NRK Meny
Normal

Dette var sist gong Italia slo Spania i ein meisterskap

Ein må attende til 1994 for å finne sist gong Italia slo Spania i meisterskap. Eit klart mentalt overtak til Spania, meiner NRKs ekspert Karl-Petter Løken.

World Cup Soccer 1994

SIST SIGER: Roberto Baggio kan juble etter å ha skåra 2-1 målet i kvartfinalen av VM 1994, sist gong Italia slo Spania i meisterskapssamanheng.

Foto: Susan Walsh / Ap

I kveld er det duka for det første gigantmøte i EM. Dei regjerande europameisterane frå Spania skal ut mot dei asurblå italienarane, som tidlegare har hatt eit knallhardt grep på «La Roja» i meisterskap.

NRKs ekspert, Karl-Petter Løken er ikkje i tvil om kven som har overtaket før møtet.

– Eg tykkjer at Spania har overbevist so langt i EM. Dei verkar solide, og eg held dei som klar favoritt i kampen.

Uansett kven som vinn, skal den første giganten ut av sluttspelet i Frankrike.

Forbannelsesfrie spanjolar

På dei siste 11 møta har Italia berre gått sigrande ut ein einaste gong, og me må attende til 1994 for å finne sist meisterskapskamp der italienarane vann. Den gongen var det Dino og Roberto Baggio som sørga for å slå ut Spania 2-1 i kvartfinalen av VM.

Etter det har Italia mista grepet på rivalen sakte men sikkert. Likevel var det i EM i 2008 at Spania verkeleg kunne tre ut av Italias skugge.

FBL-EURO-2012-ESP-ITA-MATCH31

MENTALT OVERTAK: Italia hugsar godt sist møte med Spania. EM-finalen for fire år sidan endte 4-0 til Spania.

Foto: FRANCK FIFE / Afp

Då var det Spania sin tur til å slå ut Italia i kvartfinalen. For første gong gjekk dei sigrande ut av ein meisterskapskamp mot italienarane. Forbannelse var broten, og sidan har dei ikkje sett seg attende. I EM i 2012 spelte dei først 1-1 i gruppespelet, før Spania knuste Italia 4-0 i finalen.

– Spania har eit klart mentalt overtak. Italia blir påminna av finalen for fire år sidan, og laget blir nok prega av det, seier Karl-Petter Løken.

Tunga på vektskåla

Skal Italia klare å snu skipet, og ta tilbake overtaket mot spanjolane, må dei halde styr på Cesc Fàbregas, som tidlegare har laga trøbbel for italienarane. Han skåra på det avgjerande straffesparket i EM 2008, utlikna i 1-1-møtet i 2012 og var arkitekten bak David Silvas åpningsmål i finalen.

– Fàbregas kan bli tunga på vektskåla i dag. Han er nok ikkje den aller viktigaste på laget, men kan vere med å opne rom i det italienske forsvaret, trur Løken.

Fàbregas tek i alle høve ikkje sigeren på forskot.

– Måten dei spelar på, vil kreve det aller ypperste av oss, seier Fabregas før supermøtet i Saint-Denis mandag.

FBL-EURO-2016-MATCH21-ESP-TUR

STRØKEN PASNINGSFOT: Spanias midtbaneveteran Andrés Iniesta har storspelt so langt i EM.

Foto: TOBIAS SCHWARZ / Afp

Den spanske nøkkelopnaren

Men det er ein annan spanjol som verkeleg har vist styrke i årets EM. Veteranen Andres Iniesta har strødd rundt seg med krempasningar, og vore ei kreativ brikke i Spanias angrepsrekke.

– Han er ein nøkkelopnar som kan låse opp rom i eit knallsterkt italiensk forsvar. Han er i lag med David Silva den aller viktigaste for Spania i dag, seier Løken.

Siste nytt

Sendeplan

Kl. Program Kanal
VM sykkel
VM sykkel: Tempo
VM sykkel
Semifinale i cupen, menn
VM-kveld
4-4-2 NM fotball: Semifinale Vålerenga - Sarpsborg 08
Cupen: Semifinale, Vålerenga - Sarpsborg 08
Cupen: Semifinale, Vålerenga - Sarpsborg 08