Normal

Derfor er det fare for at NM-trøya ikkje blir med til Tour de France

BODØ (NRK): Historia viser at proffryttar-stjernene kan få sjokk i NM.

Edvald Boasson Hagen

MED NORSK TRØYE: Edvald Boasson Hagen vann NM i fjor og har kledd seg i norske fargar det siste året.

Foto: LIONEL BONAVENTURE / Afp

– Det var nok eit stort sjokk for han, seier Alexander Kristoff.

Katusha-ryttaren snakkar om det store gjennombrotet: NM i 2007 der han som 19-åring slo giganten Thor Hushovd, som kunne skilte med fire etappesigar og grøn trøye i Tour de France.

Kristoff hadde til då kun sigra i norgescupen.

– Han vann mellom anna fordi Hushovd stilte opp som favoritt, seier Kristoffs trenar Stein Ørn.

Meir om korleis det skjedde får du etter kvart.

– Alltid ei ulempe å vere favoritt

I år har Norge heile fire Tour de France-klare ryttarar som vil krige om å kapre NM-trøya.

Tre av dei, Edvald Boasson Hagen (Dimension Data), Alexander Kristoff (Katusha) og Sondre Holst Enger (IAM), er store favorittar i den relativt flate rundløypa i Bodø.

– Det hadde vore kult å ha eller å sjå trøya i Tour de France, men det blir kjempekamp om den. Sjølv om Team Joker og mange andre ikkje skal til Frankrike, vil dei også ha trøya, seier Kristoff.

Sjølv om trøya stort sett går til ein Tour de France-rytter, er det ikkje alltid verdsklasse-ryttarane vinn mot dei som hadde blitt knust i eit proffritt.

Søndag har Kristoff riktignok kontinentallaget Coop-Østerhus i ryggen. Boasson Hagen får hjelp av Lillehammer CK, men heller ikkje det er ein garanti for suksess.

Likevel skulle ein tru at dei kanonene kan slappe meir av i eit lågare tempo enn normalt.

– Det er lågare fart, men likevel hardt fordi det ikkje er så mange gode med. Då blir det mykje arbeid på dei gode som er med, seier Kristoff.

Stjernesjokket

Og det var nettopp det som skjedde i 2007. Hushovd var i brudd med Kristoff (Maxbo-Bianchi) og to andre ryttarar, der den eine var Kristoffs lagkamerat.

Stjerna Hushovd måtte gjøre alt arbeidet for å halde hovudfeltet unna, og hadde krampetendensar då det skulle spurtast om NM-trøya.

– Alle som veit litt om sykling forstår at ein spurt ikkje er ein spurt etter å ha dratt rundt på dei andre i seks mil. Eg var sliten, sa Hushovd.

Det året var det ingen innslag av norsk trøye i Tour de France. Mannen som skulle ta den med blei snytt av ein tenåring.

– Thor jobba heile vegen, medan eg satt bak og fekk kvilt. Utruleg stort å slå ein av verdas beste spurtarar, men det var spesielle føresetnader. Det er ingen verdensklasse over min spurt sjølv om eg vann denne, sa Kristoff.

Ni år seinare er kan heller ikkje Kristoff garantere at det ein Tour de France-klar rytter vil triumfere i NM.

– Eg er langt frå sikker. Om folk fokuserer for mykje på meg kan det hende at eg blir spelt ut.

Norgesmester Alexander Kristoff flankert av sølvvinner Thor Hushovd og Frederik Wilmann (til høyre).

NM-SJOKKET: Ein av verdas beste spurtarar i 2007, Thor Hushovd (Crédit Agricole), her som nummer to i NM bak 19 år gamle Alexander Kristoff.

Foto: Mjaugedal, Gunnar / SCANPIX

Siste nytt

  • Vålerenga fortsatt uten poengtap

    Storhamar topper tabellen etter å ha vendt til 3-2-seier i mjøsderbyet mot Lillehammer, mens Vålerenga er eneste lag uten poengtap i eliteserien. Oslolaget slo nemlig kort Sparta 3-0 i Furuset Forum.

    Lindström
    Foto: Jon Olav Nesvold / NTB scanpix
  • Helleland vil røyste mot Russland

    Wadas visepresident Linda Hofstad Helleland skriv i ei fråsegn at ho kjem til å røyste mot at Russland blir tekne inn igjen som Wada-medlem, slik kontrollkomiteen CRC tilrår, melder insidetgegames.biz.

    Wada skal avgjere saka på sitt styremøte torsdag.

    Barne- og likestillingsminister Linda Hofstad Helleland
    Foto: Lotte Olsen Jessa / NRK
  • Viking sleit seg til siger

    Viking er framleis på kurs mot opprykk, men det var berre så vidt det heldt mot Notodden. Tommy Høiland gav Viking leiinga midt i første omgang, men Gaston Salasiwa utlikna.

    Axel Andersson gav Viking sigeren i kampens nest siste speleminutt. Viking er dermed på tredjeplass, berre målskilnaden bak Mjøndalen og tre poeng bak Aalesund.

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag
Team Ingebrigtsen