Skal kappast med stjernene

Ho er i sitt livs beste form. I kveld kjempar Ingvill Måkestad Bovim mot verdseliten i Diamond League.

Video Ingvill Måkestad Bovim har tro på suksess i Doha

– Dette blir utruleg spanande, endeleg skal eg få springe mot dei aller beste, seier mellomdistanseløpar Ingvill Måkestad Bovim.

29-åringen frå Odda er ein av to utøvarar med norsk flag på brystet som skal i elden i dagens opning av Diamond League i Quatar.

Ingvill Måkestad Bovim

Ingvill Måkestad Bovim satte norsk rekord innendørs på 1500 meter i vinter.

Foto: Gunn Evy Auestad / NRK

Diamond League-opninga ser du på NRK1 i kveld kl.23.30.

Medan Måkestad er Noreg sitt håp på 1500meter, skal sprinteren Jaysuma Saidy Ndure springe 100meter i den stjernespekka opninga av friidrettssesongen.

Siktar mot stjernene

Det er Doha i Quatar som er vertsbyen for det første av årets totalt 14 Diamond League-stemner.

– Eg er i mitt livs beste form og har god tru på at eg kan hevde meg blant dei aller beste, seier Måkestad.

Under eit friidrettsstemne i Düsseldorf i vinter sette løpstalentet ny norsk rekord på 1500meter innandørs med tida 4.13,87.

I kveld stiller ho på startstreken med den internasjonale kremen av mellomdistanseløparar. Både gullvinnaren frå OL i Beijing, Nancy Lagat (Kenya) og regjerande verdmeister på distansen, Maryam Jamal er med i det stjernespekka feltet.

I toppform på hemmeleg vis

Måkestad er ved godt mot før fredagens diamant-løp, og lar seg ikkje skremme av sine profilerte motstandarar.

– Det blir tøft å halde farten til dei aller beste, men dersom eg spring taktisk bra og disponerer kreftene riktig, kan eg få ei veldig god tid, seier ho.

Oppskrifta på toppformen vil Måkestad ikkje røpe.

– Eg har trent litt annleis opp mot denne sesongen. Konkret kva slags grep som er gjort vil eg førebels halde hemmeleg.

På rekordjakt

Måkestad, som er utdanna ernæringsfysiolog, kan derimot avsløre at mindre jobb og dobbelt så mykje trening har gjort underverker.

No har den lovande mellomdistanseløparen mål om både gode resultat i Diamond League og pallplassering under EM i Barcelona i sommar. I tillegg vil ho skrive seg inn i historiebøkene ved å knuse den 29år gamle norske rekorden på 800meter.

– Den rekorden er altfor gammal. Eg satsar på å knuse den under Bislett Games den 4.juni, smiler Måkestad.

Siste nytt

  • Røthe mister verdenscuprenn

    Sjur Røthe har dessverre blitt forkjølet og reiser ikke til helgens verdenscupkonkurranser i Davos, opplyser Norges Skiforbund i en pressemelding.

    Mathias Rundgreen fra Team Veidekke Midt-Norge kommer inn i det norske laget til søndagens 15 km.

    World Cup i Langrenn på Beitostølen 2018
    Foto: Terje Pedersen / NTB scanpix
  • Brakseier for ishockeylandslaget

    Petter Thoresens utvalgte slo til med sterke 6-1 over Hviterussland i åpningskampen av firenasjonersturneringen i Lørenskog ishall. Norge møter Ungarn fredag, som tapte 3-0 for Frankrike i dag.

    MECA hockey games Norge-Hviterussland 6-1.
    Foto: Terje Bendiksby / NTB scanpix
  • Kleveland operert

    Marcus Kleveland er blitt operert i kneet etter å ha skadet seg på trening i Colorado onsdag kveld. Snøbrettkjøreren ligger nå på post-operativ avdeling på sykehuset i Vail.

    Vinter-OL. Olympiske leker i Pyeongchang 2018. Big Air Snowboard menn.
    Foto: Cornelius Poppe / NTB scanpix

Sendeplan

Kl. Program Kanal
Europaligaen: RB Leipzig - Rosenborg