Magnus Carlsen, Erdogan og Kissinger ved same bord

Magnus Carlsen fekk med seg både sjakk og internasjonal økonomi blant finanstoppar og toppolitikarar i New York i går.

Magnus Carlsen i godt selskap

TOPPMØTE: Magnus Carlsen (t.v.) fekk følgje diskusjonane mellom Tyrkias FN-delegasjon og amerikanske investorar

Foto: Andalou Agency

– Ja, det var litt spesielt, seier Carlsens manager Espen Agdestein.

Carlsen er i New York for å førebu seg til VM i november. Tyrkias president Recep Tayyip Erdogan er i byen i samband med generalforsamlinga i FN.

Han hadde invitert ei rekke framståande amerikanske investorar for å diskutere amerikanske investeringar i Tyrkia.

Og den omstridde tyrkiske presidenten er sjakk-interessert.

Det er også Mike Bloomberg, investor og verdas 6. rikaste person.

– Rart, men interessant

– Bloomberg er ein stor sjakkfan, og han inviterte Magnus til å vere med. Der var Erdogan og hans følgje, og der var også Henry Kissinger og mange andre prominente personar, fortel Agdestein til NRK.

93 år gamle Kissinger er tidlegare amerikansk utanriksminister, og no direktør i sitt eige konsulentfirma.

– Det kjendest rart, men det var interessant å høyre på den diskusjonen, seier Agdestein.

TURKEY-POLITICS/ERDOGAN Turkey's President Erdogan makes a speech during a graduation ceremony in Ankara, Turkey

PRESIDENT: Recep Tayyip Erdogan møtte amerikanske investorar for å få dei til å investere i Tyrkia

Foto: UMIT BEKTAS / Reuters

– Erdogan var veldig frampå for å selje sitt syn, naturlegvis. Men det var ei avslappa stemning likevel.

Magnus' app

Det var fleire med sjakkinteresse blant deltakarane. Ikkje minst den tyrkiske presidenten.

– Erdogan ville at Magnus skulle utfordre barnebarnet hans i sjakk. Men då sa Magnus til han at «du får heller la han trene på appen min».

Den appen var det fleire som hadde høyrt om.

– EU-ministeren til Tyrkia var stolt av å spele på appen til Magnus kvar einaste dag. Enten var han veldig godt førebudd, eller så var han ein skikkeleg sjakkfan, gliser Agdestein.

Siste nytt

  • Lewandowski redda Bayern

    Bayern München sleit lenge mot botnlaget Paderborn og såg ut til å miste viktige poeng i tittelkampen i Bundesliga. Paderborn kjempa seg heroisk til 2-2 på bortebane med eit kvarter igjen å spele. Men da det var to minutt igjen på klokka dukka Robert Lewandowski opp og scora sitt 25 mål for sesongen. Dermed vann Bayern 3-2 og har fire poeng ned til Leipzig med ein kamp meir spelt.

    Robert Lewandowski
    Foto: Matthias Schrader / Matthias Schrader
  • Ny verdsrekord i tresteg

    Yulimar Rojas (24) frå Venezuela sette fredag kveld ny innandørs verdsrekord i tresteg. Den gamle rekorden til russiske Tatjana Lebedeva på 15,36 har stått sidan 2004. I kveld hoppa Rojas heile 15,43 på eit stemne i Madrid. Ute har ukrainske Inessa Kravets hatt verdsrekorden heilt sidan VM i Göteborg i 1995.

    Yulimar Rojas
    Foto: ANDREJ ISAKOVIC / AFP
  • Kristoff skuffa i spurten

    Cees Bol tok sigeren på den tredje etappen av Algarve rundt fredag. Alexander Kristoff var med i spurten om sigeren, men klarte ikkje å henge med på farta til nederlendaren i spurten og blei nummer fire. Daniel Hoelgaard var også med i spurten og kom inn på plassen bak.

    AFP_1IW3E2
    Foto: MARCO BERTORELLO / AFP

Sendeplan

Kl. Program Kanal