NRK Meny
Normal

Forbanna Johaug: – Skia mine pakka seg totalt

LAHTI/OSLO (NRK.no): Det såg lenge ut til å bli sekundstrid mellom Marit Bjørgen og Therese Johaug, men i siste del av løpet stoppa det seg heilt for verdscupleiar Johaug.

Intervju med en veldig skuffet Therese Johaug som endte på tredjeplass på dagens 10-km i Lahti.

SKUFFET JOHAUG: Therese Johaug forklarer kvifor ho tapte så mykje tid på slutten. Reporter: Jørn Lien.

– Akkurat no er det veldig kjipt. Skia mine pakka seg totalt, og eg tapte vel 25 sekund til Marit. Eg er skuffa og lei meg no, eg håpte på minst andreplass, seier Johaug til NRK.

  • Sjå Marit Bjørgens innspurt nedst i artikkelen!

Jenta fra Dalsbygda kjempar ein desperat kamp for å halde på leiinga i verdscupen. Søndag leia ho på Marit Bjørgen til løpet var halvgått – så sa det stopp.

– Det var hardt, og treigare i sporet, men eg hadde svært gode ski og følte meg bra. Eg hadde mykje krefter mot slutten av løpet, fortel Bjørgen etter løpet.

OL-dronninga fra Sotsji regelrett knuste konkurrentane på dei siste kilometerane, Johaug inkludert.

– Eg er veldig fornøgd. I dag var alt perfekt, seier Bjørgen vidare.

Bjørgen og Johaug

Marit Bjørgen (t.h.) og Therese Johaug like etter målgang i Lahti.

Foto: NRK

Johaug tapte ekstra

Marit Bjørgen var suveren i siste del av løpet etter å ha passert bak Therese Johaug heilt fram til 8,4 kilometer.

Då var ho derimot 11,7 sekund framfor Johaug. I mål var forskjellen heile 27,6 sekund.

Dermed var det uansett klart at Bjørgen ville hente inn viktige poeng i verdscupen samanlagt. Så blei det fleire ekstra poeng. For mot slutten av løpet gjekk Charlotte Kalla glimrande, og i mål var Johaug 0,7 sekund bak den svenske jenta.

Etter løpet var Johaug tydeleg frustrert over å miste andreplassen.

– Du fightar for kula til slutt. Nokre poeng her og nokre poeng der blir litt til slutt, legg ho til.

Astrid Uhrenholdt Jacobsen blei nummer fire, 30,1 sekund bak, medan Heidi Weng blei nummer fem, 34,9 sekund bak.

Bjørgen stiller i alle løp

Etter løpet er det framleis firdobbelt norsk i verdscupen samanlagt, men Bjørgen nærmar seg Johaug.

Johaug er i leiinga med 1142 poeng, følgt av Bjørgen på 1002 og Uhrenholdt Jacobsen på 951. Weng ligg på fjerdeplass med 746 poeng.

Det blir framleis tøft å hente inn Johaug, men Bjørgen slår fast at ho skal gi alt for å få det til.

– Eg vil prøve mitt beste og tenkjer å stille i alle løpa som står igjen, slår ho fast.

Det står igjen ein sprint i Drammen, ei tremil i Holmenkollen, same minitour i Falun.

– Det er mange renn igjen og må prøve å få med meg poenga eg kan, seier Therese Johaug.

Bjørgen gjekk inn til suveren siger på kvinnene sin 10 kilometer fristil i Lahti søndag. Sjå innspurten her.

Marit Bjørgen la opp løpet perfekt og gjekk inn til siger på 10.-kilometeren i Lahti søndag.

Det såg lenge ut til å bli sekundstrid mellom Marit Bjørgen og Therese Johaug, men i siste del av løpet søndag stoppa det seg heilt for verdscupleiar Johaug.

Therese Johaug gjekk i mål til 3.-plass.

Siste nytt

  • Curling-tap mot Sveits

    Thomas Ulsrud og hans lag tapte 6-8 for vertsnasjonen Sveits i andre kampe i curling- EM. Tidlegare i dag opna Norge med 11-3 over Russland.

    Neste kamp går mot Nederland søndag.

Sendeplan

Kl. Program Kanal
Sesongstart langrenn: 15 km fri teknikk, menn
Vinterstudio
Vinterstudio
Sesongstart langrenn: 15 km fri teknikk, menn
Langrenn: 15 km fri teknikk menn
Vinterstudio
Vinterstudio
Sesongstart skiskyting: fellesstart kvinner
Sesongstart skiskyting: Fellesstart kvinner
NM kombinert: 10 km langrenn
Sesongstart skiskyting: Fellesstart kvinner