Drillo med klar beskjed: – Forleng kontrakten med Lagerbäck

Tidlegare landslagssjef Egil Olsen (76) meiner det er ein sjølvfølge at fotballforbundet prøver å forlenge kontrakta med svensken.

Drillo

TILLIT: Drillo meiner Lars Lagerbäck bør jobbe endå lenger for Noreg enn kontrakten til 2020. Her frå då VM-trofeet var i Noreg i mars.

Foto: Terje Pedersen / NTB scanpix

– Det er ingen grunn til å ikkje forlenge kontrakten med Lars, seier Drillo til NRK.

Lagerbäck har signert ei avtale med landslaget til 2020 dersom laget kvalifiserer seg til EM same året. Deretter har 70-åringen sagt at han skal pensjonere seg.

Men ifølgje Noregs fremste landslagssjef gjennom tidene bør fotballforbundet overtyde svensken om å halde fram endå litt lenger.

– Dette er ikkje mitt område. Han er ikkje nokon unggut Lars heller – så ei femårskontrakt er kanskje ikkje aktuelt å dele ut.

– Men at han bør få forlenga med eit par år etter 2020 er ein sjølvfølge. Dersom han vil sjølv naturlegvis, seier Drillo til NRK.

Trur Noreg vinn gruppa

Tysdag kveld leia Lagerbäck Noreg fram til ein overbevisande 1-0-siger mot Bulgaria på Ullevaal stadion.

– Det var fotball litt etter mitt hjarte. Og sjølv om det dabba litt i andre omgang så hadde vi bra kontroll defensivt. Det er veldig tryggande. Og no ser det betre ut offensivt også, og då blir det morosamt, meiner Drillo.

Bilder med tillatelse fra TV2

Bilder med tillatelse fra TV2

Noreg leiar gruppa i nasjonsligaen på betre målskilnad enn Bulgaria.

– Bulgaria er det dårlegaste laget i gruppa. Eg har sett alle laga. Eg såg kampen mellom Slovenia og Bulgaria, og Slovenia var klart betre enn Bulgaria. Eg meiner det er sannsynleg at Noreg vinn denne gruppa, seier Drillo.

– Ikkje tema

Sportssjef Nils Johan Semb sit i møte med nettopp Lagerbäck og assistent Per Joar Hansen då NRK ringer onsdag morgon. Og seier følgande om Drillos meining om å forlenge Lagerbäcks kontrakt.

– Det er fint at Drillo synest det ser bra ut, men det er førebels ikkje noko tema, seier Semb til NRK.

– Vi gler oss over landslagets resultat det siste året, men no har vi fullt fokus på dei to siste gruppespelskampane i nasjonsligaen. Lars har kontrakt med NFF ut 2019, og til og med EM i 2020 dersom vi kvalifiserer oss, svarar fotballpresident Terje Svendsen i ei tekstmelding.

Lars Lagerbäck takka sjølv høfleg nei då NRK ville snakke med han dagen etter sigeren på Ullevaal.

– God leiar

Lars

PLAN: Lars Lagerbäck har innført ei sterk defensiv organisering i det norske laget. Her i samtale med Tarik Elyounoussi.

Foto: Lise Åserud / NTB scanpix

På 17 kampar står Lagerbäck med ti sigrar, to uavgjort og fem tap for Noreg.

Noreg vann sin sjuande heimekamp på rad mot Bulgaria. Det er ny landslagsrekord. Den førre rekorden på seks heimesigrar blei sett nettopp med Drillo som sjef i 1992-93-sesongen.

– Han er først og fremst sterk fotballfagleg. I tillegg er han også ein bra leiar - sjølv om eg ikkje er i miljøet og ser på det heile vegen. Men eg kjenner folk i miljøet så godt - at eg veit at han er ein god leiar. Eg meiner at vi ikkje kunne fått noko betre landslagssjef enn Lars Lagerbäck, seier Egil Olsen.

Laster innhold, vennligst vent..

Siste nytt

  • Rosenborg kan møte BATE

    Dersom Rosenborg tar seg videre til 2. kvalrunde i mesterligaen, venter hviterussiske BATE Borisov eller polske Piast Gliwice som motstander. Det ble klart da trekningen av 2. kvalifiseringsrunde ble gjennomført i Sveits onsdag ettermiddag.

    Rosenborg
    Foto: Ole Martin Wold / NTB scanpix
  • Thomas slapp med skrekken

    Regjerende Tour de France-mester, Geraint Thomas, gikk i bakken under den fjerde etappen av rittet Tour de Suisse. Waliseren pådro seg noen skrubbsår og et kutt i pannen, men ingen brudd. 33-åringen blir med det trolig klar til Tour-starten 6. juli.

    Geraint Thomas
    Foto: Gian Ehrenzeller / AP
  • Platini løslatt etter avhør

    Tirsdag morgen kom meldingen om at tidligere UEFA-president Michel Platini var pågrepet i forbindelse med tildelingen av fotball-VM i 2022 til Qatar. Nå er 63-åringen løslatt etter avhør hos franske Økokrim. – Jeg er helt rolig. Dette er en gammel sak, og jeg har vært åpen om alt. Dette er helt fremmed for meg, sier Platini.

    AFP_1HM9GX
    Foto: ZAKARIA ABDELKAFI / AFP

Sendeplan

Kl. Program Kanal