Brødrene Bø sikra norsk siger etter Bjøntegaard-kollaps: – Totalt mental sprekk

HOCHFILZEN/OSLO (NRK): Brødrene Bø redda Norge sin ære og sikra norsk siger på stafetten etter at Erlend Bjøntegaard kollapsa på standplass.

SPURTEN: Her går Johannes Bø inn og vinn stafetten for Norge.

– Fire bom er ein totalt mental sprekk. Har ikkje så mykje meir å sei. Eg var ikkje til stades i det heile. Trakk av før eg sikta, sa Bjøntegaard til NRK etter målgang.

Alt ved vekslinga med Johannes Dale vart det utfordringar og det såg ut som at han ikkje fekk med seg at lagkameraten kom inn til veksling.

– Eg var tydelegvis ikkje våken. Utruleg kjedeleg, og er veldig lei meg, sa Bjøntegaard.

Johannes Bø

STERKT: Johannes Bø kan juble etter å ha spurta Norge inn siger på stafetten i Tyskland.

Foto: Georg Hochmuth / AFP

Men brørne Bø leverte både på standplass og i sporet. Og til slutt kunne Johannes Bø spurte inn til siger føre Tyskland.

– Dette er noko av det artigaste eg har vore med på, sa Tarjei Bø og smilte frå øyre til øyre.

Og veslebror Johannes var minst like glad etter nok ein sterk prestasjon i løypa, sjølv om det kosta på slutten.

– Eg var heilt ferdig. Det er berre hjernen som heng seg på stavane over siste kulen. Og då skjønte eg at dette kunne gå, fortalde Johannes.

Full kollaps på skytinga

Norge starta eigentleg stafetten godt då Johannes Dale leverte fullt hus på sine to skytingar på den første etappen. Han gjekk også godt i sporet. Dermed kunne han sende Erlend Bjøntegaard ut i leiinga før Frankrike og Canada.

Austria Biathlon World Cup

JUBEL: Johannes Bø vart løfta opp av lagkompisane sine etter ny norsk stafett-siger.

Foto: Kerstin Joensson / AP

Både Frankrike, Sverige, Russland og Tyskland bomma grovt på den første skytinga, men henta seg inn att på den ståande skytinga.

Men i det alt gjekk på skjener for Norge blei det total kollaps på Bjøntegaard på første skyting. Fire bom og ein strafferunde snudde raskt opp ned på resultatlista. På ståande skyting måtte han nytte seg av to ekstraskot.

Han gjekk ut frå standplass 40 sekund etter teten.

– Det har vore mange konkurransar no. Eg har ikkje ei kjempegod forklaring. Eg var ikkje meg sjølv på skytebana, svarte Bjøntegaard.

Austria Biathlon World Cup

TUNGT: Erlend Bjøntegaard hadde ein tung dag på standplass og måtte ut på strafferunde etter fire bom på første skyting.

Foto: Kerstin Joensson / AP

Tarjei Bø skaut perfekt på første skyting og tok rakst opp jakta på teten. Johannes var rundt 40 sekund bak Tyskland ut på siste etappe. Han leverte feilfri skyting på liggande. På siste skyting bomma Tyskland, men det gjorde også Bø. Men han leverte i sporet og kunne gå først over målstreken etter å ha henta meter på meter på kvart stavetak.

– Eg drøymde om å ta han att. Eg henta fem sekund på rundane, men trudde at 13 sekund kanskje var litt mykje.

Etter at sigeren var sikra var det også ein letta Bjøntegaard som feira og takka sine lagkompisar.

– Eg er heldig som får vere på lag med desse tre gutane som gjere fantastiske etappar. No er brått ting litt betre.

Dette var den andre stafettsigeren til dei norske skiskyttarane i år. Dei vann suverent over Frankrike i den første stafetten i Östersund tidlegare i vinter, slik dei også gjorde under VM i skiskyting i mars i fjor.

Laster innhold, vennligst vent..

Siste nytt

  • Basket-legenden Kobe Bryant er død

    Det skriver det amerikanske nettstedet TMZ. Politiet i Los Angeles bekrefter på Twitter at fem mennesker har omkommet i en helikopter-ulykke søndag. Ifølge nettstedet TMZ er Kobe Bryant en av disse fem personene. Det melder også kilder til ESPN. Bryant ble 41 år gammel og spilte hele sin NBA-karriere for Los Angeles Lakers, hvor han vant hele fem NBA-titler.

    Former NBA player Bryant attends a community screening for the film "Just Mercy" in Los Angeles
    Foto: Mario Anzuoni / Reuters
  • Ødegaards Sociedad knuste Mallorca

    Martin Ødegaard og Real Sociedad vant 3–0 over Mallorca i La Liga søndag. Svenske Alexander Isak sendte hjemmelaget i ledelsen helt i starten av andreomgang. Et selvmål av Fran Gamez sørget for at det stod 2–0 til Real Sociedad. Ødegaard smelte til etter 81 minutter, og på returen sørget Christian Portu for 3–0. La Real er nå bare to poeng unna fjerdeplassen som gir mulighet for mesterligaspill.

    -
    Foto: Ander Gillenea / AFP
  • Liverpool må ha omkamp

    Liverpool gav bort tomålsleiing og greidde berre 2-2 mot Shrewsbury frå nivå 3 i fjerde runde av FA-cupen. Det betyr omkamp om ti dagar.

    Curtis Jones scora tidleg, og Shrewsbury laga sjølvmål få sekund etter pause.

    Men så sette Shrewsbury inn Jason Cummings, og han scora to gonger - det første på straffe.

    Det blir dermed omkamp på Anfield, og det er nok Shrewsbury mest nøgd med.

    Jason Cummings, Shrewsbury
    Foto: Carl Recine / Reuters

Sendeplan

Kl. Program Kanal