Dopingdømte russarar klare for VM i skiskyting: – Ikkje bra for sporten

Johannes Thingnes Bø om konkurrentens retur: – Eg blir ikkje glad når eg ser han på startstreken.

Aleksander Loginov

TILBAKE: Aleksander Loginov var suveren i EM førre helg. No er han klar for VM i Hochfilzen.

Foto: Vegard Wivestad Grøtt / NTB scanpix

I 2014 testa Aleksander Loginov og Irina Starykh positivt for EPO. No er årets EM-vinnarar tatt ut i Russlands VM-tropp.

Før uttaket var Johannes Thingnes Bø klar på at han ikkje ville sjå Aleksander Loginov (26) tilbake på startstreken.

– Han slo meg i eit par renn. Eg har ikkje så mykje til overs for han. Eg håper ikkje vi ser han med det første, sjølv om han har sona straffa si, sa Thingnes Bø på treningsleir i Seefeld, og la til:

– Det er kjedelig med doptatte folk som kjem tilbake og gjer det bra. Det er ikkje bra for sporten.

Tarjei Bø

OPPGITT: Johannes Thingnes Bø likar Loginovs retur dårleg.

Foto: Vidar Ruud / NTB scanpix

Har pallplass i verdscupen

Loginov har konkurrert mykje mot Thingnes Bø. Russaren slo nordmannen mellom anna i junior-VM i 2013.

I 2013 tok Loginov sin einaste verdscup-pallplass under jaktstarten i Holmenkollen, bak Johannes Thingnes Bø og vinnar Martin Fourcade. Loginov blei nummer fem på sprinten same helg.

Sjølv om Thingnes Bø mislikar returen til Loginov, aksepterar han situasjonen.

– Det er ikkje eg som tar ut laget. Det er dumt, men så lenge dopingreglane er sånn har han sona straffa si. Vi kan ikkje stoppe han, men eg blir ikkje glad når eg ser han på startstreken.

Martin Fourcade

KRITISK: Martin Fourcade.

Foto: Andrea Solero / AP

– Fourcade er feig

Heller ikkje Emil Hegle Svendsen er nøgd.

– Han har sona straffa si, og det held vi oss til. Mange stussar nok over at han er tilbake og gjer det bra. Sjølv prøvar eg å beskytte meg sjølv med ikkje å fokusere på det. Ein blir irritert og sånn, men det må eg berre sjå forbi.

Stjerna Martin Fourcade reagerer også på returen til Loginov.

– Gløym ikkje dei viktigaste merittane hans. Han vart utestengd i år for bruk av EPO, skreiv Fourcade i ein biletekommentar på Instagram der uttaket vart offentliggjort.

Kommentaren vart seinare fjerna.

Fleire russarar reagerer på kritikken.

– Kanskje fryktar Fourcade konkurranse. Han er ein feiging, seier til dømes tidligare OL-meister Jevgenij Redkin til nettstaden Sports.ru.

– Loginov har sona straffa sin og dermed er saka avgjort, seier Anfisa Reztsova. Ho har tre OL-gull og oppmoar alle russiske trenarar, funksjonærar og utøvarar til å støtte Loginov.

Comeback i november

Loginov gjorde comeback i IBU-cupen i november. I EM førre helg tok han to individuelle gull.

Under verdscuphelga i Anterselva i januar sa presidenten i det internasjonale skiskytarforbundet (IBU), Anders Besseberg, at Loginov og Irina Starykh hadde sona sine dommar og kunne konkurrere i VM utan problem.

Det synet deler visestatsminister i Russland Vitalij Mutko.

– Ifølgje WADA-koden er det ikkje noko i vegen for å kome tilbake i idretten etter ei utestenging, seier han til nyhetsbyrået Interfax.

Denne vinteren har fleire av verdas beste skiskyttarar krevd at straffa for dopingjuks skal utvidast i opptil åtte år. Like før VM skal kongressen i IBU vurdere ei regelendring.

Siste nytt

  • Ullvang på 3. plass - får ny sjanse

    Padleren Lars Magne Ullvang (27) ble nummer 3 i forsøksheatet i sin OL-debut. Det betyr en ny sjanse til å ta seg til semifinalen om få timer.

    Han gikk rett i tet fra start. Ledelsen holdt han til over halvveis i løpet før han ble passert av Alex Jurenia og Dojan Zdelar fra Serbia, som ble de to som gikk direkte til finale. Ulvang kom i mål 3,8 sekunder bak Jurenia.

    Kvartfinalene går klokken 6 norsk tid.

    Lars Magne Ullvang
    Foto: Fredrik Hagen / NTB
  • Ny norsk rekord og finaleklar

    Sleggekaster Eivind Henriksen kastet 78,79 meter allerede i første forsøk i kvalifiseringsrunden i slegge. Med det satte han ny norsk rekord med over en halv meter.

    Kastet gjorde til at han tok seg direkte til finalen, og den går onsdag.

    Henriksens personlige beste før konkurransen var 78,25, som var norsk rekord og ble satt under et friidrettsstevne i Tyskland i 2019. Hans tidligere rekord var på 76,86 og ble satt et drøyt år før rekordkastet i Tyskland.

    Eivind Henriksen
    Foto: ALEKSANDRA SZMIGIEL / Reuters
  • Vant heat etter fall

    Nederlandske Sifan Hassan var involvert i et fall i siste runde på kvalifiseringsløpet på 1500 meter mandag, men reiste seg opp igjen og startet opphentinga.

    Hun løp inn på tiden 4:05.17, først av alle.

    – Det er ingen andre som hadde klart det der, sier friidrettsekspert Ingvill Måkestad Bowim på Disoverys sending.

    NRKs ekspert Vebjørn Rodal mener det er en umenneskelig prestasjon.

    Hassan skal løpe finale på 5000 meter seinere i dag.

    Sifan Hassan
    Foto: Petr David Josek / AP

Sendeplan

Kl. Program Kanal