NRK Meny
Normal

Det blei berre nesten for Hødd

Eitt mål i kvar omgang var nok til at FC Aktobe punkterte vesle Hødd sin europadraum.

Spente Hødd-supportarar

Svært mange Hødd-supportarar følgde kampen mot FC Aktobe frå KaffeBaren i Ulsteinvik. Dessverre blei det lite jubel.

Foto: Sara Lovise Roaldseth / NRK

Hødd gav alt i returkampen i Kasakhstan, men etter 180 minutt med europacup blei det 2-1 til kasakhstanske FC Aktobe.

Aktobe

Greitt med supportarar på tribunene i Aktobe.

Foto: Torkjell Tennfjord

Tidleg opp i leiinga

Det var kamp om billettane i Aktobe, og rundt 13.000 menneske strøymde til før kampstart. Då signalet gjekk klokka 18.00 storma heimelaget i angrep.

Etter fleire nesten-sjansar kom 1-0 etter seks minutt. Heimelaget angreip, og i duell med Jesper Törnqvist og Steffen Moltu fekk Sergey Davidov rota med seg ballen. Åleine med Hødd-keeper Andreas Lie la Aktobe-spelaren ballen i mål.

FC Aktobe pressa vidare, men etter rundt 15 minutt tok kasakhstanarane det litt meir med ro. Hødd kom etter kvart meir med i kampen, men dei store sjansane har hamra mot bortemålet.

Heimeleiinga med 1-0 stod seg til pause.

Aktobe mot Hødd

Aktobe, i mange, mange varmegrader, var utan tvil ei tøff påkjenning for laget frå Ulsteinvik. Stadion i den kasakhstanske byen var stappfull.

Foto: Kjetil Henningsen

Betre med, men så kom kalddusjen

Mot slutten av første omgang hadde Hødd funne flyten, og den tok dei med seg inn i andre omgang. Blåtrøyene frå Ulsteinvik pressa så lett, og kom til halvsjansar og farlege frispark.

Aktobe tok derimot over igjen, og i det 61. minutt kom 2-0. Sergey Davydov var på plass i feltet etter eit innlegg, og heada inn scoring nummer to for kvelden.

Heimelaget var svært nære 3-0 etter 72 minutt, men åleine med Lie klarte kasakhstanarane å bomme.

Hødd pressa på, og kom til fleire skot på mål utover i andre omgang, men tre minutt på overtid gjekk sluttsignalet og europadraumen var over for fjorårets cupmeister.

To sentrale spelarar fekk ikkje visum

Trass i Hødd sin historiske heimesiger førre torsdag , var laget underdog før bortekampen mot det kasakhstanske eliteserielaget FC Aktobe.

Då to av Hødd sine mest sentrale spelarar, i Sivert Heltne Nilsen og Akeem Latifu, blei nekta visum , blei oppgåve plutseleg endå nokre hakk vanskelegare.

Likevel, før kampen var Hødd optimistar:

– Dersom alle presterer opp mot toppnivå, og treff godt med kampstrategien kan det gå vår veg, sa dagleg leiar i Hødd, André Nevstad .

Defensivt ut

Med midtbaneanker Heltne Nilsen og høgreback Latifu heime i Noreg, valde Hødd å gå ut i ein 5-4-1-formasjon.

Hødd (5-4-1): Andreas Lie - Andreas Rekdal, Tobias Nygård Vibe, Jesper Törnqvist, Steffen Moltu, Ruben Kenneth Brandal - Pål André Helland, Erik Sandal, Fredrik Aursnes, Joachim Magnussen - Espen Standal.

Hødd mot Aktobe

Pål André Helland og Hødd vann 1-0 på Høddvoll i den første av to kampar i andre kvalifiseringsrunde til Europaligaen. Borte mot FC Aktobe spelar Helland sin siste kamp i den blå trøya.

Foto: Ekornesvåg, Svein Ove / NTB scanpix

Siste nytt

  • Krusjelnitskij dropper CAS-høring

    Alexander Krusjelnitskij møter ikke til CAS-høring i sin dopingsak torsdag. Curlingutøveren mener utfallet er gitt ettersom det foreligger positive prøver. Han spilte på OAR-laget som slo Norge i bronsekampen i mixed double.

    Aleksandr Krusjelnitskij
    Foto: CATHAL MCNAUGHTON / Reuters
  • Høyring curling-dopingsaka torsdag

    Den internasjonale idrettsdomstolen CAS melder i dag at høyringa i dopingsaka mot den rusiske curlingspelaren Aleksandr Krusjelnitsjki tek til i morgon kl 06, norsk tid.

    Han har avgitt positiv dopingprøve. Om han blir dømd, kan OUR miste bronsen i miks-double, som Norge i så fall vi få i staden.

    Aleksandr Krusjelnitskij
    Foto: CATHAL MCNAUGHTON / Reuters
  • Kristoff spurtet til seier

    Ingen kunne gjøre noe med Alexander Kristoff spurtet til seier foran italienske Andrea Guardini på den første etappen av Abu Dhabi Tour

    – En herlig seier for meg og laget. Jeg vil takke lagkameratene mine for hjelpen. Det er en god følelse å åpne rittet med å vinne, sa Kristoff etter etappen.

    Alexander Kristoff
    Foto: PHILIPPE LOPEZ / AFP

Sendeplan

Kl. Program Kanal