Hopp til innhold

Dansk superliga 2022/23

  • Inge André Olsen ferdig i Aalborg

    Sportssjef Inge André Olsen stoppar samarbeidet med Aalborg etter gjensidig forståing, opplyser den danske klubben.

    – Som med alt anna i AaB-regi evaluerer vi løpande, og her har vi saman med Inge vorte samd om at det er rett for begge partar at vegane våre skiljast no, seier administrerande direktør i klubben Thomas Bælum i ei pressemelding.

    Olsen starta i jobben 1. april 2020. Før det hadde han ei tilsvarande rolle i Stabæk.

    – Det er ingen tvil om at vi i ei turbulent tid har kjempa med å få ting løyst både på og utanfor bana, men eg er glad for å overlate klubben i trygge hender, sjølv om det ventar eit stort arbeid for alle i fortsetjinga, seier Olsen.

    Bælum vil framover fungerer som mellombels sportssjef i klubben.

    AaB ligg nest sist i den danske serien etter ti serierundar. Klubben har berre to sigrar.

    Daniel Granli og Iver Fossum spelar for det danske laget.

    Fotball: Stabæk - Tromsø (0-3)
    Foto: Terje Pedersen / NTB scanpix
  • Jenssen tilbake til Nordsjælland

    Ulrik Yttergård Jenssen (26) skal spele for danske Nordsjælland i haust. Midtstopparen stod utan kontrakt.

    Nordsjælland opplyser på sine nettsider at Jenssens kontrakt gjeld ut året.

    Forsvarsspelaren gjekk frå Tromsø til Nordsjælland i vinterpausen i 2017/18-sesongen og har spelt 114 kampar for den danske klubben.

    Sommaren 2021 gjekk han til Willem II i den nederlandske toppdivisjonen. Kontrakten skulle vare til 2024, men i sommar blei han samd med klubben om å terminere den.

    Jenssen har 26 landskampar for Noregs U21-lag. I tillegg har han ei rekke kampar frå dei andre aldersbestemte landslaga.

    Nordsjælland leeer den danske toppdivisjonen med 13 poeng etter fem kampar. Neste oppgåve for Jenssens lag er heime mot tabelltoar Silkeborg søndag.

    Ulrik Yttergård Jensen
    Foto: Henning Bagger / Ritzau Scanpix / NTB
  • Rösler hovedtrener i AGF

    Den danske superligaklubben AGF har sikret seg Uwe Rösler som ny hovedtrener.

    Klubben melder på sin egen nettside at Rösler skal lede klubben de neste tre årene. Stig Inge Bjørnebye er sportsdirektør i AGF og har vært sentral i ansettelsen.

    Den tidligere Viking-, Lillestrøm- og Molde-treneren Rösler var sist hovedtrener for tyske Fortuna Düsseldorf. Kontrakten med bundesligaklubben gikk ut etter 2020/2021-sesongen og ble ikke fornyet.

    Den tyske 53-åringen tar over AGF etter tidligere Strømsgodset-trener David Nielsen.

    Uwe Rösler
    Foto: Ekornesvåg, Svein Ove / SCANPIX

Siste nytt

  • Vil boikotte skikonkurransar der Russland er med

    Får russarar sleppe til i FIS-konkurransar til vinteren, kan ikkje langrennskomiteens leiar Torbjørn Skogstad sjå for seg at Noreg kjem til start.

    Det internasjonale ski- og snowboardforbundet (FIS) skal først på eit styremøte 22. oktober avgjere om Russland og Belarus blir verande utestengde. Skogstad forventar at sanksjonane blir halde oppe.

    – Ei utestenging er endå meir openberr no enn i februar, seier han til NTB og peikar på den russiske mobiliseringa til krigen i Ukraina.

    Nyleg bidrog ein tale frå FIS' generalsekretær Michel Vion til å så tvil rundt forbundets standpunkt i Russland-spørsmålet. Han blei sitert på at eit russisk comeback kan skje i løpet av kommande sesong.

    – Det er i beste fall ein uheldig utsegn, meiner Skogstad.

    Leiaren for den norske langrennskomiteen utelukkar ikkje boikott av verdscupen og VM i Planica dersom Russland takast inn i varmen igjen.

    Torbjørn Skogstad
    Foto: Terje Pedersen / NTB
  • Eliteserielaget avsluttar heime

    I eliteseriekvalifiseringa seinare i haust vil lag nummer 14 i Eliteserien avslutte heime mot vinnaren av kvalifiseringa i 1. divisjon.

    Norges Fotballforbund gjennomførte trekkinga av heime- og bortekampar i kvalifiseringskampane i haust.

    Kvalifisering til Eliteserien menn:

    Kamp 1: Nr. 14 i Eliteserien – Vinn kvalifisering 1. divsjon.

    Kamp 2: Vinn kvalifisering 1. divisjon – nr. 14 i Eliteserien.

    Kvalifisering 2. divisjon:

    Kamp 1: Nr. 2 avd. 1 – nr. 2 avd. 2.

    Kamp 2: Nr. 2 avd. 2 – nr. 2 avd. 1.

    Kvalifisering til 1. divisjon:

    Kamp 1: Nr. 14 1. divisjon – vinn kvaliifiseirng i 2. divisjon.

    Kamp 2: Vinn kvaliifisering i 2. divisjon – nr. 14 1. divisjon.

    Kvalifisering Toppserien kvinner:

    Kamp 1: Nr. 1 i sluttspelet 1. divisjon – nr. 6 i kvalifiseringsspelet Toppserien.

    Kamp 2: Nr. 6 i kvalifiseringsluttspelet Toppserien – nr. 1 i sluttspelet 1. divisjon.

    Kvalifisering til Eliteserien 2021
    Foto: Heiko Junge / NTB
  • Sjanse for revansje etter 0-8

    Det norske kvinnelandslaget i fotball skal møte England 15. november. I EM-et i sommar enda kampen med eit forsmedeleg 0-8-tap.

    Norges Fotballforbund (NFF) opplyser at kampen skal spelast på spansk jord. England vann EM etter mellom anna å ha slått det norske laget heile 8-0 i gruppespelet.

    I oktober er det sett opp treningskampar mot Brasil og Nederland.

    – Å få møte dei me antek er dei beste og få testa oss på det vi jobbar med, er viktig for oss og noko vi er glade for å få moglegheita til, seier landslagssjef Hege Riise.

    Noreg skal spele ytterlegare éin kamp til i november. Det er ikkje klart kven det blir mot enno.

    EM i fotball for kvinner. Norge - England (0-8)
    Foto: Terje Pedersen / NTB

Sendeplan

Kl. Program Kanal
Spilleliste med 64 klipp
Sport
Spiller nå
Kjønn og religion er ingen hindring 00:45
Neste