NRK Meny
Normal

Den tårevåte brytebragden: – Like vanskeleg som å vinne i Lotto

Signe Marie Fidje Stores foreldre kan knapt tru at dattera er klar for OL som førsteårs senior.

Signe Marie Fidje Store

VIDEO: Tårene fossa då Signe Marie Fidje Store sikra OL-billett i Istanbul.

– Det er nok omtrent like vanskeleg å vinne i Lotto som å komme seg til OL i bryting, seier ein lattermild pappa Tor-Ørjan Store i gledesrus.

Laurdag såg han datter Signe Marie kvalifisere seg for OL.

Tårene fossa både i Tyrkia og heime hos familien i Tana då 20-åringen sikra billett til Rio.

– Det var tårevått. Ein er nærast i sjokk. Ein trur ikkje heilt at det har skjedd, seier pappa Tor-Ørjan.

Presidenten: – Fenomenalt som førsteårs senior

Signe Marie Fidje Store er Norges første brytar på kvinnesida i OL. Å sikre seg plass i det selskapet er svært vanskeleg ifølge presidenten i Norges Bryteforbund.

– Det er heilt fenomenalt at ein førsteårs senior klarer dette. På grunn av manglande resultat fekk ho bare ein sjanse til å kvalifisere seg, seier Tom Holmen.

Kun to OL-plassar var igjen då Fidje Store fekk sitt eine forsøk i det tredje og siste kvalifiseringsstevnet.

– Eg vil tru at det har vore opp mot 50 utøvarar som har prøvd å kvalifisere seg i kvart av dei tre stevna, seier Holmen.

Sjansen for å vinne i Lotto er nok mindre, men kampen for å sikre OL-billett i bryting er i alle fall fysisk brutal. Og vanskeleg.

Så vanskeleg at Signe Marie Fidje Store aldri hadde forventa å klare det.

– Eg hadde eigentleg tenkt å dra på tur langs vestlandet i Volvoen med ei venninne, men no blir det annleis. Det blir litt kulare å dra til Rio, seier Fidje Store.

– Likte å gje folk juling

No er det første store målet nådd for ein 20-åring som blir omtala som eit enormt brytetalent.

– Vi skal ikkje skru forhåpningane heilt til vers, men om fire år kan ho vere i stand til å kjempe om medalje i OL. Denne gangen blir det nok litt for tidleg, seier Frank Gundersen, som trena Bryte-Signe fram til ho var 16 år.

– Ho er smart taktisk. Det er kanskje spisskompetansen hennar. Ho møter mange med store musklar, men ikkje alle veit å vite når det er optimalt å slå til. Der føler eg Signe er god, seier mamma Anne Fidje Store.

Ho tok dattera med på trening for første gang som 10-åring. 10 år etter er dattera OL-klar.

– Ho likte nok å gje folk juling. Det er nok derfor ho valgte bryting framfor andre idrettar, seier Anne Fidje Store lattermildt til NRK.

Siste nytt

  • Tolisso-heading fikset Bayern-seier

    Corentin Tolisso ble matchvinner etter 77 minutter da Bayern München vant 2–1 borte mot Anderlecht i mesterligaen onsdag kveld.

    Robert Lewandowski ga tyskerne ledelsen før Sofiane Hanni utlignet etter 63 minutter.

    Corentin Tolisso
    Foto: Geert Vanden Wijngaert / AP
  • PSG scoret syv mot Celtic

    Moussa Dembélé sendte Celtic i føringen etter 55 sekunder, men derfra og inn var det PSG for alle pengene.

    Kampen endte til slutt 7–1 etter mål av Neymar (2), Edinson Cavani (2), Kylian Mbappé, Marco Veratti og Dani Alves.

     Edinson Cavani (C) celebrates after scoring with teammates Paris Saint-Germain's Brazilian striker
    Foto: Franck Fife / AFP
  • Atletico holder liv i drømmen

    Atlético Madrid vant 2–0 over Roma, og har med det fortsatt håp om avansement fra mesterligaens gruppe C.

    Antoine Griezmann og Kévin Gameiro gjorde målene for det spanske hovedstadslaget.

    Champions League - Atletico Madrid vs Roma
    Foto: Juan Medina / Reuters

Sendeplan

Kl. Program Kanal
Firenasjonersturnering håndball kvinner: Norge - Sør-Korea
4-4-2 Europa League: Rosenborg - Real Sociedad