Casper Ruud til semifinale

Casper Ruud slo serbiske Dusan Lajovic 7-5, 6-1 i kvartfinalen i ATP-turneringa i Buenos Aires, og er klar for semifinale.

I første sett leia Ruud 3-0. Så glapp det litt og det blei 3-3. Men Ruud braut Lajovics serve i det aller siste gamet og vann settet. I andre sett var Ruud suveren og leia 5-0 før Lajovic vann eit sett.

Lajovic er rangert som nummer 23 i verda, medan Ruud er nummer 45.

I semifinalen møter Ruud Juan Ignacio Londero frå Argentina.

Casper Ruud
Foto: TONY ASHBY / AFP

Siste nytt

  • Tøft program for Ødegaard

    Real Sociedad og Martin Ødegaard skal spele fem kampar frå 4. til 22. mars. Det er klart etter at den utsette kampen mot Eibar er terminfesta til 10. mars. Dermed blir det fire ligakampar og semifinale i cupen i løpet av 19 dagar.

    23. mars skal landslaget samlast før EM-kvalifiseringskampen mot Serbia 26. mars. Siger der gir ny kvalik-kamp 31. mars.

    Martin Ødegaard tilbake i Madrid
    Foto: Heiko Junge / NTB scanpix
  • Granerud tilbake i verdscupen

    Halvor Egner Granerud har hatt ein blytung sesong, men i Rasnov får Asker-hopparen sjansen i verdscupen for første gong i vinter. I tillegg drar Johann Forfang, Anders Håre, Marius Lindvik, Robin Pedersen og Daniel-André Tande til Romania kommande helg. Robert Johansson står over rennet.

    Hopplandslagets take off
    Foto: Tore Meek / NTB scanpix
  • Reiten matchvinnar

    Guro Reiten scora vinnarmålet då Chelsea slo Liverpool 1–0 i den engelske FA-cupen måndag. Reiten og Maren Mjelde opererte på kvar sin kant av Chelsea sin midtbanefirar. Sigeren betyr at Chelsea spelar borte mot Everton i kvartfinalen.

    Guro Reiten
    Foto: Marit Sofie Strand / NRK

Sendeplan

Kl. Program Kanal