Her ryk Sverre Lunde Pedersens bronse for andre gong

Først mista Sverre Lunde Pedersen EM-bronsen med tidenes kollaps på 10.000 m, truleg på grunn av sjukdom. Så mista han den ein gong til fordi startaren ikkje følgde reglane.

Jan Blokhuijsen har allerede tyvstartet en gang og når skøyta er på streken for andre gang, burde det diskvalifiseres i følge Even Wetten.

TJUVSTARTEN: Her har Jan Blokhuijsen skøyta på streken og skulle blitt diska for den andre tjuvstarten i paret. Men han får gå

Det blei meir enn ein liten dose dramatikk på avslutninga av 10.000-meteren i Heerenveen.

I siste paret skulle Sven Kramer og Jan Blokhuijsen safe inn til gull og sølv i allround-EM. Men først tjuvstarta Kramer, så stod Blokhuijsen med skøytene på streken i det skotet gjekk.

Reglane seier at det ikkje er lovleg, og at den andre tjuvstarten skal gi diskvalifikasjon. Men Blokhuijsen fekk gå.

– Tjuvstart ikkje viktig på 10.000

– Ein tjuvstart er ikkje viktig på ein 10.000-meter, var startarens forklaring overfor nederlandsk radio.

Dermed fekk Blokhuijsen fullføre løpet og sikre sølvet. Hadde han blitt diska, ville bronsen gått til Sverre Lunde Pedersen.

– Etter regelboka er det fusk. Det betyr ikkje at ein går 10.000 meter, ein går 9999,99 meter. Då har du ein fordel, og den skal straffast. Det er så enkelt. Det er heilt absurd at han får lov til å starte, for det skulle startaren ha sett, seier Even Wetten.

Men startaren er ifølgje regelverket suveren. Når han har valt å la løparane gå, kan ikkje overdommaren gripe inn. Derfor er det ikkje mogeleg å protestere.

– Det er synd om ein skal ta til å fundere på kva reglar ein skal følgje eller ikkje, seier landslagstrenar Sondre Skarli.

– Men samstundes vil vi helst ta medaljar ved å gå fort nok, ikkje fordi nokon blir diska, seier han.

Totalkollaps

Så kan ein kanskje innvende at Pedersen på ingen måte fortente bronsen i dag. For kollapsen han hadde på 10.000-meteren, kvalifiserer til merkelappen «tidenes».

Han måtte inn på 13.29,97 for å slå Bart Swings og sikre medaljen. Det låg han an til i over 8000 meter. Så møtte han veggen, og det var ei stund tvil om han i det heile ville kome seg til mål.

– Dette skal ikkje skje. Dette er katastrofe, sa NRKs Even Wetten mot slutten av Pedersens løp.

På dei to sisterundane var det så vidt Pedersen klarte å stå på skøytene. Fullstendig utsliten ramla han over målstreken, nesten 13 sekund bak tida han måtte hatt for å ta bronsen. Dei sekunda tapte han på dei fire siste rundane.

Video: Sverre Lunde Pedersens kollaps

– Dette skal ikkje skje. Dette er katastrofe, sa NRKs Even Wetten då Sverre Lunde Pedersen kollapsa mot slutten av 10.000 meteren.
Han mista bronsen på kollapsen med 13.42,21 og 38,1 på sisterunden.

– Hadde berre lyst å legge meg ned

– Eg har følt meg tom og sliten i heile dag, og 10 rundar før mål var eg heilt ferdig. Det gjekk heilt i svart, seier ein nedtrykt Pedersen til NRK.

– Kanskje bryggjer eg på ein sjukdom. Eg veit ikkje, seier han.

– Eg forstod ikkje korleis eg skulle kome meg til mål, og hadde mest lyst til å legge meg ned. Eg har aldri kjent meg slik før. Seinast i går var alt mykje betre. I dag var det berre å gå så lenge kreftene heldt. Eg forstod tidleg at det ville bli vanskeleg.

I går gjekk han ein sterk 5000 meter, medan 1500 tidlegare i dag var langt meir moderat.

Med hendene på begge låra passert han for siste gong med 36,5-runde. Han kom seg rundt for siste gong også, men med 38,1 på sisterunden.

– Så langt nede har eg aldri vore før.

– Fekk du med deg dramaet omkring tjuvstarten?

– Ja, men det tenkjer eg ikkje så mykje på. No må eg få kroppen i orden igjen.

Resultat allround-EM samanlagt

Resultat 10.000 meter

Siste nytt

  • Van Gaal gjør mini-comeback

    Trenerringreven Louis van Gaal skal lede den nederlandske 2. divisjonsklubben Telstar under en veldedighetskamp neste sesong.

    Den tidligere managerprofilen har ikke ledet en fotballkamp siden han fikk sparken i Manchester United i 2016, men vil på ny være å se på sidelinjen under en veldedighetskamp i Nederland neste sesong.

    Stillingen som Van Gaals assistent vil bli trukket gjennom et lotteri. (NTB)

    van Gaal
    Foto: Martin Meissner / AP
  • Vil åpne for 10.000 tilskuere

    Japanske myndigheter ser for seg å sette et tak på 10.000 tilskuere på alle idrettsarrangementer forut for årets sommer-OL i Tokyo.

    Den japanske statsråden Yasutoshi Nishimura sa onsdag at det vil bli satt en tilsvarende grense for antall tilskuere som er tillatt under de ulike øvelsene under OL. Nishimura er ansvarlig minister for smitteverntiltak.

    Åpningen for tilskuere trer i kraft først etter at unntakstilstanden i Tokyo og andre deler av landet opphører 20. juni. Tiltaket vil så være gjeldende til slutten av august. (NTB)

    Virus Outbreak Japan Olympics
    Foto: Eugene Hoshiko / AP
  • Kulusevski tilbake i trening

    En av Sveriges største EM-profiler, Dejan Kulusevski, er onsdag i gang med å trene igjen etter å ha vært ute med koronasmitte.

    Det svenske landslaget er for øyeblikket i EM-basen i Göteborg og trener individuelt før de skal trene kollektivt igjen torsdag. Deretter reiser laget til St. Petersburg, der de skal spille mot Slovakia fredag.

    – Dejan Kulusevski er tilbake i troppen og kommer til å begynne å trene individuelt i dag. Spillerne har treningsfri i dag og tar seg av restitusjonen på egen hånd, sier den svenske pressesjefen Jakob Kakembo Andersson ifølge Expressen.

    Dejan Kulusevski
    Foto: Jonathan Nackstrand / AFP

Sendeplan

Kl. Program Kanal