindal har med Red Bull.

Advokat Per Kristian Bryng meiner at søksmål var det einaste alternativet for Kristoffersen.

– Eg må ta atterhald om at eg ikkje har lese stemninga eller lest vedtaket frå skitinget, men me treng ein utøvar som bringer dette inn til ei avgjerd, seier Bryng til NRK.

– Trur han har ei god sak

Medan Kristoffersen på si side føler seg urettmessig behandla, seier Stein Opsal, generalsekretær i skiforundet, at det er uaktuelt for dei å gjere om på vedtaket frå skistyret.

Opsal

USAMD: Stein Opsal i skiforbundet seier det ikkje er aktuelt å endre på vedtaket som nektar Kristoffersen å inngå den private sponsoravtalen.

Foto: Åserud, Lise / NTB scanpix

– Det har vore ein svært grundig behandling i skistyret. Det var eit solid fleirtal i den avgjerda, so det er ikkje noko som tyder på at dei skal skifte meining, seier Stein Opsal til NRK.

Bakgrunnen for å nekte Kristoffersen å inngå ein avtale med Red Bull, er eit resultat av eit vedtak gjort på skitinget i 2015. Etter merksemda rundt avtalen til Petter Northug, endra skiforbundet i regelverket sitt.

No lyder ein av paragrafane slik:

«NSF eier samtlige markedsrettigheter til løpere som til enhver tid er uttatt på NSFs landslag og representasjonslag»

Det meiner Bryng er problematisk.

– EU-domstolen har meint heilt sidan 2006 at idrettens rett kan ikkje leve sjølvstendig frå konkurransereglane. Eg trur at han har ein god sak.

I pose og sekk

Skiforbundet er også redde for at slike avtalar vil ta vekk inntektsgrunnlaget i toppidretten. Men konkurranserettseksperten trur forbundet ikkje kan sette avgrensingar på utøvarane sine.

SKI-ALPINE-WORLD-MEN-SLALOM

SAKSØKER: Henrik Kristoffersen har saksøkt skiforbundet for å nekte han å inngå avtale med Red Bull.

Foto: OLIVIER MORIN / Afp

– Denne saka gjeld om ein kan få i pose og sekk. Kan ein vere med på landslaget, nyte godt av forbundet sine sponsorar, og samstundes sine eigne? Eg trur at svaret er ja, seier Bryng.

I alle tilfelle meiner Bryng at denne saka er utruleg viktig å bringe til ein norsk domstol, slik at ein kan få eit tydeleg svar.

– Me må få vite kva ein norsk domstol meiner om dette. EU-domstolen meiner ikkje det er fritt fram for forbund å legge slike avgrensingar, no må me få vite kva som er lov og ikkje i Norge.

Sjølv om Bryng synst det er tøft gjort av Kristoffersen å gå til søksmål, trur han ikkje at 22-åringen treng frykte sanksjonar frå forbundet.

– So lenge han ikkje har brote regelverket endå, so har han ikkje gjort noko gale. Viss han skal vere redd for sanksjonar på grunn av det, må skiforbundet endre praksis. Det blir Sovjet-takter.

Siste nytt

  • Ishockeylandslaget fikk bank

    Etter to hederlige tap mot Sverige i sine første landskamper på 15 måneder måtte Norges ishockeykrigere torsdag se seg slått 4–0 av Danmark.

    Oppgjøret i Bitcoin Arena (!) i Rungsted var målløst og situasjonsfattig i drøyt to perioder, men da var det hjemmelaget som koblet grepet. Den siste perioden ble tung for de norske med fire baklengsmål, 3–15 i skudd og matchstraff på keeper Henrik Haukeland. (NTB).

    VM-oppkjøring ishockey, menn: Norge - Sverige
    Foto: Fredrik Hagen / Norges Ishockeyforbund / NTB
  • Kristoffersen med ankelbrot

    Henrik Kristoffersen har pådratt seg eit ankelbrot, det fortel Lars Kristoffersen til VG, som er Henrik sin far.

    Ulykka skal ha skjedd da han køyrde motocross på laurdag. Faren reknar med at sonen må halde seg treningsfri i 4-6 veker.

    – Han kjørte motocross på lørdag og hoppet litt kort, forteller Kristoffersen senior til VG.

    Han forklarer videre at det er en bit av ankelbeinet som har fått et brudd.

    VM i alpint 2021, Cortina
    Foto: Torstein Bøe / NTB
  • Første siger mot topp fem

    Casper Ruud spelte blant sine mest minneverdige kampar da han slo Stefanos Tsitsipas i den 3. runden i ATP 1000-turneringa i Madrid. Ruud vann 7–6 og 6–4 i to strake sett.

    – Eg prøver berre å spele så godt eg kan. I dag var det ein ny bra kamp frå mi side. Eg har sett Tsitsipass spele betre, sa Casper Ruud til Eurosport etter kampen.

    Grekaren er ingen lettvektar, han ligg på femteplass på verdsrankinga.

    – Ein av dei beste spelarane i verda dei siste vekene er slått av vår mann Casper Ruud. Eg kjenner klumpen i halsen her no, sa Eurosport sin kommentator Ola Bentzen etter kampen.

    No ventar Alexander Bublik i kvartfinalen. Han er kjend for å spele ganske utradisjonell tennis. Han glimtar blant anna til med underarms-serve til tider.

    – Huff, det blir ein interessant match. Han kan slå dei villaste slag, og dei villaste feil kan ein vel også seie, seier Ruud.

    Sigeren gjer også at Ruud vil gå inn blant dei tjue beste på verdsrankinga. Det er hans beste plassering nokosinne.

    Casper Ruud feirer
    Foto: Oscar Del Pozo / AFP

Sendeplan

Kl. Program Kanal