Hopp til innhold

Ukrainsk verdsmeister ville til Noreg – spurde militæret for seint

Den ukrainske skiskyttarstjerna Dmytro Pidrutsjnyj prøvde å bli med på Blinkfestivalen, men fekk avslag i heimlandet. Samtidig er han tilbake i full trening for første gong sidan den russiske invasjonen.

Dmytro Pidruchnyi

FORSVARER LANDET: Ukrainske Dmytro Pidrutsjnyj får ikkje dra til Noreg og Blinkfestivalen.

Foto: JONATHAN NACKSTRAND / AFP

Det var då krigen i Ukraina braut ut at Dmytro Pidrutsjnyj, som tok VM-gull i 2019, vart kalla inn til militær teneste for å forsvare heimlandet sitt.

Sidan den gong har han ikkje fått delteke i internasjonale skiskyttarkonkurransar. Men no har han fått permisjon frå det ukrainske militæret, og dermed var det faktisk eit håp om at han kunne delta på Blinkfestivalen.

– Det er ikkje slik at det er forbod å besøkje sjølve Blinkfestivalen. Men Blink er ein kommersiell konkurranse, og han er ikkje med i førebuingane til det ukrainske landslaget, forklarer Pidrutsjnyj.

Biathlon - Men's 15km Mass Start

PROFIL: Dmytro Pidrutsjnyj var ein av konkurrentane til Johannes Thingnes Bø.

Foto: HANNAH MCKAY / Reuters

Kjem med oppmoding til IBU

Han seier vidare at dei prøvde å komme seg til Sandnes gjennom ein søknad til forsvarsdepartementet i Ukraina. Den skal likevel ha vorte sendt for seint, og det blir derfor det ingen konkurransar på ukrainske utøvarar denne gongen.

– Sjølvsagt kjennest det ikkje bra når ein ikkje får lov til å reise til konkurransen. Men det er krig i landet vårt, og vi har full forståing for situasjonen. Og vi forstår at alle gjer alt dei kan for å vinne krigen, seier den ukrainske skiskyttarstjerna Pidrutsjnyj.

Dmytro Pidrutsjnyj

I FORSVARET: Pidrutsjnyj måtte ta del i det ukrainske forsvaret frå mars.

Foto: Dmytro Pidrutsjnyj / Instagram

Dessutan er det å forsvare Ukraina ein prioritet for den tidlegare verdsmeisteren.

– Eg synest at kvar ukrainar er klar til å kjempe der det er behov for, viss vi får den ordren frå leiinga, seier Pidrutsjnyj.

Men han er altså ikkje soldat akkurat no. Han tenestegjorde i den ukrainske nasjonalgarden i tre månader. No er han med på samlingar og treningar med landslaget, noko han har vore sidan 5. juni.

Samtidig kjem han også med ei oppmoding til det internasjonale skiskyttarforbundet (IBU), i tillegg til at han opnar opp om hatforholdet til Russland og Belarus.

– Heile landet hatar dei, og vi hatar alt som kan knytast til dei. Ærleg talt håpar vi at vi ikkje kjem til sjå dei på dei næraste konkurransane. Vi håpar at IBU vil støtte konkurranseforbod for Russland og Belarus i vintersesongen viss Russland framleis skyt mot Ukraina frå belarusisk territorium og drep ukrainarar i deira eigne land, seier Pidrutsjnyj.

Les også: Idrettsstjerne takkar Putin etter stjernemøte – ba presidenten signere medalje

Stepanova Putin
Stepanova Putin

Fleire OL og verdsmeisterskapar bak seg

Han seier vidare at han er klar for å gjere kva som helst for forsvaret i Ukraina.

– Eg synest at kvar ukrainar skal vere klar til å kjempe der det er behov for, viss vi får den ordren frå leiinga, seier skiskyttaren og held fram:

– Det gjeld også meg. Frå første dag følgde eg ordrane frå leiinga i den ukrainske nasjonalgarden. Det gjorde også andre idrettsutøvarar som tenestegjorde saman med meg. Dei som hadde meir erfaring, fekk vanskelegare oppgåver. Eg trur at ved behov er alle klare til å verne landet vårt heilt til slutt.

