Dobbel pris for spelarar til Kina – skal gjere slutt på gigant-overgangane

Det kan gå mot slutten på dei enorme overgangssummane kinesisk fotball etter at det no blir lagt ein skatt på 100 prosent på dei dyraste overgangane.

Carlos Tevez

DYR MANN: Carlos Tévez kosta 84 millionar euro då han gjekk til Shanghai i vinter

Foto: STR / AFP

Kinesiske styremakter vedtok den nye regelen i dag. Den ekstra skatten skal gå til ungdomsutviklingsfondet til det kinesiske fotballforbundet.

Pengane skal brukast mellom anna til offentlege sportsanlegg, vitskapeleg utvikling av fotballen, og treningar for unge spelarar, heiter det i ei pressemelding frå det kinesiske fotballforbundet.

Tilleggskatten skal gjelde for alle overgangar på meir enn 56,5 millionar kroner for utanlandske spelarar, og på 25,5 millionar for kinesiske spelarar.

Det skal redusere talet på ekstremt dyre utanlandske stjerner som er henta inn til kinesiske klubbar.

Handla for enorme summar

Dei siste to åra har kinesiske klubbar handla stjerner for enorme summar, med Carlos Tévez' overgang til Shanghai Shenua for 84 millionar euro som den dyraste.

Etter dei nye reglane hadde den handelen kosta klubben 168 millionar i brutto overgangssum.

I tillegg har Tevez ei løn som gjer han til den ein av dei best betalte fotballspelarane i verda.

Totalt har kinesiske klubbar handla for meir enn klubbane i Spania, Italia, Tyskland og Frankrike til saman.

Det har gitt den kinesiske ligaen stor merksemd, men har ifølgje fotballforbundet gjort lite for å hjelpe kinesisk fotball på sikt.

Skal hjelpe lokale talent

Regelen som blei endeleg vedteken i går, kom ikkje uventa. Den offisielle avisa Folkets Dagblad har tidlegare om at den eksplosive veksten i kjøpesummane – 1,15 milliardar dollar i 2016 – «langt overgår verdien som blir tilført ligaen».

Dei nye reglane skal ta til å gjelde allereie frå komande måndag når det kinesiske overgangsvindauget opnar, melder insideworldfootball.com.

Det kan gå ut over spelarar som Wayne Rooney, Diego Costa og Pierre-Emerick Aubameyang, som er sterkt inne i spekulasjonane om nye store overgangar til kinesiske klubbar, skriv Times.

Føremålet er å få fram eigne kinesiske talent. Landslaget har ikkje dratt nytte av dei mange stjernene i ligaen, og landslaget ligg sist i si VM-kvalifiseringsgruppe.

Kina har berre vore i fotball-VM ein gong, i 2002.

PS: Neste sesong kan Kinas U20-landslag kome til å spele som lag nummer 20 i Regionalliga Sørvest (nivå 4) i Tyskland. Laget skal spele utanfor konkurranse, og hovudføremålet er å førebu laget på OL i Tokyo i 2020.

Siste nytt

  • Sharks klar for kvartfinale

    San Jose Sharks er videre i NHL-sluttspillet etter et ellevilt hockeydrama. Til slutt endte det med at hjemmelaget vant 5-4 etter forlengning og dermed 4-3 sammenlagt i kamper. Colorado Avalanche venter i kvartfinalen.

    Vegas Golden Knights v San Jose Sharks - Game Seven
    Foto: Ezra Shaw / AFP
  • Ødegaards Vitesse fikk bank av Ajax

    Serieleder Ajax ble et nummer for store for Martin Ødegaard og Vitesse i ligaen tirsdag. Kampen endte 4-2.

    Ajax topper æresdivisjonstabellen, men har kun tre poengs luke til PSV. Sistnevnte har i tillegg én kamp tilgode. Ødegaard og Vitesse er nummer seks.

    Ødegaard
    Foto: Carina Johansen / NTB scanpix
  • Ny remis for Carlsen

    Magnus Carlsen spilte remis mot Fabiano Caruana i storturneringen i Karlsruhe tirsdag. Carlsen spilte med svarte brikker og etter 71 trekk var det over med remis. Verdensmesteren har nå spilt 54 partier på rad uten tap i klassisk sjakk.

    carlsen
    Foto: Terje Bendiksby / NTB scanpix

Sendeplan

Kl. Program Kanal