Avslutta LSK-karrieren med mål: – Veldig herleg

Ingrid Syrstad Engen kunne ikkje fått ei betre avslutning på karrieren som LSK-spelar. På vegen mot profflivet i Tyskland kunne ho notere seg for eit mål og 3–1 siger til gultrøyene over Sandviken.

Mesterligaen fotball, kvinner: LSK Kvinner - FC Barcelona Femeni’ (0-1)

AVSKJED: Ingrid Syrstad Engen laga mål i sin avskjedskamp for LSK Kvinner.

Foto: Fredrik Hagen / NTB scanpix

Laster innhold, vennligst vent..

– Det var veldig herleg. Vi hadde ein god første omgang i dag og kjempeviktig med tre poeng, seier Syrstad Engen etter kampen.

– Ho er ein god spelar som har utvikla seg veldig, seier LSK-trenar Hege Riise.

Sjølv om det vart mål, var det også ein vemodig dag måtte Syrstad Engen innrømme etter avskjedskampen.

– Det er veldig trist. Det byrjar å gå opp for meg no og eg kjem nok til å kjenne på at det trist og forlate klubben.

Lagvenninne Guro Reiten er ikkje i tvil om at dei kjem til å sakne Syrstad Engen på laget.

– Sjølvsagt ville vi hatt ho på laget, men Ingrid fortener denne sjansen og kjem til å gjere det kjempebra.

Mesterligaen fotball, kvinner: LSK Kvinner - FC Barcelona Femeni’ (0-1)

SAKNA: Guro Reiten kjem til å sakne lagvenninna Syrstad Engen.

Foto: Fredrik Hagen / NTB scanpix

Ho legg til at laget sjølvsagt kjem til å bli svekka av dette, men at ho reknar med nye vil kome inn.

Mål i første minutt

Det første målet kom alt før det var passert eit minutt. Målscorar Therese Sessy Åsland og Lillestrøm-kvinnene sette dermed standaren på ein kamp, der dei dominerte fullstendig i første omgang.

Etter 14 minutt sørga Ingrid Syrstad Engen for 2–0 i sin avskjedskamp for LSK. Dette er hennar siste kamp i gul drakt. 21-åringen forlèt LSK for å bli proff i Wolfsburg i Tyskland.

43 minutt ut i kampen blir Emilie Bosshard Haavi blir felt av Stine Hovland inne i 16-meteren. Guro Reiten sette den trygt i hjørnet og kan dermed notere seg sitt 12 seriemål for sesongen.

Toppserien 2019, fotball kvinner, Vålerenga - LSK kvinner (1-2)

SIGER: LSK Kvinner er i ferd med å feste grepet om Toppserien etter at dei vann toppkampen mot Sandviken.

Foto: Ryan Kelly / NTB scanpix

Etter kvilen er det derimot Sandviken som kjem best i gang. Tre minutt ut i andre omgang er det Kennya Cordner som kjem seg fri og slår ballen hardt i nærmaste hjørne.

Sandviken kom langt meir med i kampen i andre omgang, noko som også medførte fleire feil og langt mindre dominans av LSK.

– Kjempebra første omgang og ræva andre, kokluderar Guro Reiten.

– Dei er betre enn oss i første, men i andre omgang synst eg vi er best. Synd vi ikkje scorar fleire mål, seier Sandviken sin Stine Hovland.

LSK-trenar Hege Riise var helle ikkje nøgd med prestasjonen i andre omgang.

– Det såg ut som alle hadde sett meisterligaen i går, der alt skjedde i første omgang. Vi spelar ein veldig god første omgang, og desto dårlegare andre. Vi vinn ikkje duellane og slår bort ballen. Men eg glad vi vinn og det er fortent.

Klar leiing

LSK Kvinner er i ferd å feste grepet og leiar no Toppserien med 26 poeng. Det er sju poeng ned til Klepp på andreplass og med tapet i dag blir Sandviken ståande med 18 poeng.

Direktør for elitefotballen, Lise Klaveness, lét seg imponere av fleire av spelarane. Heile 11 VM-spelarar var i aksjon i kampen. Åtte på LSK Kvinner og tre på Sandviken.

– Det ser ut som dei spelar med stort overskot og dei offensive spelarane er i form.

Det er no pause i Toppserien til etter VM.

Laster innhold, vennligst vent..

Siste nytt

  • England-kaptein slit før Norge-møte

    Det er uvisst om England sin kaptein, Steph Houghton, vil bli speleklar til kvartfinalen mot Norge. Landslagssjef Phil Neville seier til Daily Mirror at kapteinen framleis har store smerter. Ho stod over treninga tysdag, etter ankelskaden som ho pådrog seg i åttandedelsfinalen.

    Women's World Cup - Round of 16 - England v Cameroon
    Foto: Phil Noble / Reuters
  • Italia tok seg til kvartfinalen

    Kina tapte 2–0 mot Italia i åttandedelsfinalen, og dermed er italienarane klare for kvartfinalen i VM. Valentina Giacinti sørga for italiensk leiing alt etter 15 minutt. Få minutt ut i andre omgang sørga Aurora Galli for 2–0.

    Foto: Claude Paris / AP
  • Kjetil Haug har signert for VIF

    Målvakt Kjetil Haug har teikna kontrakt med Vålerenga fram til juli 2022. 22-åring har vore på utlån ifrå Sogndal sidan april. Han har ei fortid i mellom annan Manchester City og Sarpsborg, og har 39 landskampar bak seg i aldersbestemte klassar.

    Kjetil Haug
    Foto: Audun Braastad / NTB scanpix

Sendeplan

Kl. Program Kanal