Deila ut mot kampoppsettet: – Heilt håplaust

Vålerenga måtte spele midt mellom to avgjerande VM-kampar. Det får trenar Ronny Deila til å reagere.

Eliteserien fotball 2018: Vålerenga-Stabæk

KRITISK: Vålerenga-trenar Ronny Deila synest det er meiningslaust at laget hans må spele mellom to interessante VM-kampar.

Foto: Terje Pedersen / NTB scanpix

Laster innhold, vennligst vent..

– Det er heilt håplaust. Vi skulle sjølvsagt ha spelt fredag, då det var pause i VM, seier Deila til NRK.

Vålerenga sin heimekamp mot Bodø/Glimt starta nemleg klokka 18.00. Det vil seie få minutt etter at åttandedelsfinalen i VM mellom Argentina og Frankrike var over. Klokka 20.00 starta oppgjeret mellom Portugal og Uruguay.

SOCCER-WORLDCUP-FRA-ARG/

Kylian Mbappé og Frankrike vann 4–3 mot Argentina.

Foto: MICHAEL DALDER / Reuters

– Dessutan var det konsert i byen i dag (Eminem), i tillegg til ulike festivalar. Det hadde kome mange fleire på stadion om kampen hadde gått fredag, men vi får vere glade for dei som kom, seier Vålerenga-trenaren.

Og legg til at «vi må lære til neste gong».

Glimt slo tilbake

Offisielt var det 7872 tilskodarar innom dørene på Intility Arena, men dette inkluderer også unytta billettar og sesongkort.

Uansett, dei som var til stades fekk sjå ein interessant fotballkamp. Amor Layouni sende Bodø/Glimt i leiinga etter 21 minutt, før Magnus Lekven utlikna åtte minutt seinare.

Ti minutt ut i andre omgang sende Felix Horn Myhre heimelaget tilbake i føringa, men seks minutt før slutt sørgja Martin Bjørnbak for at kampen enda 2–2.

– Vi skulle sjølvsagt helst ha hatt tre poeng, men vi skal seie oss godt nøgde med det eine vi fekk. Når det er sagt var sjansestatistikken ganske lik, seier Bjørnbak til NRK.

– Trist og unødvendig

Bodø/Glimt spelte sin tredje strake uavgjorte kamp. Poenga kan bli viktige i kampen for å halde seg oppe på øvste nivå.

Vålerenga burde helst hatt tre poeng for å henge med i medaljekampen.

– Det er både trist og unødvendig at vi taper to poeng i dag. Vi hadde full kontroll på 2–1. Men så spelte vi for mykje på tvers og bakover i staden for å prøve å få 3-1, seier Ronny Deila.

Trenaren får støtte frå Magnus Lekven.

– Vi leia 2-1. Dette burde vi ha drege i land, meiner målscoraren.

Eliteserien fotball 2018: Vålerenga - Bodø/Glimt

For Bodø/Glimt gjorde det godt å få med seg eitt poeng heim frå Oslo. Her er det Ulrik Saltnes som får eit velfortent kyss med kjærasten etter kampslutt.

Foto: Fredrik Hagen / NTB scanpix
Laster innhold, vennligst vent..

Siste nytt

  • Wolves med komfortabel siger

    Wolverhampton vann 2-0 mot Crystal Palace i kveldens oppgjer i Premier League. I sin første kamp frå start sette Rayan Ait-Nouri inn 1-0 etter 18 minuttar. Knappe ti minuttar seinare fekk Daniel Podence si første skåring for sesongen. Like før slutt fekk Crystal Palace-spelar Luka Milivojevic raudt kort etter ein stygg takling på João Moutinho.

    Britain Soccer Premier League
    Foto: Andrew Boyers / AP
  • Tande og Opseth vann NM

    Silje Opseth og Daniel André Tande vann NM i hopp i normalbakken i Midtstubakken. Sjølv om Maren Lundby ikkje deltok la ikkje det nokon dempar på sigersgleda.

    – Det var ingen garanti for at det skulle gå vegen for meg i dag. Det at eg står på toppen i dag smakar godt, sjølv om Maren ikkje var med, seier Opseth med eit stort glis.

    Tande sikra seg sin første kongepokal med sigeren i kveld.

    – Det er ingen Kongsberg-hoppar i historia som har tatt ein kongepokal, så det er godt å endeleg få plassert den pokalen i skihistoria på Kongsberg, seier Tande til NRK.

    Gleda over å få med seg ein kongepokal får derimot ikkje Opseth. For kvinnene får ikkje nokon kongepokal.

    – Eg synest det er litt kjedeleg, seier Opseth til NRK.

    Det er eit krav om at ein må vere over 15 deltakarar for å dele ut ein kongepokal. I årets renn for kvinnene var det 9 som stilte til start.

    – Eg veit ikkje om det er ny rekord i år, men me er vert fall mange fleire enn me har vore tidlegare, og det er positivt. Me tar med oss det, sjølv om me ikkje er mange nok til å få kongepokal, seier Opseth.

    Halvor Egner Granerud tok sylvet og Marius Lindvik tok bronse. Eirin Kvandal kom på plassen bak Opseth, og Anna Odine Strøm tok bronse.

    Arrangementet skulle eigentleg vore i mars, men blei utsett på grunn av koronapandemien.

    NM-hopp kvinner og menn
    Foto: Heiko Junge / NTB
  • Njåtun med ti strake NM-gull

    Ida Njåtun var nok ein gong sterkast på 1500 meter i skøyte-NM. For ho tok gullet på distansen for tiande gong på rad. Ho klokka inn på 1.58,06 i Vikingskipet i Hamar. Det er meisterskapsrekord, ifølge NM-arrangøren Asker skøyteklubb.

    Tidlegare på dagen vann Håvard Holmefjord Lorentzen gullet på 500 meter. Bergensaren gjorde årsbeste med 35,06.

    Hallgeir Engebråten kunne juble for siger på 5000 meter. Han tok sitt første seniorgull i NM, med tida 6.27,53.

    VM skøyter allround / sprint 2020 Hamar
    Foto: Fredrik Varfjell / NTB

Sendeplan

Kl. Program Kanal