Peter Sagan vann spurten etter at brotet til Breen blei henta rett før mål. Der var slovaken overlegen, og leika seg til siger.
Med det overtek han også både den grønne og gule trøya.
– Det er første gong i livet mitt med gul trøye. Det er heilt utruleg, sa Sagan i sigersintervjuet.
OVERLEGEN: Ein skikkeleg maktdemonstrasjon av Peter Sagan førte til både gul og grøn trøye.
Foto: Peter Dejong / ApSagan sjølv var ikkje klar over at han vann før etter han kom i mål.
– Eg er overraska over at eg vann. Eg trudde det var to til framfor meg. Men so byrja folk å sei at eg vann.
Og det såg lenge ut til å bli brotsiger på den andre etappen av Tour de France.
Fortuneo-Vital Concept-rytteren Vegard Breen gjekk kom seg tidleg med i eit firemannsbrot. 26-åringen frå Eidsvoll, som er debutant i Tour de France, har to sigrar i UCI-ritt med seg frå før. Den siste kom i Ronde de l'Oise 2013.
– Det var kjedeleg å bli teken att. Det kom nokre glosar då, seier Breen.
– Ingen saft igjen i beina
Hovudfeltet viste lenge ingen initiativ til å ta inn leiinga, som på det meste var oppe i seks og eit halvt minutt. Med seg i brotet hadde Breen Cesare Benedetti, Paul Voss og Jasper Stuyven.
IMPONERTE: Vegard Breen imponerte i dagens etappe av Tour de France.
Foto: JEFF PACHOUD / Afp– Eg hadde trua på at det skulle gå inn. Eg køyrte hardt i heile dag, og prøvde å holde unna.
Før start, hadde Breen ein klar tanke om kva han skulle på dagens etappe.
– I dag er planen brot
Det hadde vore planen til Breen i fleire månadar.
– Løypene blei lagt ut for nokre månader sidan, og eg blinka meg ut denne etappen. Det kunne vere moglegheiter til siger. Det sa Breen til TV 2 rett etter målgang.
– Det tok tid før hovudfeltet byrja å køyre, og me var dumme nok til å tru at me hadde moglegheiten til å halde inn.
Og den heltemodige innstasen set nok spor for nordmannen.
– Eg kjem til å kjenne denne i eit par dagar. No er det ikkje meir saft igjen i beina.
Tok det rolig siste bakken
Alexander Kristoff seier til TV 2 at han raskt slo frå seg tanken om å kjempe om sigeren opp den siste bakken. Han prøvde heller å hjelpe lagkamerat Joaquin Rodriguez, samt spare krefter.
– Eg køyrte roleg siste bakken, har spart bittelitt krefter. I morgon er eg klar.
Korkje Edvald Boasson Hagen, Sondre Holst Enger eller Alexander Kristoff nådde heilt opp i spurten.
