Tidenes strengaste klubbstraff: Utestengd frå Europa i ti år

Den albanske fotballklubben Skenderbeu er dømd til ekstremt streng straff for kampfiksing. Det har ført til store demonstrasjonar og drapstruslar.

Demonstrasjon for Skenderbeu

REAKSJONAR: Tilhengarane av den albanske klubben har markert seg med omfattande demonstrasjonar mot kampfiksings-skuldingane og støttar klubben sin.

Foto: STRINGER / AFP

– Vi er reine og uskuldige, seier klubbpresident Ardjan Takaj.

Men det er UEFA grunnleggande usamd i. Dei har straffa klubben med ti års utestenging frå europeiske turneringar, og ein million euro – godt over ni millionar kroner – i bot.

«Skenderbeu har fiksa (resultatet i) fotballkampar i ein grand ingen nokosinne har gjort tidlegare i fotballens historie», står det i rapporten, ifølgje The Guardian, som har sett han.

Det er den strengaste straffa UEFA nokosinne har gitt ein klubb.

Klubben er etterforska i to år for kampfiksing i stor skala. Granskarane har funne ut at klubben har vore involvert i fiksing av 53 kampar i albanske og internasjonale turneringar sidan 2011, skriv Tirana Times.

Vil anka til CAS

Klubben vil anke avgjerda inn for den internasjonale idrettsdomstolen CAS.

– Vi er overtydd om at vi er uskuldig dømde. Vi ankar til CAS, og om vi blir dømde der, kjem vi til å anke til den sveitsiske føderale domstolen, seier klubbpresidenten.

Klubben blei også suspendert får europeiske turneringar i 2016-17-sesongen, på grunn av sterk mistanke om fiksing av fire kampar. To store tap for Sporting Lisboa og Lokomotiv Moskva fanga UEFAs interesse. Det førte til utestenging, ei avgjerd som seinare blei stadfesta av CAS.

Ifølgje UEFAs gransking tok kampfiksinga til om lag då Agim Zeqo var vald til president i 2010. Då var klubben trua av nedrykk. Den første kampen som var granska for kampfiksing var i november same året.

Drapstruslar

Reaksjonane i Albania har vore sterke etter at skuldingane om kampfiksing blei kjende, og det har kome til omfattande demonstrasjonar til støtte for klubben.

Og under arbeidet med saka som no har ført til rekordstraffa har UEFAs inspektørar fått anonyme drapstruslar, melder uefa.com. Dermed er også politiet kopla inn.

Skenderbeu frå byen Korce i den søraustlege delen av landet har vore Albanias klart beste klubb dei siste åra, og vann ligaen seks år på rad før dei enda på tredjeplass i fjor. I årets liga har dei ei klar leiing og er på god veg mot eit nytt seriemeisterskap.

Sist sesong spela dei i gruppespelet i Europaligaen.

Siste nytt

  • Sandbech vant slopestyle i USA

    Snowboardkjører Ståle Sandbech vant slopestylefinalen i det store stevnet i Breckenridge i Colorado søndag. Mons Røisland ble nummer tre. Amerikanske Chris Corning endte på plassen foran. Silje Norendal ble nummer seks i kvinnenes slopestyle.

    VINTER-OS 2018 SNOWBOARD
    Foto: Andreas Hillergren/TT / NTB scanpix
  • Nytt Messi-show for Barcelona

    Lionel Messi var strålende da Barcelona igjen skaffet seg luke på tabelltoppen i spansk fotball søndag. Messi scoret tre ganger og gjorde forarbeidet til de to øvrige målene i 5-0-seieren over Levante.

    Lionel Messi
    Foto: Jose Jordan / AFP
  • Zuccarello-assist da Rangers tapte

    Mats Zuccarello bidro med en ny målgivende pasning, men kunne ikke forhindre at New York Rangers røk 3-4 for Vegas Golden Knights i NHL søndag. Zuccarello fikk registrert målgivende pasning og dermed et målpoeng da Mika Zibanejad utliknet til 2-2.

    NHL: Buffalo Sabres at New York Rangers
    Foto: Danny Wild / Reuters

Sendeplan

Kl. Program Kanal