NRK Meny
Normal

BBC: IAAF utestenger russiske utøvarar frå OL

Det internasjonale friidrettsforbundet vil oppretthalde utestenginga av russiske utøvarar frå internasjonale konkurransar, hevdar BBC.

DIREKTE 17:30: Det internasjonale friidrettsforbundet held pressekonferanse om Russlands OL-framtid.

På ein pressekonferanse klokka 17.30 vil Det internasjonale friidrettsforbundet (IAAF) legge fram sitt styrevedtak: Skal Russland fortsatt suspenderast frå friidrettskonkurransar eller ikkje?

BBC hevdar å vite at suspensjonen ikkje blir oppheva, som betyr at russiske utøvarar etter alt å dømme ikkje får delta i OL.

Etter det NRK erfarer tok det lang tid for styret å komme fram til ei avgjerd. Så seint som klokka 16.55 kom avgjerda på møterommet - etter at BBC meldte at avgjerda var tatt.

Svaret blir kjent på ein pressekonferranse i Wien straks.

Heiberg: – IOC har siste ord

IOC-medlem Gerhard Heiberg sa til Dagbladet torsdag at det er IOC som til slutt avgjør om Russland skal få delta i OL, men at det skal mykje til å overprøve Det internasjonale friidrettsforbundets vedtak.

– Eg understrekar at det nok skal mykje til før vi kjem til ei anna avgjerd enn IAFF, men det kan vere at vi tenker litt forskjellig rundt dette. For IOC handlar det nok å tenke litt større i eit politisk perspektiv, sa Heiberg.

Vi avventar sjølvsagt styrevedtaket i IAAF, men skal sjølv drøfte saka på vårt styremøte i IOC den 21. juni, la han til.

Den største stjerna føler seg diskriminert

Jelena Isinbajeva er ei av fleire russiske stjerner som blir ramma dersom IAAF-styret ikkje opphever den russiske utestenginga.

Jelena Isinbajeva

RUSSLANDS STØRSTE FRIIDRETTSSTJERNE: Jelena Isinbajeva.

Foto: Jamie Squire / Getty Images

Isinbajeva, den første kvinna til å hoppe over fem meter i stav, føler seg diskriminert. Ho har aldri vore mistenkt for å ha dopa seg, har aldri levert tvilsame eller positive prøvar.

– Det er ikkje riktig at eg skal straffast for noko andre har gjort, og for noko som er eit internasjonalt problem, hevdar stavdronninga.

Ho har skrive brev til IAAF og klaga med same argumentasjon, foreløpig utan å bli høyrt.

Andersen: – Press frå russarane

3. desember 2014 starta den store russiske dopingskandalen, som no etter alt å dømme endar med at russiske friidrettsutøvarar ikkje får delta i OL.

Den tyske TV-kanalen ARD sendte ein time lang dokumentar der det blei framsett påstandar om systematisk og statleg sponsa dopingbruk blant russiske friidrettsutøvarar.

Etter ei rekke avsløringar bestemte Det internasjonale friidrettsforbundet seg for å utestenge dei russiske utøvarane frå all friidrett. Deretter nedsette dei ei arbeidsgruppe. Spørsmålet til arbeidsgruppa var enkelt: Skal russiske utøvarar få komme inn i friidrettsvarmen igjen?

Leiar for denne arbeidsgruppa er norske Rune Andersen. I dag har han lagt fram gruppas innstilling til friidrettsforbundet.

Dagen før skjebnedagen sa han dette til NRK:

– Det har vore press fra mange hald. Det har vore press frå russarane. Dei er jo heilt klare på at dei bør kunne få vere med i OL, sa Andersen.

Siste nytt

  • Sjokktap for Liverpool

    Bunnlaget Swansea sørget for en aldri så liten sensasjon i Premier League da laget slo Liverpool 1-0 mandag. Alfie Mawson scoret målet for Swansea etter 40 minutters spill.

    Premier League - Swansea City vs Liverpool
    Foto: Matthew Childs / Reuters
  • Frankrike overlegne mot Serbia

    Frankrike var i perioder helt overlegne mot Serbia og vant til slutt 39-30 i EM-kampen i håndball mandag. Seieren gjør at franskmennene er så godt som sikret semifinaleplass før kampen mot Kroatia onsdag.

    Frankrike håndball-EM
    Foto: Darko Bandic / AP
  • FIFA vil bruke videodømming

    Det blir innført videodømming (VAR) under sommerens fotball-VM, bekrefter Det internasjonale fotballforbundet. Allerede under VM i 2014 ble det brukt mållinjeteknologi. Nå tar FIFA et steg videre. Den endelige beslutningen om å åpne for VAR tas 2. mars.

    Gianni Infantino
    Foto: Alexander Nemenov / AFP

Sendeplan

Kl. Program Kanal