NRK Meny
Normal

Boksar døydde etter knockout

Den mexikanske proffboksaren Oscar Gonzalez pådrog seg store hovudskadar i kampen mot Jesus Galicia laurdag. Måndag ettermiddag døydde han som fylgje av skadane.

Det var i den tiande runden at fjørvektaren Oscar Gonzales gjekk på eit knockout-tap mot Jesus Galicia laurdag kveld i Mexico. Gonzalez vart frakta til sjukehuset med kraftige blødingar i hjernen.

Måndag ettermiddag døydde boksaren av skadane. Han vart 23 år.

– Slike ting skjer

– Ingen ventar slike ting skal skje i ringen, men det gjer det, sa boksepromotor i Canelo, Jose «Chepo» Reynoso, til ESPN.

– Sjølv om me ikkje var der under kampen, veit me at Oscar fekk den beste behandlinga på sjukehuset både før og etter han døydde, legg Reynoso til.

Gonzalez var favoritt i oppgjeret mot landsmannen Galicia. Men kampen om den regionale tittelen i fjørvekt i regi av proffbokseforbundet WBC, fekk verst tenkjeleg utfall.

Kollapsa

Ein tøff kamp enda med knockout i den tiande runden. Dommar Rafael Saldana skilde partane frå kvarandre, men Gonzalez måtte ha hjelp frå dommaren for å halda seg på beina. Etter kort tid kollapsa boksaren med kallenamnet «Fantasma».

Medisinsk personell kom raskt til og boksaren vart flytta vekk frå ringen. 23-åringen låg 36 timar på intensivavdelinga ved Hospital Espanol i Mexico City – men livet stod ikkje til å redda. Han hadde kone, foreldre, brør og andre slektningar rundt seg.

Sidan boksekampen var om ein regional WBC-tittel, vil familien motta 50.000 dollar frå eit forsikringsselskap.

Siste nytt

  • Curling-tap mot Sveits

    Thomas Ulsrud og hans lag tapte 6-8 for vertsnasjonen Sveits i andre kampe i curling- EM. Tidlegare i dag opna Norge med 11-3 over Russland.

    Neste kamp går mot Nederland søndag.

Sendeplan

Kl. Program Kanal