NRK Meny
Normal

Sjokk-kulde truar Ski Tour Canada

Det kan bli beinkaldt under dei neste renna i Ski Tour Canada. I verste fall kan etappar bli avlyst.

Petter Northug

ISKALDT: De norske løperne fikk kjenne kulda på kroppen allerede på sprinten på tirsdag. Men det skal bli mye kaldere.

Foto: Pedersen, Terje / NTB scanpix

Særleg sprinten fredag er utsett. Vêrmeldingane i Montreal-området varslar temperaturar ned mot 23 kuldegrader. Det er for kaldt til at det kan avviklast langrenn.

Kulde

IS i RUBBEN: Kulden tar godt i skjegget når ein går langrenn i temperaturar ned mot 20 kuldegrader.

Foto: Larsen, Håkon Mosvold / NTB scanpix

Teknisk delegert i FIS, Torbjørn Broks Pettersen, fortel at det er ein risiko for at renna blir utsett eller i verste fall avlyst dersom vêrmeldingane slår til.

– Den absolutte grensa for internasjonale renn i FIS-regi er minus 20. Den er hoggen i stein. Så kan det vere tilfelle der temperaturen ligg på minus 15-16, kombinert med sterk vind i tillegg. Juryen har alltid eit ansvar for å sjå på totaliteten.

– Det ansvaret må dei ta alvorleg. Det handlar om helsa til løparane, seier Pettersen.

Frå under 20 til opp mot 10 minus

Statsmeteorolog Kristian Gislefoss stadfestar at det blir kaldt i Montreal fredag.

– Tidleg på dagen kan det bli temperaturar ned mot minus 20, kanskje endå kaldare lokalt. Men heldigvis stig temperaturen ein god del utover dagen, seier Gislefoss.

Kristian Gislefoss i Vikersund

TRØYST: Statsmeteorolog Kristian Gislefoss trur temperaturen vil ligge på minus 10 når starten går fredag. Det er i så fall godt innanfor temperaturar det er mogeleg å arrangere langrenn i

Foto: Kamilla Pedersen / MET

Sprinten fredag tek ikkje til før godt utpå ettermiddagen. Og då trur Gislefoss det blir temperaturar som det går an å arrangere langrenn i.

– Då bør nok temperaturen ha stige til opp mot minus 10, spår meteorologen.

Derfor bør ikkje dei norske løparane bli skremde.

– Sjølv om Montreal ligg inst i ein fjord, er det vinterforhold som liknar dei som er på det indre Austlandet, med kalde nattetemperaturar som stig godt utover dagen, seier Kristian Gislefoss.

Dei norske jentene har svært ulike reaksjoner på kulda.

– Dette blir tøft for luftvegane mine frå starten av, seier Maiken Caspersen Falla.

– Eg håpar på tørr luft. Det er fuktig luft som er verst for meg og min type astma. Eg reagerer ikkje på kulde, seier Astrid Uhrenholdt Jacobsen.

– Eg håpar det blir veldig kaldt og ikkje snø. Storm hadde også passa bra, seier Heidi Weng.

PS: Torsdag i neste veke er det varsla 14 plussgrader i Montreal!

Siste nytt

  • Per-Egil Flo klar for ny klubb

    Per-Egil Flo forlater tjekkiske Slavia Praha til fordel for sveitsiske FC Lausanne-Sport. Den tidligere Sogndal- og Moldespilleren har fem landskamper for Norge, og skal spille på nivå to i Sveits etter at FC Lausanne-Sport rykket ned fra førstedivisjon forrige sesong.

    Fotballandslaget trener.
    Foto: Håkon Mosvold Larsen / NTB scanpix
  • Hamilton forlenger med Mercedes

    Den britiske Formel 1-føreren, Lewis Hamilton, har forlenget sin kontrakt med Mercedes. Avtalen varer frem til 2020 og skal være verdt 40 millioner pund i året, ifølge BBC. Han er verdensmester i Formel 1 fire ganger.

    AUTO-PRIX-F1-ITA-QUALIFYING
    Foto: ANDREJ ISAKOVIC / AFP
  • Fjorårets toer bryter Touren

    Rigoberto Urán trekker seg fra årets Tour de France etter å ha pådratt seg skader i en velt søndag. På onsdagens etappe rullet colombianeren i mål over 26 minutter bak etappevinner Geraint Thomas. I fjor ble 31-åringen nummer to i sammendraget.

    Uran
    Foto: Christophe Ena / AP

Sendeplan

Kl. Program Kanal
Tour de France: 12. etappe
Tour de France: 12. etappe
Sport i dag
X Games Minneapolis -- Menn Skateboard Vertical Finale og Menn BMX Halfpipe Finale