NRK Meny
Normal

Bardal til topps i polsk bingorenn

ZAKOPANE/OSLO (NRK.no): Eit kaosprega hopprenn i Zakopane enda med at andre omgang blei avlyst. Då blei bestemann i første omgang vinnar, og den mannen var Anders Bardal.

Det var kun en omgang som lot seg gjenomføre og der var Anders bardal best.

Anders Bardal hoppa 131,5 meter i første omgang. Det eine hoppet heldt til siger framfor Peter Prevc og Richard Freitag.

Bardal hoppa 131,5 meter og enda opp med 127 poeng. Det var 2,3 poeng betre enn slovenske Peter Prevc på andreplass og 4,9 poeng betre enn tyske Richard Freitag på tredjeplass.

– Det er imponerande korleis han taklar alt styret før han måtte hoppe, sa NRK-kommentator då Anders Bardal stod øvst på pallen i Zakopane.

For det var ikkje berre enkelt å halde fokus. Arrangøren hadde alle odds mot seg denne søndagen. Det var vått, lite snø og mykje vind.

– Prøveomgangen blei avlyst fordi arrangøren måtte jobbe med tilløpet, fortel Scheie etter rennet.

Rennet blei eit to timar langt kaos.

– To timar er også blant det lengste éin omgang i hopp nokon gong har vart. Eg kan ikkje hugse liknande på dette nivået, fortel Scheie.

Anders Bardal

Anders Bardal redda dagen då alle andre norske feila.

Foto: JANEK SKARZYNSKI / Afp

Bardal: – Litt flaks

Bardal var nummer 47 som skulle hoppe i Zakopane denne søndagen. Då hadde han stått på toppen og sett hopparar bli flytta av og på bommen.

– Det var eit spesielt hopprenn, det tok veldig lang tid, sa Bardal etter rennet.

Like før nordmannen skulle hoppe blei det ein lang pause.

– Ja, dei fekk litt for dårleg fart dei som hoppa før meg, og dei måtte gjere om på sporet. For meg var det litt flaks i dag, og det må vere lov innimellom. Det viktigaste er at eg gjer eit godt skihopp, og det må eg ta med meg.

Skihoppet blei så godt at Bardal tok sin sjette verdscupsiger. Bardal tok også sin første verdscupsiger i Zakopane, 27. januar 2008 - også den gongen etter berre éin omgang.

– Dette har vore ein lukkebakke for Bardal. Han blei i tillegg verdscupvinnar samanlagt her for to sesongar sidan og verdsmeister her i fjor, sa Scheie under NRK si direktesending.

Det er fjerde gong i sesongen at Bardal er på pallen i verdscupen, men trønderen sin første siger.

Saka held fram under bildet.

Scheie og hopparane

Her står Arne Scheie saman med dei fire hopparane han meiner er heilt OL-sikra. F.v.: Rune Velta, Anders Bardal, Arne Scheie, Anders Jacobsen og Anders Fannemel.

Foto: Solum, Stian Lysberg / NTB scanpix

Spent før OL-uttaket

Det var med i alt sju nordmenn i hopprennet i Polen. Utanom Bardal skuffa dei norske stort, der Rune Velta blei nest beste nordmann på delt 22.-plass.

Anders Fannemel og Anders Jacobsen blei nummer 28 og 29, medan Tom Hilde blei nummer 33. Robert Johansson enda på 35.-plass, Daniel-André Tande nummer 48.

– Fire stykk fekk verdscuppoeng, men det var veldig mange som var uheldige med forholda i dag. 4-5 av nordmennene var også det, seier Scheie.

Dette blei uansett siste hopprennet før uttaket til Sotsji-OL. Scheie meiner fire mann er heilt sikre.

– Bardal, Velta, Fannemel og Jacobsen er sikre. Jacobsen er litt kjenslesak, men han kom vinne eller kome på pallen. Han kan også bli nummer 44, men dei femte- eller sjettemann er ikkje betre, meiner Scheie.

Om han må gjette på ein femtemann held NRK-kommentatoren ein knapp på Tom Hilde. Det største medaljehåpet er uansett Anders Bardal.

– Eg har eit mål om å vere med og kjempe om medalje, både individuelt og i lagkonkurransen. Då må eg levere hopp som i dag stabilt over tid, for det er jamt i toppen, sa Bardal etter sin sjette verdscupsiger.

Dette hadde Anders Bardal i si etter hopprennet i Zakopane.

Anders Bardal var godt fornøgd etter å ha sikra sin sjette verdscupsiger.

Siste nytt

  • Tolisso-heading fikset Bayern-seier

    Corentin Tolisso ble matchvinner etter 77 minutter da Bayern München vant 2–1 borte mot Anderlecht i mesterligaen onsdag kveld.

    Robert Lewandowski ga tyskerne ledelsen før Sofiane Hanni utlignet etter 63 minutter.

    Corentin Tolisso
    Foto: Geert Vanden Wijngaert / AP
  • PSG scoret syv mot Celtic

    Moussa Dembélé sendte Celtic i føringen etter 55 sekunder, men derfra og inn var det PSG for alle pengene.

    Kampen endte til slutt 7–1 etter mål av Neymar (2), Edinson Cavani (2), Kylian Mbappé, Marco Veratti og Dani Alves.

     Edinson Cavani (C) celebrates after scoring with teammates Paris Saint-Germain's Brazilian striker
    Foto: Franck Fife / AFP
  • Atletico holder liv i drømmen

    Atlético Madrid vant 2–0 over Roma, og har med det fortsatt håp om avansement fra mesterligaens gruppe C.

    Antoine Griezmann og Kévin Gameiro gjorde målene for det spanske hovedstadslaget.

    Champions League - Atletico Madrid vs Roma
    Foto: Juan Medina / Reuters

Sendeplan

Kl. Program Kanal
Firenasjonersturnering håndball kvinner: Norge - Sør-Korea
4-4-2 Europa League: Rosenborg - Real Sociedad