NRK Meny
Normal

– Anand burde kanskje erkjenna at trona er tapt

Vishy Anand stiller i VM-kvalifiseringa. – Overraskande, meiner NRK sin sjakkekspert.

Viswanathan Anand

Torstein Bae trur den indiske sjakkspelaren Viswanathan Anand er over toppen. Her frå VM-kampen mot Magnus Carlsen i Chennai.

Foto: Krishnan, Anantha / NTB scanpix

I dag vart det klart at Viswanathan Anand deltek i årets kandidatturnering i Khanty-Mansijsk i Russland i mars. Det var lenge usikkert om den tidlegare verdsmeisteren i sjakk skulle vera med.

– Vanskeleg å koma til ny VM-finale

– Eg må seia eg er litt overraska. Då me såg VM-kampen i Chennai og utklassinga til Carlsen, tenkte eg at han med sin alder og det han har oppnådd ville vera nøgd, seier NRK sin sjakkekspert Torstein Bae.

Laster Twitter-innhold

For Bae er det overraskande at Anand no satsar vidare, og meiner det vil vera svært vanskeleg å koma til ein ny VM-finale.

– Eg trudde han ville innsjå at slaget om VM-tittelen er tapt.

Fall på rankinga

Anand har ifylgje Bae vore ein skugge av seg sjølv i mange år.

– Det vil vera vanskeleg å koma attende til toppnivå etter ein så lang periode med forholdsvis svake resultat.

Indaren har vore ranka som ein av verdas tre beste spelarar i åtte år på rad fram til 2008. Likevel har han i heile si karriere «berre» vore ranka som nummer éin i 15 månadar.

På den offisielle rankinglista til Det internasjonale sjakkforbundet for januar 2014, er Anand no heilt nede på 9.-plass.

Som tapande VM-finalist, er Anand kvalifisert til kandidatturneringa i mars som omfattar åtte spelarar. Vinnaren møter Magnus Carlsen når han skal forsvara VM-tittelen i november.

Carlsen møter Bill Gates

Magnus Carlsen møter for øvrig Microsoft-gründer Bill Gates når han er gjest i Skavlan fredag. Carlsen vart kåra til «Young person of the year» av den britiske avisa The Times nyleg. Gates har dei siste åra brukt mykje av formuen sin på velferd og helsearbeid.

Siste nytt

Sendeplan

Kl. Program Kanal
VM sykkel
VM sykkel: Tempo
VM sykkel
Semifinale i cupen, menn
VM-kveld
4-4-2 NM fotball: Semifinale Vålerenga - Sarpsborg 08
Cupen: Semifinale, Vålerenga - Sarpsborg 08
Cupen: Semifinale, Vålerenga - Sarpsborg 08