Kvar fjerde nordmann trur langrennsløparane dopar seg

Skepsisen er stor også til skiforbundet i dopingspørsmål, viser ei meiningsmåling.

Rolfsrud og meiningemåleing

SKEPSIS: Nesten kvar fjerde nordmann trur at norske langrennsløparar dopar seg

Foto: NRK

Det er Norstat som har gjort meiningsmålinga for NRK. Ho blei gjennomført onsdag og torsdag, det vil seie at enkelte svar blei gitt før Johaugs-saka sprakk torsdag.

På spørsmålet «trur du norske langrennsløparar har dopa seg», svarar 24 prosent ja. Det er nesten ein av fire nordmenn.

Meiningsmålinga inneheld også spørsmålet om i kva grad nordmenn har tillit til Norges skiforbund. 55 prosent svarar middels, liten eller svært liten – altså over halvparten av dei spurde.

– Prøver å villeie

– Tilliten til skiforbundet har fått nådestøyten etter at begeret eigentleg var fullt forlengst, sa VGs kommentator Leif Welhaven i Sportsrevyen søndag kveld.

Han ser også tilbake på handteringa av Martin Johnsrud Sundbys astmasak i sommar.

– Dei prøver å villeie det norske folk om sentrale spørsmål i denne dommen. Dei kalla inn til pressekonferanse på 55 minutts varsel om ei sak dei hadde kjent til i eitt og eit halvt år, seier Welhaven.

Tidlegare toppidrettssjef Bjørge Stensbøl sluttar seg til kritikken.

– Alle ser at astmasaka har vore handtert til stryk. Det er synd, fordi det gir omdømmemessige konsekvensar for idretten generelt, sa Stensbøl onsdag.

Dagen etter eksploderte Johaug-saka.

– Tilliten er riven vekk

Welhaven meiner omdømmesvikten er kritisk.

– Eg trudde botnen var nådd, men denne gongen var det endå verre. Summen er at tilliten til norsk skisport er riven vekk, og det er umogeleg å sjå for seg korleis han skal kunne gjenopprettast i oversiktleg framtid. Det er alvorleg for nasjonalsporten vår, og det kan gå mot ei skilsmisse med det norske folk, seier Welhaven.

Generalsekretær Stein Opsal møtte kritikken i Sportsrevyen i dag.

– Eg håpar verkeleg ikkje det går mot skilsmisse. Men at omdømmet vårt har fått ein knekk, er det ingen tvil om.

– Prøver de å villeie det norske folk?

– Det forstår eg ikkje kan vere rett. Det er kompliserte saker, spesielt Sundby-saka, og det gjer vi vårt beste for å få fram.

– Vil ha alt på bordet

– De seier at reglane er uklare, og WADA seier dei er klare. Er ikkje det å villeie?

– Nei, det kjenner eg ikkje igjen. Vi har prøvd å få fram fakta. Vi skal ikkje ha gråsoner eller ukultur i norsk skiidrett, seier Opsal.

– Vi skal ha alt på bordet, det er berre slik vi kan gjenvinne tilliten.

Ikkje minst utanfor Norges grenser trengst det jobb for å gjenreise tilliten. NRK-kommentator Torgeir Bjørn opplever det slik:

– I Norge seier folk til meg at det er eit hendeleg uhell. Men gjennom internasjonale kontakter forstår eg at det nok er ei endring i stemninga. Før har det vore respekt for både resultata og verdiane norsk langrenn står for. No er det erstatta med skepsis, dei lurer litt på kva som eigentleg foregår i Norge, seier Torgeir Bjørn.

Siste nytt

  • WADA-arbeid i Russland forsinket

    WADA-ekspertene, som er i Moskva for å hente ut databasen til antidopinglaboratoriet i byen, er forsinket med arbeidet. Det opplyser en talsperson for WADA overfor AFP tirsdag. Ekspertene begynte med arbeidet sist torsdag.

    Moskva laboratoriet
    Foto: Alexander Zemlianichenko / AP
  • Ny remis for Magnus Carlsen

    Det ble nok en remis for Magnus Carlsen i Wijk aan Zee-turneringen i Nederland tirsdag. Det er Carlsens fjerde strake remis i turneringen. Russiske Vladimir Kramnik var tirsdagens motstander. Onsdag møter Carlsen Jorden van Foreest.

    Ny remis for Magnus Carlsen.
    Foto: Anton Vaganov / Reuters
  • Stjernen ble norgesmester

    Andreas Stjernen er norgesmester i stor bakke. Han vant konkurransen på hjemmebane i Granåsen foran landslagskollegaene Johann André Forfang og Robert Johansson. Sistnevnte kapret en pallplass tross et fall etter et hopp på 141 meter i 1. omgang.

    NM hopp 2019.
    Foto: Ned Alley / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
VM-minner
Sport i dag
Sport i dag