Hopp til innhold

Djokovic nektar framleis å vaksinere seg

USA krev vaksinepass for å kome inn i landet. Novak Djokovic vil framleis ikkje ta vaksine og er villig til å ofre US Open om ikkje kravet blir fjerna.

Serbaren har vunne 20 Grand Slam-titlar og startar jakta på Rafael Nadals rekord på 22, når Wimbledon startar måndag. Djokovic møter Soonwoo Kwon frå Sør-Korea i første runde.

Men Wimbledon kan bli årets siste store turnering for verdstrearen.

– Det er ikkje så mykje eg kan gjere lenger. Det er opp til den amerikanske regjeringa å velje om dei vil ta inn dei uvaksinerte eller ikkje. Slik det skjer ut i dag, er eg ikkje velkomen i USA, seier Djokovic til Eurosport.

US Open startar 29. august.

Tidlegare i år hamna han i kontroversar då han skulle forsvare Australian Open-tittelen. Det enda med at han ikkje fekk delta.

I England er det ikkje nødvendig med vaksinepass, og serbaren kan dermed spele i Wimbledon.

Novak Djokovic
Foto: GLYN KIRK / AFP

Siste nytt

  • Vil boikotte skikonkurransar der Russland er med

    Får russarar sleppe til i FIS-konkurransar til vinteren, kan ikkje langrennskomiteens leiar Torbjørn Skogstad sjå for seg at Noreg kjem til start.

    Det internasjonale ski- og snowboardforbundet (FIS) skal først på eit styremøte 22. oktober avgjere om Russland og Belarus blir verande utestengde. Skogstad forventar at sanksjonane blir halde oppe.

    – Ei utestenging er endå meir openberr no enn i februar, seier han til NTB og peikar på den russiske mobiliseringa til krigen i Ukraina.

    Nyleg bidrog ein tale frå FIS' generalsekretær Michel Vion til å så tvil rundt forbundets standpunkt i Russland-spørsmålet. Han blei sitert på at eit russisk comeback kan skje i løpet av kommande sesong.

    – Det er i beste fall ein uheldig utsegn, meiner Skogstad.

    Leiaren for den norske langrennskomiteen utelukkar ikkje boikott av verdscupen og VM i Planica dersom Russland takast inn i varmen igjen.

    Torbjørn Skogstad
    Foto: Terje Pedersen / NTB
  • Eliteserielaget avsluttar heime

    I eliteseriekvalifiseringa seinare i haust vil lag nummer 14 i Eliteserien avslutte heime mot vinnaren av kvalifiseringa i 1. divisjon.

    Norges Fotballforbund gjennomførte trekkinga av heime- og bortekampar i kvalifiseringskampane i haust.

    Kvalifisering til Eliteserien menn:

    Kamp 1: Nr. 14 i Eliteserien – Vinn kvalifisering 1. divsjon.

    Kamp 2: Vinn kvalifisering 1. divisjon – nr. 14 i Eliteserien.

    Kvalifisering 2. divisjon:

    Kamp 1: Nr. 2 avd. 1 – nr. 2 avd. 2.

    Kamp 2: Nr. 2 avd. 2 – nr. 2 avd. 1.

    Kvalifisering til 1. divisjon:

    Kamp 1: Nr. 14 1. divisjon – vinn kvaliifiseirng i 2. divisjon.

    Kamp 2: Vinn kvaliifisering i 2. divisjon – nr. 14 1. divisjon.

    Kvalifisering Toppserien kvinner:

    Kamp 1: Nr. 1 i sluttspelet 1. divisjon – nr. 6 i kvalifiseringsspelet Toppserien.

    Kamp 2: Nr. 6 i kvalifiseringsluttspelet Toppserien – nr. 1 i sluttspelet 1. divisjon.

    Kvalifisering til Eliteserien 2021
    Foto: Heiko Junge / NTB
  • Sjanse for revansje etter 0-8

    Det norske kvinnelandslaget i fotball skal møte England 15. november. I EM-et i sommar enda kampen med eit forsmedeleg 0-8-tap.

    Norges Fotballforbund (NFF) opplyser at kampen skal spelast på spansk jord. England vann EM etter mellom anna å ha slått det norske laget heile 8-0 i gruppespelet.

    I oktober er det sett opp treningskampar mot Brasil og Nederland.

    – Å få møte dei me antek er dei beste og få testa oss på det vi jobbar med, er viktig for oss og noko vi er glade for å få moglegheita til, seier landslagssjef Hege Riise.

    Noreg skal spele ytterlegare éin kamp til i november. Det er ikkje klart kven det blir mot enno.

    EM i fotball for kvinner. Norge - England (0-8)
    Foto: Terje Pedersen / NTB

Sendeplan

Kl. Program Kanal
Spilleliste med 64 klipp
Sport
Spiller nå
Kjønn og religion er ingen hindring 00:45
Neste