NRK Meny
Normal

Bjørndalen skal bere det norske flagget

Først skal han avslutte med herrestafett seinare i dag laurdag, men søndag går Ole Einar Bjørndalen fremst under avslutningsseremonien. Tidenes vinterolympiar skal bere det norske flagget.

Ole Einar Bjørndalen

Ole Einar Bjørndalen blir Noreg sin flaggberar under avslutningsseremonien søndag kveld. Her poserer han med sine to OL-gull så langt i Sotsji. Laurdag kan det bli medalje nummer tre på stafetten.

Foto: Junge, Heiko / NTB scanpix

– Det er ei stor ære å bli spurt om å bere flagget. Sidan dette er mitt siste OL blir det heilt spesielt å avslutte OL-karrieren med å bere flagget framfor den norske troppen, seier Ole Einar Bjørndalen via den norske delegasjonen i Sotsji.

Bjørndalen fekk spørsmål om å vere flaggberar allereie under opningsseremonien fredag 7. februar, men takka nei fordi han skulle førebu seg på best mogleg vis til skiskyttarsprinten laurdag.

Dagen etter opningsseremonien tok han sitt sjuande OL-gull då han vann nettopp sprinten. Etter gull nummer to på mixed-stafetten blei han tidenes vinterolympiar.

No skal han altså gå fremst med det norske flagget under avslutningsseremonien søndag.

Tore Øvrebø

Tore Øvrebø sparar ikkje på superlativa når han omtalar Bjørndalen.

Foto: Junge, Heiko / NTB scanpix

– Vemodig og flott

Bjørndalen har delteke i seks OL frå 1994 og fram til Sotsji i 2014. I dag laurdag avsluttar han OL-karrieren med skiskyttarstafett.

– Eg har vore stolt av å få representere Noreg i seks OL, og har utruleg mange gode minne som norsk OL-deltakar. Det blir nok både vemodig og flott å avslutte OL-karrieren på denne måten, seier 40-åringen, som torsdag blei vald inn i IOC.

Toppidrettssjef Tore Øvrebø slit ikkje med å finne superlativ når han omtalar Bjørndalen, og er glad for at det er superveteranen som skal vere flaggberar.

– Den norske OL-troppen hadde ein flott representant i Aksel Lund Svindal som flaggberar under innmarsjen. Dette flotte OL, sett med norske auge, blir avslutta med Ole Einar Bjørndalen som flaggberar, seier Øvrebø.

Han meiner Bjørndalen har gjennomført eit eventyr av eit OL, og Øvrebø gler seg over at skiskyttaren blei vald inn i IOC som utøvarrepresentant.

– Ole Einar er ein uendeleg god representant for norsk toppidrett og det blir ei ære å gå bak han på avslutningsseremonien, avsluttar Øvrebø.

Beklager, vi kunne ikke vise innholdet.
Se «Skiskyting menn, 4x7,5 km stafett» i nytt vindu

Siste nytt

  • Tåke stoppet Solbakken og FCK

    Slik så det ut i andre omgang mellom Ståle Solbakkens FC København og tsjekkiske Zlin i Europaligaen torsdag. Til slutt var det så dårlig sikt på grunn av tåke at dommeren stoppet kampen på stillingen 1-1, etter 62 minutter.

    FC København
    Foto: David W Cerny / Reuters
  • Nytt tap for Jarstein

    Rune Almenning Jarstein og Hertha Berlin skal få det hardt med å gå videre i europaligaen. Torsdag kom det andre tapet på tre kamper da det ble 2-1 borte mot Zorya Lugansk.

    Rune Almenning Jarstein
    Foto: Axel Schmidt / Reuters
  • Graabak sliter – dropper samling

    Tidligere OL-vinner Jørgen Graabak får ikke kroppen til å fungere. Nå har 26-åringen droppet et planlagt høydeopphold med kombinertlandslaget og reist hjem for å finne ut hva som er galt, ifølge Adresseavisen.

    Jørgen Graabak
    Foto: Lise Åserud / NTB scanpix

Sendeplan

Kl. Program Kanal