Pidrutsjnyj har delteke i OL i 2014 og 2018, men tok aldri medalje i leikane. Det vart det likevel i Östersund i 2019, der han tok gull i jaktstarten for herrar.

Johannes Thingnes Bø synest situasjonen er trist, og at det er ei påminning om at det framleis er krig i Ukraina.

– Det beskriv jo berre situasjonen, at det framleis er krig i Ukraina og unntakstilstandar. Det er litt lett å få det på avstand etter gitt tid, men dette er nok ei påminning om at det framleis er bråk der. Eg kjenner verkeleg med han, og sjølvsagt med alle andre i Ukraina, seier han til NRK.

IBU World Biathlon Championships - Men's 12,5km Pursuit

TOK GULL: Det vart VM-gull i Östersund.

Foto: TT NEWS AGENCY / Reuters

Ukrainarane slit med å få trena, fordi dei har vore med i krigen. I tillegg skal éin utøvar fått huset sitt okkupert av russiske soldatar.

– Eg tenkjer berre kor heldige vi er, som bur i det landa her. Og så hadde det på ein måte vore litt fint viss du kunne komme hit òg, så kunne vi vist dei litt kjærleik, og samla dei litt inn i den konkurranse-settingen, der dei høyrer heime og kan få tankane over på litt anna, seier Tarjei Bø.

– Men det er unntakstilstandar og då må vel alle mann til pumpene. Ein kan på ein måte forstå det, seier han.

Siste nytt

  • Tre tideler unna verdensrekord

    Chepngetich Kipyegon jaktet verdensrekord på 1500 meter for kvinner under Diamond League-stevnet i Monaco. Lenge så det ut til at kenyaneren hadde det helt store i seg onsdag kveld, men til slutt var hun tre tideler bak rekorden.

    - Det var et godt oppbygd rekordforsøk. Hadde hun fått litt bedre hjelp av fartsholderne i noen hundre meter til hadde det kanskje gått, kommenterte NRK-ekspert Vebjørn Rodal

    Kipyegon
    Foto: Alastair Grant / AP
  • Jevtovic-perle sende Odd til 4. runde

    Milan Jevtovics praktmål frå 20 meter fem minutt ut i andre ekstraomgang sende Odd til 4. runde i cupen med 3-2 over Jerv i Grimstad.

    Jerv har fem strake tap i serien, og trenar Arne Sandstø gjorde ikkje mindre enn ni endringar sidan tapet for Haugesund søndag.

    Mikael Ingebrigsen gav gjestene ein perfekt start med scoring før det var gått to minutt.

    Mikael Ugland utlikna etter ein retur frå keeper etter 17 minutt, men Ingebrighsen sende Odd i føring på nytt like før pause, etter flott forarbeid av Jevtovic.

    Kvarteret ut i andre omgang rota Odd-keeper det til med eit tilbakespel, og Amadou Diallo utnytta tabben og utlikna.

    2-2 stod det ut den ordinære speletida, før Jevtovic avgjorde i ekstraomgangane, då publikum tok til å førebu seg på straffesparkkonkurranse.

    Dermed går Odd til 4. runde. Kampane der skal trekkjast 24. august, men ikkje spelast før til våren.

  • Retzius langt bak egen årsbeste

    Lene Retzius tok femteplass i stav under Diamond League-stevnet i Monaco onsdag kveld.

    Hun rev tre ganger på 4,51, og måtte nøye seg med 4,36 som tellende resultat. Dermed var hun langt unna sitt årsbeste på 4,70.

    – Det var ikke den gjennomkjøringen jeg hadde drømt om, men jeg skal klare å fikse de tingene her til neste uke, sier hun til NRK og sikter til nestes ukes EM i friidrett i München.

    Konkurransen pågår fortsatt.

    Tokyo Olympics Athletics
    Foto: Matthias Schrader / AP

Sendeplan

Kl. Program Kanal
Spilleliste med 52 klipp
Sport
Spiller nå
Her stagediver Vetle Sjåstad Christiansen etter den fjerde Blink-seieren 00:55
Neste