Chelsea-kamp til Bucuresti
Første kamp i meisterligaen mellom Atletico Madrid og Chelsea 23. februar skal spelast i Bucuresti i Romania, har UEFA avgjort.
To andre meisterligakampar med engelske lag er tidlegare flytta. Leipzig - Liverpool 16. februar og Borussia Mönchengladbach - Manchester City 24. februar skal begge spelast i Budapest i Ungarn.
I europaligaen skal Real Sociedads kamp mot Manchester United 18. februar spelast i Torino i Italia, og Benfica-Arsenal same dag skal gå i Roma.
Årsaka til flyttingane er korona-restriksjonane.