Drama då Kristoff trudde han vann

Alexander Kristoff slo til med ein kraftspurt, og jubla for siger. Så kom målfotoet, som viste at Peter Sagan sneik seg framfor og Kristoff vart nummer to.

En skuffet Alexander Kristoff måtte konstantere at Peter Sagan kom i mål noen hårfine millimetere foran nordmannen.

SKUFFA: Det var ein skuffa Alexander Kristoff, som fekk beskjeden om at Peter Sagan hadde klart å pressa sykkelen framfor.

Alexander Kristoff låg godt plassert på oppløpet, og slo til med ein skikkeleg kraftspurt. I mål jubla han for siger, men midt under sigersintervjuet med TV 2 kom meldinga om at målfotoet viste at Peter Sagan klarte å presse sykkelen dei naudsynte millimetrane framfor Kristoff.

– Faen, sa Kristoff og slo i styret på sykkelen sin.

Ein tydeleg skuffa Kristoff stod mållaus i målområdet, medan journalistane flokka seg rundt han.

– Eg såg ikkje at han kom. Hadde eg kasta fram sykkelen min der hadde eg tatt han, seier Kristoff i eit intervju på engelsk.

Kristoff forklarar at han berre konsentrerte seg om å spurta det han hadde, og at målstreken kom overraskande på han.

– Det er surt. Det vil seg ikkje heilt i år dessverre. Eg følte at eg hadde det, seier Kristoff til NRK.

Dagens etappe var den siste for spurtarane, før den avsluttande etappen i Paris.

To nordmenn på «pallen»

Sondre Holst Enger imponerte alle og sikra seg til slutt tredjeplassen på etappen, rett bak Kristoff.

– Eg er kjempe nøgd. Det er heilt klart mitt høgdepunkt i karrieren, det å bli nummer tre på ein etappe i verdas største etapperitt. Eg er kjempe nøgd, seier Holst Enger.

Edvald Boasson Hagen vart til slutt nummer ni på etappen. Norges fjerde mann i Tour de France, Vegard Breen, prøvde seg i ei utbrytargruppe tidleg på etappen, men klarte aldri å komme seg opp til Tony Martin og Julian Alaphilippe som låg i dagens brot. Etixx-duoen vart innhenta med dryge to mil att til mål.

Enger

KARRIEREBESTE: Sondre Holst Enger gjorde karrierebeste, med sin tredjeplass

Foto: Braastad, Audun / NTB scanpix

Siste nytt

  • Bodø/Glimt tok viktig poeng

    Nordlendingane klarte ikkje ta tilbake tabelltoppen, då laget spelte 1-1 borte mot Sarpsborg 08. Laget har dermed likt poeng med serieleiar Molde, men dårlegare målforskjell. Kristoffer Zachariassen sørga for 1-0 til heimelaget, men sju minutt før full tid utlikna Ulrik Saltnes for Glimt.

    Eliteserien i fotball 2019 Sarpsborg 08 - Bodø/Glimt
    Foto: Christoffer Andersen / NTB scanpix
  • Neerland gir seg som Molde-direktør

    Øystein Neerland sluttar som sjef for Molde Fotball ved årsskiftet, melder klubben. 55-åringen har vore direktør i klubben sidan 2015. Som fotballspelar har han 120 kampar og 35 mål for klubben. Styret er i gang med å finne Neerland sin erstattar.

    Nerland
    Foto: Svein Ove Ekornesvåg / NTB scanpix
  • Overtar det polske landslaget

    Storhamar-trenar Arne Senstad blir ny trenar for det polske kvinnelandslaget i handball. Det opplyser det polske handballforbundet. Han skal erstatte Leszek Krowicki som fekk sparken tidlegare i sommar grunna svake resultat.

    HÅNDBALL: Eliteserien kvinner. Rælingen Storhamar Marikollhallen. (11 - 34)
    Foto: Vidar Ruud / NTB scanpix

Sendeplan

Kl. Program Kanal