Antidopingarbeidet i OL får strykkarakter: – Heile systemet kunne kollapsa

Antidopingarbeidet under Rio-OL hadde fleire og svært alvorlege feil og manglar, går det fram av ein WADA-rapport.

Dopinglab i Brasil

KONTROLLSVIKT: Dopinglaboratoriet i Rio får skryt, men logistikken rundt innsamling av prøvene i OL står til stryk, ifølgje WADA-rapporten

Foto: Felipe Dana / Ap

– Hadde ikkje nokre av nøkkelpersonellet blant kontrollørane gjort mykje meir enn det ein kunne forlange av dei, hadde heile antidopingsystemet kollapsa under OL, skriv observatørane i rapporten som blei offentleggjort i går.

Rapporten frå Independent Observers avdekkjer mange feil ved prøvene som var tekne i OL i august.

Til sjuande og sist var det berre på grunn av enorm kapasitet og godvilje av nokre av nøkkelpersonellet blant dopingkontrollørane som gjorde at antidopingarbeidet ikkje braut fullstendig saman.

Independent Observer, kontrollgruppe

Dårleg planlegging, store transportproblem og altfor få opplærte kontrollørar var nokre av dei sentrale årsakene til svikten i antidopingarbeidet, heiter det i rapporten.

Dessutan var butilhøva for kontrollørane svært dårlege. Ein av dei måtte byte hotell heile fem gonger. Og ofte hadde både kontrollørar og laboratoriepersonell problem med å få tak i mat.

– Mykje av dette var lett å føresjå og kunne vore unngått, skriv observatørane.

Utøvarane var søkk vekk

Andre grunnar var konfliktar mellom lokale arrangørar og Brasils antidopingkomite.

Mellom anna skal det svært ofte ha skjedd at utøvarar som dopingkontrollørane skulle teste, rett og slett var borte. Derfor måtte kontrollørane spørje leiarane, og på den måten kunne utøvarane bli varsla før kontrollane.

– Ofte vart mindre enn 50 prosent av dei planlagde testane gjennomførte, heiter det i rapporten frå observatørgruppa, som var invitert av IOC for å overvake antidopingarbeidet.

Gruppa var leia av britiske Jonathan Taylor, og hadde som føremål å auke tilliten til antidopingarbeidet blant utøvarar og publikum, og til å gi grunlag for forbetringar.

– Undergrev tilliten til antidopingarbeidet

Rapporten avdekkjer mange manglar:

  • Nesten 100 prøver blei aldri knytta opp til ein utøvar på grunn av dataproblem.
  • Ei sakna prøve blei ikkje funne før to veker etter OL
  • Det svært få eller ingen blodprøver etter fleire idrettar som er rekna som risikofylte, som til dømes vektløfting.
  • Det blei ikkje teke ei einaste prøve av fotballspelarar utanom kampane.
  • Så seint som 8. august, tre dagar etter OL-opninga, var det opplysningar om berre 4795 av utøvarane i databasen for Rio-OLs antidoping. Det deltok 11.303 utøvarar totalt.

– Dette undergrev respekten og tilliten utøvarane må ha til antidopingprogrammet, og det gir erfarne og skruppellause utøvarar sjanse til å omgå og manipulere dopingkontrollane, heiter det i den 55 sider lange rapporten.

– Resultatet av svikten var at ein ikkje makta å utnytte heile kapasiteten i antidoping-opplegget. Det er skuffande, for det beste utstyret og dei beste ekspertane til å analysere prøvene var tilgjengeleg, skriv observatørgruppa.

Laboratoriet får ros

For rapporten gir ros til analyselaboratoriet i Rio. Dette vart suspendert berre seks veker før OL, men brukte tida til å oppgradere seg til topp standard.

15 dagar før opninga fekk laboratoriet autorisasjonen tilbake, og deretter fekk det toppkarakter.

– Under OL var det topp utstyrt, og arbeidet blei gjennomført svært sikkert og effektivt, heiter det i rapporten.

Tala frå OL viste dessutan at av dei over 11.300 utøvarane var 4125 – meir enn ein tredel – aldri dopingtesta tidlegare i 2016.

Sportsnyheter

Knust etter kjempemissen: – Fare for søvnløse netter resten av livet

Eirik Hestad hadde en kjempemulighet til å skyte Molde til mesterligaens gruppespill for første gang på 21 år. Men inngangspremien på 250 millioner kroner glapp og i stedet blir det europaligaspill.

Jens Petter Hauge har landet i Milano – ble møtt av et stort presseoppbud på flyplassen

Jens Petter Hauge er ventet å signere for AC Milan i løpet av kort tid, og i ettermiddag landet han på flyplassen i Milano. Dersom alt går i boks og Hauge signerer for italienerne, betyr det samtidig at Bodø/Glimt snart kan ha solgt spillere for nær 100 millioner kroner på ett år.

Siste nytt

Sendeplan

Kl. Program Kanal