NRK Meny
Normal

Sjå Payet leike med Romania: – Eineståande

Dimitri Payet var giganten i EMs opningskamp, og fekk sin revansje etter VM-vrakinga for to år sidan.

Dimitri Payet var banens store gigant da Frankrike møtte Ramania til åpningskamp i EM 2016.

Laster innhold, vennligst vent..

Tårene rann då han gjekk av bana like etter sigersmålet. Kjenslene måtte ut for West Ham-spelaren som ikkje fekk vere med til VM i Brasil for to år sidan.

– Men då eg kom ut på bana i kveld, visste eg at eg skulle ha det moro, sa han.

– Ved starten av sesongen var det ikkje mange som trudde at eg skulle vere her. – Men det har eg klart med hardt arbeid, la han til.

«Outstanding»

– Han var «outstanding» i dag. Han var kanskje ikkje like heldig med alt i første omgang, men etter pause var han enorm, seier NRKs ekspert Karl-Petter Løken.

Payet var høgt og lågt, og skapte store problem for Romania heile tida. På sosiale media kokte det av skryt av West Ham-spelaren.

Laster Twitter-innhold

Revansje etter VM-vraking

Frankrikes tidlegare profil Thierry Henry la også merke til at Payet felte nokre tårer då han gjekk av bana like etter sigersmålet.

– Det fortel kor mykje han ønskjer å spele for Frankrike. Det var ei stor scoring og ein stor kamp. Hans mål fekk meg til å sprette opp av stolen, seier Henry til BBC.

Henry var den førre franskmannen som både assisterte og scora i ein EM-kamp – mot Tsjekkia i 2000.

Payet fekk dermed ein kraftig revansje for VM for to år sidan. Då var han med i alle kvalifiseringskampane, men vart vraka i VM-troppen.

– Derfor såg du ein mann som i dag ville vise kva han kan. Det lyste av han: «De tok meg ikkje med til VM, og no skal eg vise dykk». Han slost for kvar einaste ball. Det er ikkje mogeleg for ein mann å vinne ein kamp, men det sigersmålet... oh my gosh, seier Henry.

– Arkitekten

– Han var arkitekten bak det aller meste, han skapte 1-0-målet, og han sette det heilt store punktumet med sigersmålet, seier Karl-Petter Løken, som ikkje kan la vere å bli imponert over franskmannen.

Sjå Payets fantastiske sigersmål:

Dimitri Payet. Du verden! Han har skapt sjansar i heile kveld. Eitt minutt før slutt dukkar han opp og dundrar inn det som ser ut som sigersmålet.

– Men eg er ikkje direkte overraska. Han har imponert meg i West Ham også, seier Løken.

Payet skapte åtte franske sjansar i kampen, ifølgje statstikkstaden OptaJoe.

Laster Twitter-innhold

Ifølgje sportskanalen ESPN skapte dei andre ni – til saman.

Løken meinte også at dette var ein kamp som lovar det beste for meisterskapet.

– Eg har sett nok grå og forsiktige opningskampar i meisterskap. Denne lovar det aller beste. Og all ære til Romania, dei gjorde sitt til at dette vart ei stor fotballoppleving, seier Løken.

Siste nytt

  • Norendal brøt IOCs sponsorregler

    Silje Norendal (24) har en privat sponsoravtale med Under Armour og reklamerte synlig for utstyrsleverandøren under forrige ukes slopestylefinale, skriver TV2. Det er brudd på regelverket til IOC. Men det får ingen konsekvenser for snowboardstjernen.

    Vinter-OL. Olympiske leker i Pyeongchang 2018. Snowboard kvinner.
    Foto: Cornelius Poppe / NTB scanpix
  • Skuffet Falk sendes hjem

    Den svenske langrennsløperen Hanna Falk får ikke gå flere distanser i OL. 28-åringen var langt nede etter å ha blitt vraket til stafetten lørdag. Anna Haag ble valgt foran løpere som Ida Ingemarsdotter og Falk på førsteetappen.

    VINTER-OS 2018 SKIDOR LÄNGD FRISTIL
    Foto: ANDREAS HILLERGREN/TT / NTB scanpix
  • Hockeylag får ikke lov å håndhilse

    USAs hockeylag har fått beskjed om å «fist-bumpe» med hverandre i stedet for håndhilse, for å unngå spredning av noroviruset, som er svært smittsomt. Så langt er det bekreftet 283 tilfeller smittet av viruset, som nå oppholder seg i karantene.

    Pyeongchang Olympics US Zapolski
    Foto: Peter Kneffel / AP

Sendeplan

Kl. Program Kanal
Høydepunkter fra dagen
OL-magasin
Henrik Kristoffersen - fra Marikollen til Pyeongchang