Doping-gransking etter Touren
Etterforskarar har opna innleiande doping-gransking av eitt av laga i Tour de France, melder nyheitsbyrået AFP.
Ifølgje meldinga blei det oppdaga «mange helseprodukt som inneheldt ulovlege midlar», og «metodar som kan kvalifisere seg som doping».
Ei kjelde nær granskarane seier til AFP at det skal dreie seg om laget Arkea-Samsic. Nettstaden cyclingweekly.com melder at romma til brørne Nairo og Dayer Quintana og Winner Anacona blei undersøkt av politiet på lagets hotell i Meribel sist onsdag.
Arkea-Samsic har enno ikkje kommentert meldingane.
Årets Tour de France blei avslutta i går.