Europa radert ut av Rugby-VM – Unikt historisk sett

«Dette er ikkje nødvendigvis døden for europeisk rugby. Men det er som ein fest der vertskapet og naboane har gått tidleg til sengs».

Skottland - Australia

TØFFE TAK I VM: Australia er klar for semifinalen, og er eitt av landa som har skvisa ut alle dei europeiske

Foto: STEFAN WERMUTH / Reuters

Orda kjem frå Tom Fordyce, rugby-kommentator i BBC. Bakgrunnen er det pågåande rugby-VM i England, der alle fire semifinalistane kjem frå den sørlege halvkule. Alle frå den nordlege delen av kloden er slått ut.

– Nei, så ille som døden er det ikkje. Det er små marginar som har slått feil veg for Europa, seier Christopher Spencer til NRK. Han er visepresident i Norges Rugbyforbund, og er sjølv på plass saman med sin son i England for å få med seg semifinalene.

– Vi gler oss veldig, seier han.

Dette er semifinalene:

Sør-Afrika - New Zealand laurdag kl 17.00

Argentina - Australia sønmdag kl 17.00

– Ikkje lenger nok å vere stor og tung

Noko slikt har aldri skjedd før. Wales, Irland, Skottland og Frankrike tapte i kvartfinalene, og England rauk ut allereie i gruppespelet. Det er også unikt – aldri før har ein arrangør blitt slått ut så tidleg.

– Det er synd, men det er på ingen måte døden for rugbyen her nord, seier Spencer.

– Laga på den sørlege halvkula er best akkurat no. Dei har treft med taktikken, og dei er litt betre ballbehandlarar. Det har vore jamnt, og Europa har ikkje hatt marginane med seg. Men det er forhåpentleg motiverande for laga, seier Christopher Spencer – engelskmann og tidlegare aktiv rugbyspelar.

– Dei beste laga har funne balansen mellom god ballbehandling og god fysikk. For ein del år sidan heldt det med å vere stor og tung, det er ikkje nok lenger, seier han.

Over to millionar på tribunene

Rugby-vm

SKANDALEN: Snakkisen etter kvartfinalene var ikkje at dommar Craig Jaubert dømde ein kontroversiell straffe for Australia i siste minutt mot Skottland, som tapte med eitt poeng. Det som vekte oppsikt, var at Rugby World offentleg sa etterpå at straffen ikkje burde vore dømd. Her markerer Jaubert den fatale straffen

Foto: Eddie Keogh / Reuters

Trass i at europeiske lag ikkje lenger er med, er publkumstalet i årets VM godt. Dei fire kvartfinalene blei sett av 300.000 tilskodarar, og det samla publikumstalet er kome opp i over to millionar på 44 kampar.

– Det er ei heilt fantastisk stemning her, og det har det vore heile tida. Det er rift om billettane sjølv om ingen av dei britiske laga er med lenger, seier Elisabeth Berentzen til NRK. Ho er generalsekretær i forbundet, og for andre helg på rad over for å følgje VM.

– Eg har fått billettar til Sør-Afrika - New Zealand, seier ho.

Sju av 20 lag i årets VM er frå Europa. I tillegg til England, Skottland, Irland og Frankrike er det Italia, Georgia og Romania, som blie slått ut i gruppespelet.

Finalen går laurdag 31. oktober.

PS: Norge er langt unna VM-deltaking i rugby. Kvalifiseringa til VM går ut frå verdsrankinga, og der er Norge nummer 86 av 102 land.

Siste nytt

  • Nederland videre til finalen

    Dersom Norge vinner over Spania senere idag, møter de Nederland i finalen i håndball-VM på søndag. Det ble klart etter en svært spennende semifinale mellom Russland og Nederland. Lagene fulgte hverandre tett, men i sluttminuttene var det de nederlandske damene som klarte å dra i land seieren 32-33. Dermed kan Norge få sin revansj i finalen, men først må de slå Spania i den andre semifinale som begynner klokken 12.30.

    Håndball VM kvinner Kumamoto Japan
    Foto: Vidar Ruud / NTB scanpix
  • Klar for Vålerenga

    Monica Knutsens etterfølger i Vålerenga er klar. Jack Majgaard Jensen (46) blir ny trener for Vålerengas kvinner. Det får NRK opplyst fra flere hold. VG var først til å omtale saken. Dansken tar over Toppserie-klubben etter at Knutsen forlot stillingen som hovedtrener for å bli utviklingssjef i samme klubb. Majgaard Jensen har tidligere trent blant annet Lyngby i Danmar og Rosengård i Sverige.

    pS-Zv9n_Tl0
    Foto: Emil Langvad/TT / Emil Langvad/TT
  • Zuccarello-assist og seier

    Minnesota Wild vant i natt mot Edmonton Oilers, men gjestene bet godt fra seg i kampen som endte 6-5 for hjemmelaget. Mats Zuccarello leverte en assist. Mats Zuccarello hadde 19 minutter og 31 sekunder på isen under kampen.

    Wild Lightning Hockey
    Foto: Chris O'meara / AP

Sendeplan

Kl. Program Kanal