Her blir Canada verdsmeister

Canada er verdsmeister i ishockey etter 2-0 over Finland i finalen.

Connor McDavid

LEIING: Connor McDavid scorer Canadas første mål. Finlands målvakt Mikko Koskinen er sett ut av spel

Foto: GRIGORY DUKOR / Reuters

Laster innhold, vennligst vent..

19 år gamle Connor McDavids scoring etter 11.24 i første periode skulle bli kampens einaste, før Matt Duchene sette pucken i tomt bur i sluttsekundet, då Finland hadde teke ut målvakta.

– Vi visste då vi møttest at vi hadde eit lag som kunne vinne VM. Vi er den beste ishockeynasjonen i verda, og vi viste det i dag, sa Duchene til TV4.

Då fløyta gjekk for siste scoringa, storma Canadas spelarar frå benken ut på isen for å feire. Dei blei jaga opp att slik at det siste sekundet kunne spelast før VM-tittelen var offisiell.

Canadas fysiske sterke lag møtte finnane aggressivt gjennom heile kampen, og gav aldri Finland sjansen til å vise det spelet dei har imponert med i heile VM-turneringa hittil. Mellom anna slo dei Canada 4-0 i gruppespelet.

Canada-jubel

JUBEL: Slik reagerte dei kanadiske spelarane då sluttsignalet gjekk

Foto: Ivan Sekretarev / Ap

Etter at McConnor hadde ditt Canada leiinga, møtte kanadiarane de finske spelarane som ein myggsverm heile tida.

Finland skuffa og var sjeldan farlege framfor mål, og Canada vann skotstatistikken med solide 33-16. Målvakt Mikko Koskinen vart då også kåra til Finlands beste spelar.

Canada forsvarte dermed VM-tittelen frå i fjor, og blei verdsmeister for 26. gong.

Tidlegare i dag slo Russland USA 7-2 i bronsefinalen.

Artikkelen blir oppdatert!

Siste nytt

  • Trippel OL-vinnar i friidrett død

    Den triple OL-vinnaren Peter Snell frå New Zealand er død, 80 år gammal.

    Snell er ein av New Zealands største idrettsheltar, med OL-gull på 800 m i 1960 og på 800 og 1500 m i 1964. Han heldt også verdsrekorden på 800 meter og ei engelsk mil.

    Peter Snell
    Foto: AP
  • OL-surfing på Tahiti

    OL-arrangørane i Frankrike valde torsdag å legge surefekonkurransane i OL i 2024 til stillehavsøya Tahiti. Det er 15.700 km og 20 flytimar unna Paris, som er vertsby for sommarleikane.

    Ifølgje arrangørane vil dette ikkje ha betydning for kostnadene, eller skape ekstra problem for klima og miljø.

    Valet er gjort fordi det er nesten garantert ideelle bølgjer for surfing.

    Men det er også kontroversielt, fordi bølgjene er rekna som farlege for kvinnene. derfor står ikkje Tahiti på kvinnenes verdscupliste.

    – Vi set opp kvinnenes konkurransar på den tida på dagen når bølgjene er minst, seier Lionel Teihotu i Tahitis surfeforbund.

    Tahiti er ein del av øygruppa Fransk Polynesia, som er rekna som ein del av Frankrike, men med indre sjølvstyre.

    Den amerikanske surferen Benji Brand ved Teahupoʻo på Tahit
    Foto: BRIAN BIELMANN / AFP
  • Klopp forlengjer med Liverpool

    Manager Jürgen Klopp har forlenga sin kontrakt med Liverpool til 2024, melder klubben på sine nettsider.

    Klopp har leia Liverpool sidan 2015, og førte dei til topps i meisterligaen i vår.

    Klopp
    Foto: Jon Super / Jon Super

Sendeplan

Kl. Program Kanal