Knallhard styrketrening ga framgang: – Er blitt meir eksplosiv

Amanda Kurtovic meiner ho har blitt fysisk sterkare etter overgangen til CSM Bucuresti.

Håndball EM Kvalifisering: Norge - Kroatia

MUSKLAR: Amanda Kurtovic har fått nytt treningsprogram gjennom Olympiatoppen og har blitt mykje sterkare

Foto: Fredrik Hagen / NTB scanpix

– Eg har god tid til å trene styrke etter å ha etablert meg i byen og blitt kjend med jentene på laget, seier Kurtovic til NRK. I fjor gjekk ho til det rumenske laget som vann meisterligaen i 2016.

26-åringen med 107 landskampar har etablert seg på høgrebacken på landslaget i Nora Mørks skadefråvær.

– Berre trene og ete

– Treningssenteret ligg berre 30 meter utanfor der eg bur. Det er ikkje så mykje anna å gjere enn å trene og ete, smiler Kurtovic.

– Har målet vore å gå opp i vekt?

– Nei, men å bli fysisk sterkare, seier ho.

Ho har levert to gode kampar mot Kroatia i EM-kvalifiseringa. Søndag blei ho toppscorar med sju mål i 33-27-sigeren som sikra Norge plass i EM i Frankrike i desember.

Grunnen er at ho er blitt fysisk sterkare.

– Eg er sterkare i duellspelet, og mykje tryggare, seier ho, og gir skryt til Olympiatoppen.

– Dei har vore flinke til å setje opp eit godt fysisk opplegg for kampane. Derfor har eg kunna trene bra sjølv om det er tett kampprogram. Det har fungert veldig bra, seier Kurtovic.

Håndball Em kvalifisering Norge-Kroatia

STERK: Amanda Kurtovic i aksjon mot Kroatia.

Foto: Terje Pedersen / NTB scanpix

Blitt sterkare og meir eksplosiv

– Eg har blitt flinkare til å stå på, sjølv om det er slitsamt i periodar. Men det vinn eg på i lengda.

Det trengst i klubbens tøffe kampprogram.

– Eg har blitt sterkare og meir eksplosiv, og toler duellane mykje betre. Det trengst når ein skal spele meisterliga mot dei beste laga, og halde ut i eit tett serieprogram også. Det blir mange kampar, seier ho.

Og er nøydd til å gi alt på treningane i storklubben også.

– Kvar trening er også kamp om speletid. Det gjeld å vise seg fram. Eg spelar og trenar med dei beste kva einaste dag.

Siste nytt

  • Første verdenscupseier

    Vetle Sjåstad Christiansen tok sin første verdenscupseier i karrieren, under sprinten fra amerikanske Soldier Hollow. 26-åringen kjempet en innbitt kamp med Simon Desthieux, men tok franskmannen med 1,3 sekunder. Johannes Thingnes Bø fikk fire bom på den stående skytingen, men kjempet seg inn til en femteplass.

    Sjåstad Christiansen.
    Foto: Heiko Junge / NTB scanpix
  • Opptur for Norge i lagkonkurransen

    Polen vant lagkonkurransen i tyske Willingen foran Tyskland og Slovenia. Etter å ha ligget på en sjetteplass etter den første omgangen, klatret de norske hopperne to plasser. Mye takket være unggutten Thomas Aasen Markeng, som leverte to solide hopp.

    NORDIC-SKIING/
    Foto: LEHTIKUVA / Reuters
  • 3. div-spiller til slovensk mester

    Mirza Mujcic (24) fra den norske 3. divisjon-klubben Lysekloster har meldt overgang til den slovenske dobbeltvinneren Olimpija Ljubljana. – Jeg kan ikke tenke meg at noe sånt har skjedd før, sier breddefotballekspert Jørgen Tjærnås til Aftenposten.

    NM fotball 3. runde, Brattvåg - Rosenborg.
    Foto: Svein Ove Ekornesvåg / NTB scanpix

Sendeplan

Kl. Program Kanal