Bjørgen: – Det begynner å bli tungt å ta på sokkar og sko

ULLEVAAL (NRK): Marit Bjørgen er sju månader på veg, men trenar framleis 15 timar i veka. Nå er det største problemet å få på seg sko og sokkar om morgonen.

Bjørgen på kickoff

GOD FORM: Marit Bjørgen viste seg med ein stadig veksande mage på Skiforbundets kickoff, der ho blei intervjua av Bård Tufte Johansen.

Foto: Ruud, Vidar / NTB scanpix

– Eg kjenner meg ikkje akkurat som ein toppidrettsutøvar når det begynner å bli tungt å ta på sokkar og sko, seier Marit Bjørgen med eit smil.

Ho er sju månader på veg og er i motsetning til alle utøvarane rundt på Skiforbundets vinter-kickoff ikkje smånervøs med rundt ein månad igjen til sesongstart.

Marit Bjørgen på kickoff

INGEN MÅLSETNING: Ho håpar å trene så lenge som mogleg, men Marit Bjørgen tørr ikkje å ha målsetning om kor lenge ho kan trene. Framleis trenar ho 15 timar i veka.

Foto: Ruud, Vidar / NTB scanpix

Håpar å trene heilt til fødselen

Men med ei veke som framleis inneheld 15 treningstimar er Bjørgen framleis langt meir toppidrettsutøvar enn folk flest. Også nå har 35-åringen intervalløkter kvar veke.

– Eg er jo frisk og fin. Det er ikkje vits å legge seg på sofaen så lenge ein føler seg fin og i god nok form til å trene, seier Bjørgen.

Og slik kjem det til å fortsette ei god stund til. I slutten av desember er terminen for Bjørgen og sambuar Fred Børre Lundbergs fyrste barn og den vordande mor ser ikkje for seg å kutte ut treninga før fødselen.

– Rart å sjå jentene reise

– Noko målsetning for kor lenge eg skal trene har eg ikkje. Det trur eg er viktig. Men eg har snakka med fleire som har trent den dagen dei fødde. Det viktigaste er å lytte til kroppen og ta signala som kjem. Det skjer jo store endringar med kroppen, og det på ein hyggeleg måte når det veks ein liten gut der inne.

– Er namnet bestemt?

– Nei, det har me ikkje klart å bestemme oss for ennå, smiler Bjørgen som skryter av oppfylginga ho får frå Olympiatoppen.

– Den er veldig god, eg får meir oppfylging enn i eit normalt svangerskap, blant anna fleire ultralydar for å sjekke at alt er bra.

Og det har heldigvis ting vore til no. Bjørgen har delteke på alle landslagets samlingar i sommar og haust. Men når lagvenninnene reiser til Val Senales for å trene på breen der til veka, er det utan skidronninga sjølv.

– Må jo seie det er rart når dei reiser til Val Senales utan meg. Men eg gler meg til å fylgje jentene til vinteren så får me sjå om det kriblar eller ikkje, smiler verdas beste langrennsløpar nå kanskje også verdas best trente gravide idrettsutøvar.

Siste nytt

  • Carlsen imponerte - til semifinale

    Magnus Carlsen vant begge minikampene mot Wesley So tirsdag ettermiddag, og gikk dermed videre til semifinale i nett-turneringen som varer frem til 3. juni.

    I semifinalen skal Carlsen spille mot amerikanske Hikaru Nakamura.

    Turneringen er del av en sjakk-tour som Magnus Carlsen er med å arrangere. Vinneren av turneringen får med seg 450.000 dollar.

    1D_QdRP7-Q4
    Foto: Heiko Junge / Heiko Junge
  • Haaland fra start mot Bayern

    Erling Braut Haaland starter på topp i tirsdagens «Der Klassiker» mot Bayern München. Mats Hummels, som lenge var usikker, er på plass i midtforsvaret.

    Laster Twitter-innhold
  • Suspendert etter juks i billøp

    Tyske Daniel Abt ble suspendert fra sitt racinglag etter at han ble tatt for juks i helgen.

    Under det virtuelle formel E-løpet søndag ble Abt tatt i å la en profesjonell videospiller spille i stedet for ham. Tyske Bild hevder Abt har fått sparken.

    Daniel Abt
    Foto: Marco Ugarte / AP

Sendeplan

Kl. Program Kanal