NRK Meny
Normal

Bø om fiaskoen: – Eg er inne i ein vond sirkel

RUHPOLDING (NRK): For Johannes Thingnes Bø har sesongen vore ein gigantisk og uforklarleg nedtur. Likevel tør han å snakke om VM-gull i Holmenkollen.

Johannes Thingnes Bø endte på 64. plass på dagens sprint. Den fortvilede skiskyteren får dermed ikke gå lørdagens jaktstart.

SØNDERKNUST: Johannes Thingnes Bø etter 64.-plassen i Pokljuka.

Norges mestvinnande skiskyttar dei to siste åra oppsummerer sesongens innsats slik:

– Dårleg.

Johannes Thingnes Bø har ikkje vore til å kjenne igjen i konkurranse i vinter.

I mars 2015 blei han Norges einaste gullvinnar i VM.

I desember sank han sønderknust saman etter 64.-plass i verdscupen i Pokljuka, og nekta å snakke med media.

– Då ville eg ikkje snakke med nokon. Eg trengte tid for meg sjølv. Eg har høge forhåpningar. Då blir skuffelsen endå større når det går dårleg, seier han.

Vanskeleg

22-åringen har vore langt unna gammal form.

Gjelland i Torsby

TRUR DET SNUR: Landslagstrenar Egil Gjelland.

Foto: Anders Rove Bentsen

– Eg er inne i ein vond sirkel som er vanskeleg å komme seg ut av. Eg tenker nok meir enn nødvendig.

– I fjor hoppa eg rundt og tenkte ikkje konsekvensar. Det er vanskeleg å forklare kvifor det ikkje er sånn no, seier Thingnes Bø.

På sesongens seks første individuelle renn har 22-åringen bomma 23 gangar. Pallen har han ikkje vore i nærleiken av (6. plassen i Östersund eit lite unntak).

Daniel Braaten

OGSÅ VARIABEL: Tidlegare landslagsspelar Daniel Braaten.

Foto: Jens Dresling / Ap

Til samanlikning har Ole Einar Bjørndalen berre ti bom på dei same renna.

Fascinert av statistikken

Landslagstrenar Egil Gjelland er litt fascinert av veslebror Bøs høge toppnivå og ekstreme bånnpunkt.

– Det er berre å sjå på statistikken. Enten vinn han eller så blir han nummer 20. Han har ingen pallplasseringar utanom førsteplassar, seier Gjelland.

Ikkje ulikt tidlegare landslagsspelar i fotball, Daniel Braaten, som er kjent for sitt ekstremt varierande nivå frå best i den eine kampen til totalt anonym i den neste.

– Spør meg igjen når eg er 30 år. Dersom det fortsatt er sånn er eg skiskytingas Daniel Braaten, men eg har heldigvis eit par sesongar på meg, seier 22-åringen.

Gull under VM på hjemmebane i Oslo er fortsatt målet for kronprinsen i norsk skiskyting. Men Johannes Thingnes Bø innrømmer at han har vært langt nede hittil i sesongen.

Gullambisjonar

Landslagstrenar Gjelland trur det bare er eit tidsspørsmål før VM-vinnaren frå Kontiolahti er tilbake der han var i mars i fjor.

– Han har gjort ein veldig god jobb i jula. Eg trur vi kjem til å sjå ein annan Johannes her i Ruhpolding enn den utgåva vi såg før jul, seier Gjelland.

– Målet er gull. Ting snur raskt og det er fortsatt ei stund igjen til VM, seier Johannes Thingnes Bø.

Siste nytt

  • Grei trekning for Lillestrøm

    Arne Erlandsen og Lillestrøm unngikk storkanonene i 2. kvalifiseringsrunde til Europaligaen. Kanarifuglene skal ut mot østerrikske LASK Linz. Lillestrøm spiller bortekamp 26. juli, mens returoppgjøret på Åråsen går 2. august.

    Lillestrøm-trener Arne Erlandsen
    Foto: NRK
  • Burchnall tar over Østersund

    Tidligere Viking-trener Ian Burchnall tar over Østersund. Klubben jakter fortsatt etter ny hovedtrener, og Burchnall har fått det midlertidige ansvaret.

    Burchnall tar over etter Graham Potter, som nylig ble presentert i Swansea.

    Ian Burchnall
    Foto: Carina Johansen / NTB scanpix

Sendeplan

Kl. Program Kanal
FIFA Fotball-VM 2018: Iran - Spania