Costa med praktmål i siste minutt

Diego Costa redda tre poeng for Chelsea mot eit West Ham med Håvard Nordtveit frå start. Spanjolen skulle derimot blitt utvist lenge før han sette inn den avgjerande skåringa.

Diego Costa

FULL JUBEL: Diego Costa skåra i siste minutt, og kunne juble for tre poeng.

Foto: JUSTIN TALLIS / Afp

Laster innhold, vennligst vent..

Håvard Nordtveit fekk sin Premier League-debut i London-derbyet mot Chelsea. Han blei med det den 64. nordmannen som får speletid i den øvste divisjonen i England.

Men han evna ikkje å sette preg på kampen, som blei dominert av eit «nytt» Chelsea, anført av Eden Hazard. Kampen vart derimot ikkje avgjort før Diego Costa sette inn 2–1 i det 89. minutt.

Chelsea best

Og det var Chelsea som førte kampen ifrå første spark. West Ham-forsvaret sleit med å handtere den belgiske lynvingen Eden Hazard, og i lag med Diego Costa skapte dei mykje framover for Chelsea.

Håvard Nordtveit får ein rufsete start på Premier League-karrieren. Han er lite involvert i opninga, og gjer mange småfeil.

FBL-ENG-PR-CHELSEA-WEST HAM

SLEIT: Håvard Nordtveit sleit med å halde tritt med Chelsea i kveldens kamp.

Foto: IAN KINGTON / Afp

Trass overtaket blir det ingen mål i førsteomgang.

Pangopning

Andreomgangen opnar med eit stort pang. Først kjem Costa gjennom, og får avslutta frå nært hald. West Ham-keeper Adrian får derimot ei hand på ballen, og reddar.

Rett etterpå kjem César Azpilicueta seg gjennom forsvaret, og blir felt av Michail Antonio. Dommar Anthony Taylor gir straffe, og veg med det opp for situasjonen i førsteomgang, der Oscar skulle hatt straffe.

Eden Hazard bankar ballen i nettaket frå 11-meter, og Chelsea er fortent i leiinga.

Utover omgangen er det ingen tvil om kven som er best. Chelsea held fram der dei slapp i førsteomgang, og rundspelar West Ham.

Nordtveit får ikkje særleg mykje utretta, og etter 67 minuttar må han vike for Dimitri Payet, som skal inn for å snu kampen.

Han rekk ikkje å sette noko preg på kampen før West Ham skårar. Målet måtte sjølvsagt komme på dødball, og det er midtstoppar James Collins som bankar inn utlikninga då det er 13 minuttar igjen av kampen.

Maestro Conte

SOCCER-ENGLAND-CHE-WHU/

JUBELSCENAR: Antonio Conte er kjent for sitt engasjement på sidelinja.

Foto: Eddie Keogh / Reuters

Men Chelsea hadde meir på lager. Eit minutt før slutt vinn debutant Batshuayi ein hovudduell, og ballen landar hos Costa. Han klinkar frå 20 meter, og setter den knallhardt i motsett hjørne.

Costa skulle derimot fått sitt andre gule lenge før målet, etter han var alt for sein i takling mot keeper Adrian. Det kortet fekk han derimot ikkje.

Dermed fekk den nye manageren Antonio Conte draumeopninga han hadde håpa på.

Italienaren har ikkje hatt lang ferie etter at han leia Italia i EM, men har allereie fått sette sitt preg på Chelsea-laget.

Og Chelsea viste takter som nesten var fråverande heile førre sesong, og særleg Eden Hazard gav signal om at han ikkje kjem til å få to dårlege sesongar på rad.

Siste nytt

  • Bjørnstad utenfor pallen

    Espen Bjørnstad klarte ikke å kopiere gårsdagens andreplass i kombinert i estiske Otepää. Han endte på fjerdeplass, men var med i tetkampen hele tiden. Franz-Josef Rehrl fra Østerrike vant, som i går. Jarl-Magnus Riiber ble nummer seks.

    World cup Nordiske grener Lillehammer
    Foto: Geir Olsen / NTB scanpix
  • Sterk norsk stafettinnsats

    Frankrike vant dagens skiskytterstafett fra tyske Ruhpolding. Tiril Eckhoff gikk en sterk tredje etappe, og tok sekunder på Frankrike i tet, men luka var for stor. Norge ble med det nummer to. Tyskland tok tredjeplassen.

    Germany Biathlon World Cup
    Foto: Matthias Schrader / AP
  • Kilde på tredjeplass

    Aleksander Aamodt Kilde køyrer eit rått utfor i Wengen og ser ut til å sikre seg ein 3.-plass, 14 hundredelar bak Vincent Kriechmayr frå Austerrike og Beat Feuz. Svindal ligg på 4.-plass, medan Jansrud ikkje får det til og hamnar lagt bak. Sejersted køyrer ut.

Sendeplan

Kl. Program Kanal
V-cup hopp: Laghopp menn
Vinterstudio
V-cup hopp: Laghopp 2. omgang, menn
Sport i dag
VM håndball menn: Danmark - Ungarn