Her sit Kowalczyk med ispose etter Bjørgen-siger

Med god hjelp av Kikkan Randall åt Marit Bjørgen inn store delar av Justyna Kowalcyks samanlagtforsprang på sprinten i Toblach. Etterpå måtte erkerivalen hastefryse eit hovent kné.

Bjørgen

Kowalczyk måtte behandle det vonde knéet etter at Marit Bjørgen hadde sigra i sprintfinalen.

– No skiljer bare 4,8 sekund i samandraget. Det er ingenting. Alt er mogleg no, seier ei smørblid Bjørgen til NRK.

Det heile blei avgjort då Bjørgen fossa opp siste bakken i sprintfinalen. Der skaffa ho seg eit godt forsprang som erkerivalen Justyna Kowalczyk aldri klarte å ta igjen.

– Målet var å vere før Kowalczyk før siste bakken. Det klarte eg, seier Bjørgen.

VIDEO: Sjå den dramatiske sprintfinalen om igjen (artikkelen held fram!)

Video Bjørgen nummer 1

SJÅ VIDEO: Bjørgen suveren i sprintfinalen.

Randall stal andreplassen

Ved målpassering kunne Bjørgen juble for sin tredje siger i årets Tour de Ski. No har ho like mange som den polske hovudmotstandaren.

Amerikanske Kikkan Randall stal andreplassen framfor Kowalczyk, som halsa seg inn til 3. plass.

– Dette var veldig viktig for meg. Kowalczyk var sterk i dag også. Det var bra å få Kikkan mellom oss. Det er utruleg tett no, seier Bjørgen.

Dagens resultat gjer samanlagtstillinga tettare og tettare. 4,8 sekund eit minimalt forsprang for Kowalczyk framfor 15-kilometeren torsdag.

Kowalczyk med ispose

Måndag meldte den polske nettavisa Gazeta at Kowalczyks kné var særs hovent og at polakkens lege frykta at Tour-leiaren måtte bryte konkurransen.

Sjølv avviste Kowalczyk at situasjonen var så alvorleg som den polske avisa ville ha det til.

Men det er tydeleg at knéplagene er tilstades. Straks etter sprinten onsdag måtte polakken setje seg ned etter løpet, og kjøle ned det hovne knéet med ispose.

Klem til Randall - kun handhelsing til Kowalczyk

Randall

Slik reagerte Marit Bjørgen etter at Kikkan Randall kapra andreplassen på sprinten i Toblach.

Bjørgen uttrykte stor glede over Randalls andreplass, og feira med å gje amerikanaren ein klem.

Like idyllisk var det ikkje då det norske skiesset skulle takke Kowalczyk for konkurransen.

Bjørgen og Kowalczyk er kjend for å ha eit anstrengt forhold til kvarandre, noko som kom tydeleg fram då dei bare gav kvarandre ei enkel handhelsing i målområdet.

– Du gjev Kikkan ein god klem i målområdet, men Kowalczyk får ikkje. Hadde du bare ein klem å gje i dag?

– Kikkan ga jo meg ein klem, men eg takka ho sjølvsagt for at ho blei nummer to, seier Bjørgen.

VIDEO: Isfront mellom Kowalczyk og Bjørgen

Video Isfront mellom Bjørgen og Kowalczyk

Isfront mellom Bjørgen og Kowalczyk

Kristoffersen imponerte

Også Marthe Kristoffersen overraska stort. 22-åringen kjempa seg til finale. Der blei det riktig nok ein liten nedtur:

Kristoffersen hamna desidert sist i feltet på 6. plass, 8,8 sekund bak Bjørgen.

Siste nytt

  • Arsenal våknet etter pause

    Det gikk mot nok en tam hjemmekamp for Arsenal, men etter pause våknet Pierre-Emerick Aubameyang og scoret to ganger i 3-0-seieren over Newcastle. Bukayo Saka satte inn 2-0-målet.

    Etter 19 kamper ligger Arsenal på 10.-plass med 27 poeng. Laget er ubeseiret på sine fem siste kamper. Newcastle sliter tungt og stuper videre nedover tabellen.

    Arsenal
    Foto: Shaun Botterill / AFP
  • Zlatan fortsetter å score for Milan

    Zlatan Ibrahimovic bidro med to nye scoringer da Milan møtte Cagliari mandag. Svensken er dermed oppe i 12 mål på åtte serie A-kamper denne sesongen. Dette var hans første kamp fra start på sju uker.

    Jens Petter Hauge startet sin tredje strake kamp, og mandag startet han sammen med Ibrahimovic for første gang. Nordmannen ble byttet ut etter 67 minutter, uten å ha markert seg nevneverdig denne gangen.

     Zlatan Ibrahimovic
    Foto: Alberto Pizzoli / AFP
  • Full pott for Sverige og Frankrike

    Sverige, som ledes av Glenn Solberg, går videre til hovedrunden i VM med fire poeng. Det ble klart etter at de snudde den siste gruppespillkampen mot vertsnasjon Egypt, og vant med ett mål.

    I Norges gruppe så dro Frankrike til slutt i land seieren mot Sveits (25-24) , og er dermed gruppevinner. Hvis Norge tar poeng mot Østerrike, er de sikret to poeng inn i hovedrunden.

    Der venter lagene fra gruppe F, hvor Portugal er gruppevinner og også starter med fire poeng.

    Sverige
    Foto: MOHAMED ABD EL GHANY / AFP

Sendeplan

Kl. Program Kanal