NRK Meny
Normal

Bjørndalen irritert etter sterk pallplass

POKLJUKA/OSLO (NRK.no): Ole Einar Bjørndalen (40) gjekk inn til ein sterk tredjeplass på jaktstarten i Pokljuka laurdag. Likevel var ikkje perfeksjonisten heilt fornøgd ...

Ole Einar Bjørndalen ble beste nordmann med en tredjebplass under dagens jaktstart i Pokljuka.

Ole Einar Bjørndalen bomma to gonger på jaktstarten i Slovenia laurdag.

– Det var frykteleg tungt i dag. Eg hadde veldig gode ski, men fysisk var det ingen god dag, seier ein litt forarga 40-åring til NRK etter tredjeplassen.

Anton Shipulin, Bjørn Ferry, Ole Einar Bjørndalen

Vinnar Anton Shipulin (i midten), Bjørn Ferry (t.v.) og Ole Einar Bjørndalen etter jaktstarten laurdag.

Foto: Darko Bandic / Ap

Løpet blei vunne av Anton Shipulin, medan Bjørn Ferry blei nummer to 8,6 sekund bak. Ole Einar Bjørndalen gjekk inn til tredjeplass 27,4 sekund bak Shipulin.

På sprinten torsdag var det Ferry som var sterkast, følgt av Shipulin. Bjørndalen blei nummer seks.

– Det var langt betre fysisk på torsdag, men skytinga var bra i dag. Eg var på hogget og hadde kontroll, men var for sliten i kroppen, fortel Bjørndalen.

Jaga tysk motstand

I tillegg til Ferry og Shipulin var det tre mann framfor Bjørndalen ut på jaktstarten laurdag. I tillegg følgde Martin Fourcade like bak.

Bjørndalen starta 17 sekund bak Ferry, men inn til første skyting hadde superveteranen henta inn nokre små sekund. Så følgde han opp med fem blinkar rett ned.

Nordmannen gjekk ut som nummer to, 9,8 sekund bak tyske Arnd Peiffer.

40-åringen kom inn til andre skyting saman med seks andre mann, berre Peiffer var framfor. Det blei derimot éin strafferunde ut frå andre skyting, og Bjørndalen veksla som nummer fire.

– Eg hadde éin bom på liggande som eg såg var grov, seier Bjørndalen.

Ole Einar Bjørndalen

Bjørndalen måtte ut i to strafferunder på jaktstarten laurdag. Det heldt likevel til tredjeplass. Her frå sprinten torsdag.

Foto: Darko Bandic / Ap

Iskald på tredje, men ...

Bjørndalen hadde ikkje ein optimal dag i sporet og hadde tapt litt inn til tredje skyting. På sjølve skytinga var han derimot iskald.

Med fullt hus veksla han som nummer tre, berre to russarar Shipulin og Dmitry Malyshko var framfor. Bjørn Ferry gjekk ut like bak Bjørndalen.

Før fjerde skyting hadde svensken henta inn Bjørndalen, og på siste skyting var han også hakket betre.

Medan Ferry og Shipulin skaut fullt, måtte Bjørndalen ut i éin strafferunde. Malyshko bomma derimot to gonger.

– Eg var litt sløv på eitt skot, slår 40-åringen fast.

I mål var Bjørndalen 13,6 sekund framfor Malyshko, trass i at russaren hadde gått ut berre 3,8 sekund bak etter siste skyting.

Ole Einar Bjørndalen

Trass i misnøye med eigen fysisk form, jubla Bjørndalen for tredjeplass.

Foto: Darko Bandic / Ap

– Ikkje god opplading

Etter løpet var ikkje Bjørndalen sur, men han var sliten.

– Eg var veldig trøytt etter å ha sove dårleg i det siste. Det har ikkje vore ei god opplading. Det eg gjer på standplass er derimot veldig bra, eg er i veldig god skyteform. Eg veit kva eg skal gjere heile tida, seier han til NRK.

Trass i litt misnøye med at det fysiske ikkje var optimalt, seier Bjørndalen at tredjeplass er veldig fint.

– Eg er godt fornøgd med det, fortel han.

No håper Bjørndalen at han får sove skikkeleg før fellesstarten søndag.

På jaktstarten laurdag blei Emil Hegle Svendsen nest beste nordmann på 19.-plass, 2:23,8 bak. Tarjei Bøe blei nummer 23, medan Johannes Thingnes Bøe blei nummer 27.

Siste nytt

Sendeplan

Kl. Program Kanal
EM feltritt: Sprangridning
EM feltritt: Sprangridning
EM feltritt: Sprangridning
Friidrett: Diamond League fra Birmingham
Friidrett: Diamond League
Friidrett: Diamond League
4-4-2 Radiosporten
4-4-2 Radiosporten
Radiosporten følger den 20.runden av Eliteserien
4-4-2 Radiosporten
4-4-2 Radiosporten