NRK Meny
Normal

Sjukdomsplaga Falla røyk ut av prologen

Astrid Uhrenholdt Jacobsen var best i prologen, men det mest overraskande: verdscupleiar i sprint, Maiken Caspersen Falla røyk rett ut av prologen.

Falla skuffa

SKUFFA: Maiken Caspersen Falla her frå Kuusamo tidlegare i vinter har hatt ein sterk sesong, men i dag blei ein svart dag etter at 25-åringen røyk rett ut av prologen.

Foto: Pedersen, Terje / NTB scanpix

– Maiken var i dialog med lege før start. Ho fortalde at ho ikkje var i toppform, men det blei bestemt at ho likevel skulle gå, seier medieansvarleg for langrenn i Norges Skiforbund, Gro Eide, til NTB.

Maiken Caspersen Falla er stort sett alltid blant dei fyrste etter prologen. Men i dagens sprintprolog i Planica enda den olympiske meisteren heilt nede på ein 45.-plass.

Det betyr at Falla er ute av dagens sprint og får ingen moglegheit til å forsvare leiinga i sprintcupen. Den har ho etter siger både i Kuusamo og Toblach før jul, i tillegg til etappesiger på opningsdistansen i Tour de Ski, skøytesprinten i Lenzerheide.

Falla reiser nå heim igjen til Norge og går ikkje morgondagens lagsprint, ifølgje NTB.

Astrid Uhrenholdt Jacobsen var derimot raskast i prologen og var heile 2,8 sekund framfor nummer to Nadine Faendrich frå Sveits.

Berre tre andre norske kvinner kom seg vidare frå prologen. Ingvild Flugstad Østberg blei nummer 5, Kathrine Harsem nummer 17 og Heidi Weng gjekk inn til ein 24.-plass.

Mari Eide og Kari Vikhagen Gjeitnes på høvesvis 33 og 38.-plass får me ikkje sjå meir av på dagens skøytesprint i Planica.

Gløersen og Golberg ute

I herranes prolog var det ingen nordmenn heilt i tet. Sondre Turvoll Fossli blei beste nordmann på sjuandeplass, 2,9 sekund bak bestemann Federico Pellegrino.

Fossli i Davos

BESTE NORDMANN: Sondre Turvoll Fossli har hatt ein sterk sesong så langt og er nummer to i sprintcupen samanlagt, bak suverene Federico Pellegrino.

Foto: Gian Ehrenzeller / Ap

Ytterlegare fem nordmenn er vidare til kvartfinaleheata. Eirik Brandsdal blei nummer åtte, Andreas Myran Stenn nummer ni, Ola Vigen Hattestad på 25.-plass og Eivind Bakkene som debuterer i verdscupsamanheng i utlandet blei nummer 28.

Håvard Solås Taugbøl, Anders Gløersen og Pål Golberg røyk ut av prologen av dei norske.

Kvartfinalane ser du på NRK 1 og nrk.no frå 10.50.

Siste nytt

  • Skarpnord falt av i Australia

    Marianne Skarpnord trengte 78 slag på lørdagens runde på europatouren golf i Bonville i Australia og falt til 40.-plass.

    Skarpnord var på 12.-plass etter runder på 73 og 70 slag de to første dagene, men fikk problemer og er beste norske etter at Tonje Daffinrud spilte seg opp med en 72-runde.

    skarp
    Foto: Heiko Junge / NTB scanpix
  • Sverige tapte curlingfinalen

    USA slo Sverige 10-7 i curlingfinalen for menn. I sju omganger var det helt jevnt, og det stod 5-5 før omgang 8. Der vant USA hele 5-0, og da Sverige bare maktet to poeng i niende omgang, gav de opp.

    USA åpnet turneringen med fire tap på de seks første kampene, inkludert 4-10 mot finalemotstander Sverige.

    Niklas Edin
    Foto: CATHAL MCNAUGHTON / Reuters
  • Bergrem falt fra OL-medalje

    Torgeir Bergrem (26) var best av alle i finalen i snøbrett Big Air i sitt første run, men etter fall i både sitt andre- og tredje run, ble det ingen topplassering for mannen fra Harstad. Sebastian Toutant fra Canada vant OL-gullet.

    Vinter-OL. Olympiske leker i Pyeongchang 2018. Big Air menn.
    Foto: Terje Pedersen / NTB scanpix

Sendeplan

Kl. Program Kanal
OL i Pyeongchang
OL-magasin
4-4-2 med Schau og Aune
Høydepunkter fra dagen
4-4-2 med Schau og Aune
Henrik Kristoffersen - fra Marikollen til Pyeongchang
OL-magasin