Slik skal Tarjei Bø prikke inn formen mot karrierens høgdepunkt: OL-gull

Tarjei Bø reknar med at han frå mai og fram til OL vil vere på reisefot meir enn 200 døgn. Det skal munne ut i hans aller første individuelle OL-gull.

Tarjei Bø si eiga skisse over formutviklinga fram mot OL

FRAM MOT OL: Slik ser Tarjei sine eigne planar fram mot OL ut på papiret – med hans eigne blyantstrekar.

Foto: Rune Fossum / NRK

– Eg blir nok mykje borte – eg tippar over 200 reisedøgn frå mai til februar. Men det må til for å lykkast, seier Tarjei Bø.

Han har sett seg ned med NRK.no, og teiknar og forklarer korleis han ser for seg satsinga si fram mot OL i Sotsji. Der er planen å ta sitt aller første individuelle OL-gull – det einaste han manglar i premiesamlinga.

– OL skjer berre kvart fjerde år, og då må ein nytte sjansen når ein har den, seier Bø.

Er viktig å treffe med OL-forma

Han er godt nøgd med korleis denne sesongen enda. Etter å ha slite med sjukdom under oppkøyringa, vart det januar før han fekk debutere i verdscupen.

Likevel: Det vart tre gull i VM. Og han avslutta med verdscupsiger i Holmenkollen.

– Sist det var OL, var eg læregut. Det vart gull på stafetten. Men no er det litt annleis. Eg skal vere blant dei beste, og lista ligg høgare, forklarer Bø.

– Og ettersom det er fire år til neste OL, synest eg det vil vere lenge å vente på neste gullsjanse. Det er viktig å finne forma til rett tid, understrekar han.

Tarjei Bø skal ha 200 reisedøgn fram mot OL i Sotsji

PAKKAR TRENINGSBAGEN: Tarjei Bø reknar med å ha over 200 reisedøgn fram mot OL. Her pakkar han bagen på hotellrommet under NM på Dombås.

Foto: Rune Fossum / NRK

OL-løypene som skapt for Bø

NRK-ekspert Halvard Hanevold trekkjer fram 24-åringen frå Stryn som ein av kandidatane til å stikke av med OL-gull. Han kan sjølv slå i bordet med OL-gull frå Nagano i 1998.

– Med to VM-gull frå før, har jo Tarjei vist at han kan vinne store konkurransar, seier han til NRK.no.

– Eg trur det blir avgjerande at han skaffar seg eit betre treningsgrunnlag enn fram mot VM i år. Det å halde seg frisk og få gjort eit godt grunnarbeid treningsmessig blir veldig viktig.

Hanevold legg til:

– Løypene i Sotsji passar Tarjei bra. Det er veldig mykje padling og tøffe løyper der. Om han har grunnforma inne, burde løypene passe han teknisk bra.

Må trene meir i høgda

Tarjei Bø har tidlegare vist at han er god på å treffe med forma under meisterskap. Det er ein viktig faktor bak dei to individuelle VM-gulla han har sikra seg – seinast i vinter.

Under NM på Dombås denne helga la han planane for satsinga fram mot OL i Sotsji.

– Oppkøyringa i år vart jo veldig spesiell, og eg fekk gjort lite høgdetrening. Det blir mykje meir inn mot OL, ettersom konkurransane skal gå føre seg på 1500 meters høgde, seier Bø.

HØYR TARJEI BØ FORKLARE FORMKURVEN FRAM MOT OL:

Varslar kynisme siste månaden

Fram mot OL har stryningen planar om å trene litt mindre enn tidlegare. Han vil likevel komme opp i 800 treningstimar på den fysiske biten, men målet er å ha meir overskot for å unngå sjukdom.

– Korleis ser du for deg formutviklinga mot OL?

– Mykje handlar om å få ein problemfri sommar og haust, slik eg ikkje fekk i fjor. Eg har lyst til å opne sesongen på eit høgt nivå fram mot jul. Så vil eg nok nedprioritere dei siste konkurransane fram mot OL.

– Den siste månaden vil eg vere kynisk med tanke på OL, seier Bø.

– Vil gjerne vinne over draumane mine

OL-gullet på stafetten for tre år sidan var samstundes det første OL-gullet til Sogn og Fjordane nokon gong. Skulle Tarjei Bø også klare eit individuelt gull, vil det overgå alle andre prestasjonar i heimfylket hans.

Odd-Bjørn Hjelmeset vart ståande med OL-sølv på stafett og individuell bronse på femmila.

– Klart det hadde vore veldig spesielt. Men eg skal innrømme at eg gjer det mest for meg sjølv. Eg vil gjerne vinne over mine eigne draumar, seier Tarjei Bø.

Tarjei Bø på sprinten under NM på Dombås

NEDTUR I NM: Tarjei Bø var ikkje på sitt beste under NM på Dombås, og måtte sjå veslebror Johannes slå han både på sprinten og jaktstarten.

Foto: Rune Fossum / NRK

Siste nytt

  • Bayern trener får tre nye år

    Hansi Flick får fornyet tillit og har signert en ny kontrakt som hovedtrener i den tyske klubben Bayern München- fram til sommeren 2023.

    Flick ble Bayern München-trener som en mellomløsning da Niko Kovac fikk sparken i november.

    Bundesliga - Bayern Munich v FC Augsburg
    Foto: Michael Dalder / Reuters
  • Ugyldig hyttetillatelse

    Nils Jakob Hoff og kjæresten Therese Johaug har ifølge VG oppholdt seg på en hytte på Sjusjøen etter at hytteforbudet fra myndighetene kom på plass.

    Hoff skriver i en e-post til VG at han for tiden er i en turnustjeneste på et legekontor i Lillehammer, og at han hadde søkt om tillatelse til at han og Johaug kunne bo på hytta som befinner seg på Sjusjøen. Søknaden ble innvilget av kommunen.

    Hytta på Sjusjøen ligger ikke i Lillehammer kommune, men i Ringsaker kommune. Dermed er tillatelsen ugyldig.

    Hytteforbudet tillater ikke kommunene å gi dispensasjon til å bo på hyttene sine.

    – Der har både vi og han tatt feil. Vi har gjort en feil og oppdaget den ikke, sier kommunikasjonssjef Kjersti Morset i Lillehammer kommune

    – Som en beklagelse, og i solidaritet med alle som har ofret og mistet i denne tiden, har vi derfor donert 15.000 kroner, svarende til boten for å bryte hytteloven, til Røde Kors. Vi handlet i god tro, og det var aldri vår intensjon å ikke bidra til vår felles dugnad, sier Hoff til VG

    Therese Johaug og kjæresten Nils Jakob Hoff i 2016.
    Foto: Berit Roald / NTB scanpix
  • Premier League utsatt igjen

    Den øverste divisjonen i England er utsatt på ubestemt tid. Det bekreftes i en pressemelding fra Premier League.

    Premier League vil starte opp igjen når det er trygt å spille fotball igjen forteller dem i pressemeldingen.

    Kampene ble i første omgang utsatt til 4. april. Det tok imidlertid ikke lang tid før man ble enige om å vedta en ytterligere pause til 30. april. Nå er den som nevnt utsatt igjen på ubestemt tid.

    Mesut Özil
    Foto: Stuart MacFarlane / Arsenal FC via Getty Images

Sendeplan

Kl. Program Kanal