NRK Meny
Normal

– For ei opning på årets Eliteserie!

Eliteserien blei opna med eit smell 22 minutt ut i årets første seriekamp. Dei resterande minutta blei eit endelaust sjansekøyr mot Vålerenga-målet.

Forren-frispark

Vegard Forren scora årets første eliteseriemål 22 minutt ut i kampen mot Vålerenga. Med strak rist banka han ballen i lengste hjørne. VIF-keeper Gudmund Taksdal Kongshavn hindra ikkje frisparket, men hindra svært stygge siffer i opningskampen.

Laster innhold, vennligst vent..
Skullerud

Molde-trenar Tor Ole Skullerud (t.h.) fekk ei perfekt opning på Eliteserien 2014. Her jublar han etter 2-0-scoringa.

Foto: Svein Ove Ekornesvaag / NTB scanpix

– Vi burde avgjort kampen i andre omgang på éi av dei store moglegheitene, meinte Molde-trenar Tor Ole Skullerud direkte på TV 2 etter kampen.

For det mangla ikkje på sjansar for heimelaget. Og at det ikkje blei meir enn 2–0 skuldast meir flaks enn dyktigheit for Vålerenga.

Gulltakter frå første sekund

Ut på Aker Stadion i opningskampen var det eit svært angrepsvillig Molde som entra banen.

Med offensive backar i Martin Linnes og Per Egil Flo, leikne indreløparar i Mattias Moström og Mohamed Elyounoussi, samt eit skremmande spisspar i Björn Bergmann Sigurdarson og Fredrik Guldbrandsen, blei straumen av sjansar enorm mot Vålerenga-målet.

Ole Gunnar Solskjær sin arvtakar Skullerud sa klart ifrå om at Molde i 2014 skal bli eit mareritt å møte.

Allereie etter eitt minutt var Elyounoussi åleine gjennom mot VIF-keeper Gudmund Taksdal Kongshavn, og berre flaks gjorde at den tidlegare Sarpsborg 08-spelaren ikkje sende Molde i føringa.

Rune Hustad og Arne Flatin

Fotballkommentator i NRK, Rune Hustad, meiner årets første eliteseriescoring knapt kunne blitt betre.

Foto: Svein Smørdal / NRK

– Har du sett for ei scoring!

Presset og ballen heldt seg på bortelaget sin banehalvdel, der Molde leikte seg og heile tida gjorde forsøk på å spele seg til sjansar. Det var derimot ein dødball som enda i 1–0.

Elyounoussi vann eit frispark på rundt 25 meter, og heimvende Vegard Forren gjorde seg klar. Med strak rist banka han ballen i lengste hjørne til Molde-leiing.

– Forren tek tre skritt, dunkar til og ballen går i mål! Har du sett for ei scoring av Vegard Forren! For ei opning vi får på årets eliteserie, nær ropte ein engasjert NRK-kommentator Rune Hustad etter scoringa.

– Eitt av mine personlege mål er å score og bidra offensivt. Då var det godt at den sat i dag, for det er mange skot som ikkje går inn, sa Forren sjølv etter kampen.

Vålerenga måtte gå høgare i banen etter årets første eliteseriescoring. Då blei kontringsrommet større for heimelaget.

Etter 29 minutt var høgreback Linnes lynrask då sjansen baud seg, og etter å ha tilbakelagt ei halv fotballbane, sende han vidare til Bergmann Sigurdarson. Islendingen var iskald då han vende vekk éin mann, før han klinte ballen opp i venstre kryss til 2–0.

– Det var veldig morosamt. Viktig å vinne den første kampen, få tre poeng og ei scoring, sa Bergmann Sigurdarson til TV 2 like etter kampslutt.

Før pause kunne det blitt både 3-, og 4-0, men det var ikkje avgjort då pausesignalet gjekk på Aker Stadion.

Hindra stygge siffer

Vålerenga-trenar Kjetil Rekdal gjorde to bytte i pausen – til lite hjelp. For sjansegaloppen frå heimelaget heldt fram, og det blei etter kvart uforståeleg at 3–0 ikkje blei eit faktum.

For både Bergmann Sigurdarson, Elyounoussi, Flo og Moström fekk enorme moglegheiter.

Berre ein god Taksdal Kongshavn i VIF-buret hindra stygge siffer i opningskampen.

Vålerenga kom til sine to største moglegheiter etter at 80 minutt var passert, men det enda med 2–0 på Aker Stadion – fullt, fullt fortent.

Sivert Heltne Nilsen

Sivert Heltne Nilsen blei rost opp i skyene av Kjetil Rekdal.

Foto: Ekornesvåg, Svein Ove / NTB scanpix

– Berre éin eller to mann tek duellar

Molde-trenar Skullerud var svært godt fornøgd med både tre poeng og spelarane sin innsats. Vålerenga-trenar Kjetil Rekdal var på si side brutalt ærleg direkte på TV 2 etter kampen.

– Slik vi opptrer i første omgang, med berre éin eller to mann som tek duellar, blir det vanskeleg. Sivert Heltne Nilsen er éin av dei, sa Rekdal.

Han er klar på at Vålerenga var budde på eit offensivt Molde, men at laget rett og slett blei for små. Heltne Nilsen, som gjekk frå Hødd til Vålerenga i vinter, er blant dei einaste som får godkjent.

– Vi møter éin av gullfavorittane og har eit nytt lag der mange debuterer. Heltne Nilsen har sin første kamp på nivået og gjer ein «outstanding» kamp. Vi tek med oss mykje lærdom og skal vere betre frå start i neste kamp, sa ein engasjert Rekdal.

Vålerenga-trenaren var vidare klar på at heimelaget vann fullt fortent.

– Vi har nokre sjansar etter pause, men sjølv då er Molde betre. Totalt sett var det klasseforskjell på laga. Molde hadde tosifra med sjansar, medan vi har to-tre.

Siste nytt

  • Lønnskrav kan stoppe Bolt

    Den tidligere stjernesprinteren Usain Bolt (31) håper å spille seg til kontrakt med Central Coast Mariners i A-league, men Australias fotballforbund er skeptisk siden de trolig må betale ca 5,4 millioner kroner av Bolts lønn.

    Usain Bolt smiler med lukkede øyne, hodet bakover og med hendene mot hverandre
    Foto: Gonzalo Fuentes / Reuters
  • Rekordomsetning etter Neymar-salg

    Etter skatt sitter Barcelona igjen med et nettoresultat på 13 millioner euro (123 millioner kroner) etter forrige sesong.Mye skyldes salget av Neymar til PSG 222 millioner euro.

    Barcelona hadde 914 millioner euro i inntekter og utgifter på 882 millioner euro.

    neymar
    Foto: Francois Mori / AP
  • Panamas landslagssjef gir seg

    Hernan Daro Gomez avslutter sin tid som Panamas landslagssjef etter landets VM-debut i Russland.

    – Russland 2018 var starten. Jeg oppfylte løftet om å føre landet til sitt første VM. Og det vil for alltid ha en plass i hjertet mitt, skrev landslagssjefen.

    Hernan Dario Gomez holder en ball
    Foto: Filippo Monteforte / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Sport og musikk
Sport og musikk
Tour de France: 11. etappe
Tour de France: 11. etappe
Sport i dag