NRK Meny
Normal

Denne jenta er nest raskast i verda

Berre ei jente under 18 år er raskare enn Malin Edland i verda på 800 meter i år. – Ho kan bli kor god som helst, meiner NRKs friidrettsekspert Vebjørn Rodal.

Imponerte på Bislett

TALENT: Malin Edland kan bli ei av våre største friidrettstjerner om nokre år, trur Vebjørn Rodal.

Foto: Nesvold, Jon Olav / NTB scanpix

– Ho er eit unikt talent, heilt rå i hovudet og viser ingen respekt for motstandarane sine på banen, seier trenar Ole-Petter Henriksen.

Han fortel om jenta som imponerte alle før dei store friidrettsstjernene slapp til på Bislett Games tidlegare denne månaden. Malin Edland har kanskje hamna litt i skuggen av eitt

Vebjørn Rodal

IMPONERT: NRKs friidrettsekspert Vebjørn Rodal blei imponert over kor godt 16-åringen disponerte 800-meterløpet under Bislett Games.

Foto: Åserud, Lise / NTB scanpix

år yngre Jakob Ingebrigtsen som har levert usedvanleg sterke tider og blei den yngste deltakaren under Bislett Games nokosinne.

Kvalifisert til fire meisterskap

Men i skuggen er det ingen grunn til at jenta frå Svarstad i Vestfold skal vere.

LES SAKA: Jakob (14) på høyde med kenyanske supertalenter

Faktum er at då 16-åringen sprang inn til pers med over fem sekund på tida 2.03.44 under forøvingane under Bislett Games blei ho den nest raskaste under 18 år på 800 meter i verda i år.

Tida er også den ellevte beste på distansen av norske kvinner gjennom tidene, aldersrekord for 16-årsklassa og ville ha blitt det same i dei to klassene over.

– Eg tenkte eigentleg ingenting. Det var litt rart eigentleg, eg høyrde ikkje publikum ein gong. Eg ville berre bli ferdig med det, så eg sprang alt eg kunne og stivna skikkeleg. Men det synest eg er gøy, ler ho når ho fortel om sin største konkurranse hittil.

Så gøy har ho hatt det på banen denne sesongen at ho nå er kvalifisert for både U18-VM, U20-EM, U23-EM i tillegg til EYOF (Europeisk olympisk ungdomsfestival) i sin eigen årsklasse.

Vurderer ikkje VM

Men det er berre i sistnevnte meisterskap i Georgia Edland blir å finne på startstreken. Norsk friidrett har nemleg bestemt at det kun er 17-åringar som skal delta i junior-VM, men det har 16-åringen ingen problem med.

– Det er morsomt å vite at eg kunne ha vore med der, men eg synest det er heilt greitt å konsentrere seg om eitt meisterskap. Det er same kor eg spring, berre eg får sprunge.

Trenaren hennar i Larvik turn er heilt einig og er oppteken av at Svarstad-jenta ikkje skal oppleve prestasjonspress.

– Ho skal få vere 16-åring og ikkje tenkje for mykje på tider og resultat.

– Men viss eg spør kor langt du trur ho kan nå, kva svarer du da?

– Då vil eg berre seie langt, humrar Henriksen.

Kan vere ei av dei neste store

NRKs friidrettsekspert Vebjørn Rodal trur Edland saman med Jakob Ingebrigtsen kan vere ei av våre største friidrettsstjerner alt om tre år.

– Ho kan bli kor god som helst. Men det treng ho ikkje ha fokus på no. Malin gjer tydelegvis mykje riktig og må halde fram med den gode treningsjobben ho gjer no.

Rodal meiner det er ein lur strategi at Edland vel å konsentre seg om eitt meisterskap og ikkje ein gong vurderer junior-VM i Colombia.

– Det er lurt å matche ho forsiktig. Ho kan heller glede seg til mange meisterskap i åra framover, seier friidrettseksperten.

Siste nytt

  • Ronaldo nærmer seg 300-klubben

    Cristiano Ronaldo har for alvor funnet målformen i La Liga. Real Madrid-stjernen gjorde sitt åttende seriemål på under en måned i 5-3-seieren borte mot Betis. Ronaldo er nå tre mål unna å ha scoret 300. ganger i den spanske toppdivisjonen.

    Ronaldo
    Foto: Paul White / AP
  • Svendsen får gå mixed-stafett

    Laget som får gå mixed-stafetten i skiskyting ble klart søndag kveld norsk tid. Det er følger (i alfabetisk rekkefølge): Johannes Thingnes Bø, Tiril Kampenhaug Eckhoff, Marte Olsbu, Emil Hegle Svendsen.

    Morten og broren
    Foto: Junge, Heiko / NTB scanpix
  • Ny seier for Team Ulsrud

    I natt slo de Danmark før Team Ulsrud i ettermiddag knuste USA i den niende omgangen, med 8-5. Den muligheten fikk de etter en amerikansk kjempeblemme i 5. omgang. Med tre seiere er nå Norge på en delt fjerdeplass. Det er de fire beste som når en semifinale.

    OLYMPICS-2018-CURL-M-RR-USA-NOR/
    Foto: CATHAL MCNAUGHTON / Reuters

Sendeplan

Kl. Program Kanal
OL i Pyeongchang: Curling innledende runder
OL i Pyeongchang
OL i Pyeongchang: Skøyter 500 m menn
OL i Pyeongchang: Hopp, lagkonkurranse menn
OL-magasin
Høydepunkter fra dagen
OL-magasin
Henrik Kristoffersen - fra Marikollen til Pyeongchang